انا وذكراها ..
البآرت الثالث
...
روحت من الجامع طول للحوش قعمزت مع هلي هدرزت شويه وبعدها استأذنت وخشيت لداري
سمعت اذان العشاء صليت ورقدت
____
لاااا لاااااااا والله معاش نعاودهااا اعطوووني فرصهه بسسسسس .. زوز رجاله ضخام يصبو ف وداني سائل يحرق فياااا نعيط بأعلى صووووووت
ارحموووووونيييييي .. شفت ظوافري لقيتهمم يطلع من تحتهم صديد .. ونا نعيطط بصوت عالي
____
نضت مخلوع من الحلم اللي شفته قعدت نردد " اللهم اني اعوذ بك من شر مارأيت "
تلفتت ليميني حاولت نرقد بس مقدرتش اللي شفته قبل شويه كفيل يخليني مية سنه نايض
____
تاني يووم
نضت مشيت الخدمه وبعد تم الدوام روحت للحوش رتحت وف العشيه طلعت ندهور مع صحابي
•••
الفجر نضت خشيت الحمام حشاكم
توضيت ورجعت صليت وقريت قرآن وبعده الاذكار وقعدت نايضه للصبح
الساعه تمانيه تمام بدلت ملايتي وخماري وجريي صبحت علي العيله ومشيت لسايرتي ركبت وصاروخ للعياده
...
درت دورة ع المريضات وخشيت لغرفه اني وممرضه قعمزنا وهدرزنا
ميساء : جيجو بنسألك!
اني تلفتلهاا : ديريلي حتى امتحان
ميساء ضحكت : خزي عليك بارده
اني : اي شن هو السؤال؟
ميساء : من امتى انتي متدينه؟
اني : امممم ممكن من لما عمري 16
نور شهقت : صغيييرررةةة!
ميساء : متوقعتش هكك
ابتسمت وسرحت بخيالي اتذكرته وطول نزلت دمعتي ومسحتها بسرعهه
اني : الحمدلله ع النعمه الحمدلله ع كل شي اني فيه تواا
ميساء : خيركك جيجو علاش تبكي
اني : اذكرت حاجه قديمه بسس
نور : احكيلناااا
اني بتهرب : شن بنحكي يلا وقت مرات يبونا
ميساء شدت فيا : والله والله احكيلنا بالله عليك والنبيييي واضح من لمعة عيونك انه شخص غاليي
اني نزلت عيوني : مش غير
نور صفقت : اووووووبااااا
ميساء : هياااا هيااا ابدييي
اني زفرت : قبل سنين كنت ن....." قطع عليا صوت ممرضه تجري "
خلود : فف فِ واحد جايبينه في الاسعاف توااا يبو ممرضات معايي
اني وميساء ونور جريناله " بمان ان اني واخده شهاده تمريض لما كنت ف التانوي وكملت خدمه ف العياده هذي لين تخرجت وطلبو مني نخدم معاهم "
المهم تمينا ف المريض وطلعنا للكافيتيرياا
♕________________________♕
روحت من عند اصحابي وقعدت ندهور مشيت للبحر قعمزت ع الشط بالصدفه تلفتت يساري وشفت شي عمري وحياتي ماتوقعت نشوفه .. خنقتني العبره .. يعني هدا اللي كان ناقص اني شن جيبني هنا اصلااا .. جيت للبحر بش نرتاح وزدت اضايقت .. البنت اللي تمنيتهاا تكون حلالي مقعمزه مع غيري وتضحك هي وياه " ااااااه ياربيي " مش عارف كيف نوصف شعوريي ف اللحظه هذي وقفت .. وشبحتلهاا ولقيتها تشبحلي سرحت فيها شوي قداش " مخليه فراغ كبير ف ححياتي " استاقضت لروحي واستغفرت شن هذااا ووواككك تي افهم يابهيم راهيي متزوووجههه مش حلالكك باش تشبحلها وتسرح فيهااا
ركبت سيارتي وانطلقت للجامع نتريح ونريح غيري
خشيت صليت ركعتين تحية المسجد
وقعمزت نقراا
أنت تقرأ
انا وذكراها( روايات ليبية)
Romanceرواية باللهجة الليبية تحكي على هلبا حجات هتستفيدو❤️🌺 بقلمي .. " ســـــــــراب " مريم موسى محمد ✨🌸.
