صمود حواء

البدايه الفصل الاول نوفيلا صمود حواء

نوفيلا صمود حواء

البارت الاول

نبدا بسم الله والصلاه والسلام على رسول الله،،،،،،،،

مفيش بيت مفهوش مشاكل كلنا عايشين بالستر بس ليه انا اشمعنا انا يحصل معايا كل ده ذنبي ايه يا عمتي ذنبي ايه

كانت بتقول الكلام ده وهي بتعيط ملامحها بدأت تظهر وحده وحده الدموع مخبيه جمالها حضنتها عمتها سناء الي عمرها اربعين سنه ست حكيمه وطيبه وبتحب كل الناس مبتعرفش تكره أما البنت اسمها ورد عمرها عشرين سنه وصلت للثانويه العامه ومكملتش لظروف هنعرفها بعدين ورد الدنيا جات عليها بزياده ابوها وامها انفصلو وعايشه ما بين الاثنين في حيره حضنتها سناء وطبطبت عليها

سناء ،،،،اهدي يا ورد خلاص يا بنتي الي حصل حصل وبعدين المفروض تكوني اتعودتي علي العيشه دي

ورد بدموع وحزن وكسره ،،،،،اتعودت ايوه بس تعبت يا عمتي انتي عارفه يعني اي اروح عند امي افضل حابسه نفسي في الاوضه اليوم كله عشان جوزها قاعد معاها هو اينعم راجل محترم وبيحبني وبيعتبرني بنته وعمري ما شوفت منه حاجه وحشه بس لازم احس لازم يكون عندي دم واقعد لوحدي واسبهم براحتهم ولما اجي عند بابا مرات ابويا بتعاملني كاني عدوتها مبلاقيش حد حنين عليا غيرك يا عمتي

سناء ببكاء علي حال ورد ،،،،،،وانا جمبك عمري كله مش هسيبك يا ورد يا بنتي مش هسيبك انتي زي بنتي الاء بالظبط ربنا يعلم غلاوتك عندي يا حبيبتي

ورد ،،،،،ااااه كان نفسي حياتي تكون غير كده ولكن الحمد لله علي كل حال

سناء ،،،،احمدي ربنا يا حبيبتي انتي ع الأقل في عندك بيت واهل غيرك قاعدين في الشوارع من غير اهل

ورد بدموع،،،،،،تفتكري هيجي يوم وابقا بنت شوارع يا عمتي بعد الجمله دي ورد فصلت تعيط بحرقه وكملت كلام وهي بتعيط وقالت يعني الناس هتشوفني بنت شوارع وماليش اهل وا،،،،،،،،سناء حطت ايدها علي بوق ورد وقالت متقوليش كده تاني يا ورد بجد هزعل منك لو الكل اتخلي عنك انا مش هسيبك يا بنتي

ورد بدموع ،،،،،اتمنا يا عمتي

سناء ،،،،،خلاص بقا كفايه عياط تعالي هعملك ورق عنب انما اي هتاكلي صوابعك وراهم انتي بس اهدي كده وانا هشبرئك ابت وكمان شويه والاء تيجي من الجامعه وتغير مودك

ورد بضحكه مزيفه مش طالعه من القلب ،،،،حاضر يا عمتي تعالي هساعدك

،،،،،،،،،،،،،،،،،،،،،،،

صوتها كان عالي جدا وهي بتقول انتووو يلي تحت اقفلو الميه في اي مش عارفه اعمل حاجه في البيت ده يقطع البيت بالي فيه اي القرف ده هي ناقصه ،،،،،،،

خرج وهو بيتاوب وقال ،،،،في اي يا انوار صوتك عالي ليه حصل اي

انوار ،،،،،انت صحيت يا اخويا انزل شوف الميه مقفوله ليه تلاقيها امك واخواتك منا عارفاهم مبيحبونيش تقولهم تكرهوا مين يقوللك انوار مرات مؤمن تقولش قتلالهم قتيل اه وبالمره انزل شوف الدلوعه ورد جات من عند امها عشان تسلم عليك ما انت ابوها الحنين وضحكت وضربت ايدها علي دراعه