تحطمت و انت بنيتني {مكتمله}

البارت السابع

مساء الخير ;صباح الخير عليكم 🖤💚

سلام عليكم ...
البارت السابع م̷ـــِْن قصه
(تّحٌطّمَتّ وَ أّنِتّ بِنِيِّتّنِيِّ)
#بِقِلَمَيِّ_أّلَګأّتّبِهِ_لـبـؤه
💔💔💔💔💔💔💔💔
هِأّ أّنِأّ وِأّقِفِّهِ أّمَأّمَګ مَحٌطّمَهِ
هِأّ أّنِأّ ذأّ أّقِفِّ أّمَأّګ مَنِګَّسرهِ
أّضّحٌګ عٌلَى تّلَګ أّلَأّيِّأّمَ وِأّبِګيِّ
عٌلَيِّهِأّ شٍوِقِأًّ ګمَ أّحٌبِبِتّګ يِّأّ مَنِ
قِلَتّ لَګ أّبِيِّ لَقِدِ تّحٌطّمَتّ وِ أّنِتّ بِنِيِّتّنِيِّ .. 💔💔💔
-*-*-*-*-*-*-*-*-*-*

ليال ...

انتهيت بهاي اللحظات وتناثر
شتات حطامي خسرت ابويه
للمره الثانيه خسرت الي عشقته
خسرتك زين  العابدين رحت و راحت روحي وياك.

صرت أصرخ بدون وعي واكول كلمات بدون مااعرف شنو الي اكوله
بس فجأه صار كلشي اسود بعيني
صرت ما احس بشي   او اسمع
او اصدر اي صوت ورحت عن العالم.

بس اني جنت ما فاقده الوعي كلين
اسمع بس مو شي واضح اشوف بس بغواش عبالك مثل الضباب.

حسيت  على احد شالني بس،منو ماادري خلاني بغرفه بيها سرير واحد منفرد ومددني عليه
سمعت صوت علي وهوه يحجي.

انصعقت وانصدمت من كلامه...

••••••••••
علي ...

بعد ما طلع مراد من يم زين العابدين
وهوه يبجي وايده على حلكه خايف
يحجي لزمته ليال وتعيط بوجه تريده ينطق هوه بس كال.

-انا لله وانا اليه راجعون.

الكل انهار بلاخص بنيته وحبيبته
صارت مثل البؤه المحطمه والجريها
تريد اسدها يطلع يطيب خاطرها
بكلماته العذبه تريده وتصرخ بلا اي
وعي وتلفض اسمه من بين صوتها
الممزق من الم العياط والصرخات
مالتها وهيه بدون ما تدري بنفسها
انو دا يطلع اسمه من بين شفافها
الكرزيه. بعدها فقدت ليال راحت لعالم السواد.

ركضت عليها حملتها واني دموعي
تتصاقط من بين رموشي المبلله
بيها وتوكع حبات دموعي على وجها
الترف الي بشوفته تردلي روحي.

وديتها الغرفه فارغه بـ نهايه الممر
بيها سرير واحد حطيتها عليه واني
كعدت على الكرسي اليمي كمت احجي بدون وعي.

-ليال انتي روحي ولج والله انتي روحي وراح تصيرين الي عن قريب
انتي امانتي بعد زين هوه الي كلي
اني حطيتها بركبتك امانه ليال خليها تخلص سنويه زين واجي اخذج من بيت اهلج اعرف اني هواي تسرعت بس انتي عشقي
انتي امانتي شوكت تصيرين
بين ايديه وبين احاضاني
احطج بحضني نايمه طول العمر
ولا اخليج تكعدين احطج بين ضلوعي اخليج تصيررن جزء مني ومن جسمي.

كمت تنهدت براحه شفتها مثل الملاك الجريح نايمه ومكسوره
الخاطر اتمنه بهاي اللحضه اجبر
خاطرج ولو بكلمه ترجعج ليال.