صمود حواء

الفصل الثاني (معاناه )

البارت الثاني
نوفيلا صمود حواء

نبدا بسم الله والصلاه على رسول الله

وقفنا البارت الي فات لما ورد كانت مصدومه بسبب المكالمه الي جاتلها ما زالت ورد قاعده مش بتتكلم بتعيط وبس بصوت مكتوم وغصب عنها صوتها علي فجاه ما هو محدش يقدر يكتم دموعه غصب عنه بتنزل وبصوت البكاء بيعلي من كتر الحزن الي جوانا لما صوت ورد بقي عالي شويه دخلت صفاء وحازم وقلقانين بيسالو في اي وورد مش بتتكلم

صفاء بعصبيه  ،،،،اتكلمي في اي

حازم ،،،،اهدي يا صفاء اتكلمي براحه وبص لورد قولي يا بنتي في اي

ورد بدموع وحزن شديد،،،،،ماما اااه وعيطت ورد وقالت بصوت مليان بالشهقات احضنيني يا ماما

صفاء بعدم اهتمام ،،،،احضنك اي في اي يا بت انتي مالك

حازم بص لصفاء بغيظ ،،،،انتي معندكيش قلب البنت محتاجه حضنك عشان تقدر تفضفضلك احضنيها يا صفاء

صفاء ،،،،بلاش دلع يعني انتي بتعيطي عشان عيزاني احضنك ولا في اي في حد مات

ورد قلبها مكسور ورد دبلانه مش قادره تتكلم ورد خلاص محدش حاسس بيها حتي اقرب الناس ليها ورد ماتت من جوه ،،،،

صفاء بنفاذ صبر ،،،،يووووه انطقي بقا

ورد بحزن ،،،،،تيتا ماتت يا ماما الحنيه راحت الحضن الي انا فيه برتاح رااااح القلب الي بيقويني خلاص راااح هي امي الي ربتني من صغري وقت ما تخليتي عني انتي وبابا هي احتضنتني ولما كبرت قولت احبكم انتي وبابا ولكن انتو قسيتو ليه عليا ليه عملت انا اي ليه ادفع ثمن سوء اختياركم لبعض ليه ااااه انا جوايا نار يا ماما محتاجه حضنك

صفاء بدون رحمه ،،،،،حضني اي ودلع ما تموت تيتا ولا حتي تولع اياك كلهم يموتو منافقين وكدااابين هما سبب خراب بيتي وهما الي وصلوني لكده وابوكي دا مش راجل مالوش كلمه اياك هو كمان يموووت

حازم ،،،،،اهدي يا صفاء البنت منهاره انتي مش شيفاها وبص لورد وانتي يا بنتي البسي عشان اوصلك تحضري العزا

ورد بحزن وبكاء شديد بتبص لصفاء وبتقولها ماما هتيجي معايا

صفاء ،،،،،نعم اجي فين انتي هبله اه صحيح عندي ليكي خبر يمكن يعجبك انا حامل ماشي يعني مش فضيالك يا اما تخليكي عند ابوكي يا اما تشوفي هتروحي فين

حازم ،،،،مش وقته الكلام ده يا صفاء عيب

صفاء ،،،،،لا وقته يا حازم انا من زمان كنت عايزه اقولها اني مش طيقاها لأنها من ريحه مؤمن الكلب انما انت الي كنت بتصبرني انما دلوقتي اقدر اقولها اني مش طيقاها وبصت لورد وقالت مش طيقاكي انتي فاهمه اصلا انتي شبه ابوكي بتفكريني بذكرياته الزباله يله سكه السلامه