تحطمت و انت بنيتني {مكتمله}

البارت العاشر

مساء الخير;صباح الخير عليكم 🖤💚

سلام عليكم ...
البارت العاشر م̷ـــِْن قصه
(تّحٌطّمَتّ وَ أنِتّ بِنِيِّتّنِيِّ)
#بِقِلَمَيِّ_أّلَګأّتّبِهِ_لـبـؤه
💔💔💔💔💔💔💔💔
يا من بناني
احببتك عشقتك
ارهنت الجميع
لاجل حبك
بسبب اعاد بنائي
من بين يديك
ها انا اتنفسك
مثل عبير الورد
واريج العطور
وعطرك يا من عشقته
يغازل حواسي.
#بـ قلمي.🖤
-*-*-*-*-*-*-*-*-

علي ...

من قدمت موعد سفرتها احس كلبي
مشلوع من مكانه وافكر وازيد بـ التفكير ياكل بـ راسي اكل حتى صار عندي صداع معقوله راح تشوف هناك احد تحبه ويحبها لا ليال
محد يستاهلها غيري وارجع واعيد.

من جبتها يمنه كل ليله ادخل للغرفه
الي،نايمه بيها واتامل ملامحها الشابه والطفوليه شفايفها الي مثل الكرز لونهن ارفع خصلات شعرها
العسليه الداكنه بين المفاتحه لون
شعرها غريب واشمها بس اريد
ريحتها تلتسق بين انفاسي
وما توخر بعد.

بعد ثلث ايام دخلنه المطار
واني كوه كاتم دمعتي
ودعتها وحلفتها كل يوم تتصل بيه ومتقطع ابد.

وصعدت ليال بـ الطياره من طارت
احس،روحي طارت وياها راح نفترق لمده مو محدوه لسنه او اكثر من سنه واني كلبي خايف على محبوبته...
ــــــــــــــــ
ليال ...

بـ هل رحله الي طولت يمكن
ثلث ساعات او اكثر بين العراق
و عمان نزلت مكسره ولا عبالك جنت كاعده بس ما صابني خوف
ابد من الطائره يعني تقبلت الموضوع عادي.

نزلت سلموني الجنط بعدين ضليت انتضر بـ نسرين تجي وره تقريبا اقل من ربع ساعه دك فوني رقم غريب
جاوبت اجاني صوت شابه ناعم نوعاً ما.

-الوو حضرتك الانسه ليال؟

-اي اني منو؟

ضحكت ضحكه قصيره بخفه.
-هه انا نسرين صديئت علي.

-اها اهلا بيج نسرين بس وين انتي؟

-ايوا حبيبتي طلعي انتي لبرى
وانا اعده بستناكي.

-اوكي.

طلعت شفت شابه يطلع عمرها يمكن 32 او 30 يعني بعمر علي
هيج شي جانت لابسه ستره طويله
حمره مفتوحه جواها بدي ابيض،
و ترنشوز ابيض وشعرها مصبوغ
اصفر بي دانتيل ابيض من الاطراف.

اجتي مبتسمه ابتسامه حلوه.
-اهلين وسهلين نورتي عمان
انتي كتير احلا من الصوره الي
بعتا علي الي عن جد انتي متل
الشمس.

ضحكت على كلامها من صدك حلو والي محلي لهجتها.

اخذتني للشقه وانطتني المفاتيح
وكالت وهيه تمشي وتسحب الخنطه. -ليال انا راح روح هلئ
بعد نص ساعه برجع ناكل انا وياكي سوا.