خنجر الغضنفر

اعلان

#خنجر_الغضنفر
#حنين_حاتم
#إعلان

سلي غياهب الردى وحشاشة فؤاد العدا
سلي اليالي والنجوم العوالي عن خنجري
إن سلت سيوفنا كانت الدماء والنساء غنيمتنا
وإن حطت رحالنا وإسترحنا من ركابنا غابت وجوه وغيُبت عن اوطاننا
مالنا في الحب مكاسبُ وماله في قلوبنا اوطانُ
فلاتنتضري حباً ولا ودا ولا تعلقي بي الامالُ
فإن احببتك سأحبكِ بفرطاً من التناقض والأهمالُ

كيف؟؟

كإن اصنع لكٍ جناحين ثم اقتلعهما......!!!!!
كأن اعزفكِ لحناً على مسمع اصم  
فلن تريني لوصالكِ اسعى لأنال ولا أسمح لغيري ان ينالو

مشهد .......

لافة عباتي على خصري وجزء من شيلتي مصعدتة على حلكَي وخشمي  وكوثر حاضنتها على صدري وقيصر بكل قوتي عاصرة ايدة
عمتي بصفي تمشي وعوجيتها بيدها
وهوة كدامي لاف الشماغ على وجها وبيدة الفانوص يمشي ويتلفت النا

إسرعو ماضل شي على لفجر

ضلام وبس صوت لذياب ولجلاب تعوي
ولزرع جوة رجلينة يطلع اصوات ويعيق حركتنا
قيصر يتذمر ونعسان
اسحب بي والتفت لعمتي الي هلكت من لمشي وتلهث
خوف وضياع وموت وضلم
من بينهن كدرت انقذ كوثر وقيصر وبقة غضنفر جوة جناحهم
ماكَدرت انفذ بي ولا الي سلطة علي
كلمتي يردها علية بعشرة
من يوم مات ابو طلع من طوعي وانتمة الهم
طفل وخربو
ضيعو طفولتة وقضو على كل براءة بي
خلقو منة عدو لنفسة والنة
وزرعو بي بذور لحقد ولثار وكرهو بية
وبعيونة رسموني عار ولازم ينغسل بلدم
ومن ايدة سحبو لقلم ولدفتر ونطو برنو
وبخاصرتة حشرو خنجر ابو
وبعقلة رسمو كل مخططاتهم
لوثو وماكدرت امنعهم
صح مراهق بس جان عندة استعداد للتوجه لهذا لطريق

وصلنة للهور ورجلينة تارسها الطين
دنكت نزعت لحذاء لجوبلس الي نترست طين وبماي لهور خضيتها حيل الى ان نضفت
وبلمشحوف حطيت كوثر ودنكت على قيصر من خصرة شلتة وصعدتة

وسحبنا لهور
ومشا بينا ياس يبج المجذاف حييل يطمسة بطين الهور الراكد ويسحب المشحوف
قيصر يبجي خايف
وكوثر غافية
عمتي تغفي على كعدتها
عيني علي
دشداشتة لسودة وجها لافة بلشماغ وادي يحتضنن المجذاف وطولة يرجف من البرد
لجهال خاتلين بية
رغم ملبستهم هواي بس لفجر برودتة بلعضم

صرنة بنص لهور يلله طمأنيت وجريت نفس
حسيت لنعاس بدة يغلبني ولتعب هد حيلي ولجهال ثكَلوني
عيني على ياس وصورتة تشوشت وعيوني تنغلكَ لوحدها
غمضت على كعدتي وراسي ليورة رد وغفيت

اسمع صياح وياس يحرك رجلية يكعدني
فتحت عيوني مخروعة
تنوعت الة

ها ياس

راسة دنك وكال

عثرو علينة ام غضنفر

صرت اتلفت من كل لجهات
شلون
ليش
منين عثرو واحنة بنص لهور