تحطمت و انت بنيتني {مكتمله}

البارت الاول

مساء الخير; صباح الخير عليكم 🖤💚
السلام عليكم ...
البارت الاول م̷ـــِْن قصه
(تّحٌطّمَتّ وَ أّنِتّ بِنِيِّتّنِيِّ)
💔💔💔💔💔💔💔
#بِقِلَمَيِّ_أّلَګأّتّبِهِ_ لـبـؤه 🐆🖤

لُيَٺنْيَ لُمْ آلُڊ ٻيَنْڪمْ لُقٌڊ آڪٺفُيَٺ
وُعٌذآٻ آلُروُﭸ آقٌوُى مْنْ عٌذآٻ آلُڄڛڊ لُقٌڊ آڛٺڛلُمْٺ نْفُڛيَ
آلُآنْهِآ آڊرڪٺ مْنْ آنْٺمْ
آنْٺمْ لُيَڛمْ مْنْ آلُٻشُر ...
*-*-*-*-*-*-*-*-

جنت واكفه على السنك اغسل مواعين وثوبي متبلل وتعبانه
وزهكانه م̷ـــِْن الشغل ليش هوه الي يعيش بهذا البيت شيحصل غير
الكرف .

فجأه انفتح باب المطبخ ودخل
بملامح تاعبه وقطرات العرق
على جبينه وعاقد حواجبه
م̷ن شافني تغيرت ملامحه
من ملامح متعبه الى ملامح
كلها فرح مغمور بعيونه الي
لونها مثل لون السما .

كمزت عليه بفرح واحس رجعتلي
دنيتي بوجوده وحضنته بلهفه
هوه حضني بشوق ومن كل قلبه
وخرت عنه نضرتله بـ نضرات
انثويه وطفوليه كتله بلهفه
- الحمدالله على السلامه باباتي
شلونك يا نور عيني .

جاوبني بنبره تعب وبفرح
- الله يسلمج حبيبتي
ليلي زين يا بعد روح باباتج .

ودخل مباشرتاً للصاله
ودخل وره علي اني تبسمرت
بمكاني .

كال وهوه شبح ابتسامه على
ثغره -شلونج ليال .

جاوبت واني منزله راسي
-هلا بيك علي الحمدالله
وانته .
-الحمدالله

دخل علي وره ما دخل زين العابدين
اني ترست الدولكه مال المي مي بارد الان اعرف زينو اله مي بارد يشرب اخذت الكلاص ودخلت للصاله شفتهم كاعدين وي
حكم واسامه ويسولفون ما اعرف على شنو صبيت المي العلي الان جان كاعد بالبدايه وبعدها الزين العابدين .
شفته حط الكلاص على الطاوله
وكلي وهوه يرفع ايديه الناعمه بوسط اليديه الخشنه وكلي
بحب -ليلي نريد لكمه حلوه م̷ـــِْن هل ايد الحلوه باباتي .

جاوبته واني بحب ولزمت كفوفه الخشنه بين كفوفي الترفه
-صار يا بعد عين ليلي .

كام خله ايده على راسي وباسني
بجبيني وكالي بنبره تحسسني انو هوه ابويه بالفعل - تسلمين يا بعد ابوج .

طلعت م̷ـــِْن الصاله توجهت للمطبخ
حميت الاكل لزينو ولعلي .

طبعا زين العابدين ابن عمي اكبر مني بـ 12 سنه اني رضعت من حليب امه بس ربيت على ايده
رباني على انو هوه ابويه مو اخويه
بـ الرضاعه واني ماخذه اطباع منه
حتى بالشبه انطي شبه حتى يكلي
كوليلي بابا الان اني ربيتج وانتي بنيتي لو ما هوه جان ما كملت دراستي.