صدفه

الحلقه الثالثه عشر✨

صدفه💛🌻
الحلقه الثالثه عشر🍁:
وداد : والله ماينفع ك.. ايييييييييه انت قولت ايه؟؟؟؟
معتز بابتسامه : بحبك ياديدا ♥️
وداد تبصله وهي مصدومه وتفتكر تعبها
وداد بدموع محبوسه: مش هينفع مش هينفع
معتز باستغراب : هو ايه اللي مش هينفع؟
وداد تغمض عينها : مش هينفع يامعتز حبك جيه في الوقت الغلط
معتز بحده : يعنى ايه جيه في الوقت الغلط ويفتكر سيف
هو في حد في حياتك!
وداد : لا مافيش ولا هيكون فيه اصلا
معتز بحدة : اما ليه مش هينفع بقى!
وداد بكذب : انت شبه اخويا يامعتز انا مش باشوفك غير كدا اخويا وبس وبعدين حب ايه ده اللي بقى ليا ده احنا مش بنشوف وش بعض غير لما نتخانق!
ياعم فرفش كدا حب ايه وكلام فارغ ايه بس!
معتز بحده : وداد انت عارفة انتي بتقولي ايه!
وداد بقوة مصطنعة : ايوا
خلينا اخوات احسن صدقني كدا أفضل
يلا نكمل شغل
معتز بحدة : لا خلاص الشغل اللي كنت جاي عشانه خلص
وداد حابسه دموعها : تمام بعد اذنك
تقوم وداد وتمشي
وداد في نفسها : ياريتك كنت قولتلها قبل كدا كان وقتها هتفرق حاجات كتير اوووي حمار ميعرفش اني بحبه برضوا
تدخل الشاليه وتدخل الاوضه
وتقعد ع السرير وتقعد تعيط
وداد بعياط : ليه كل حاجه مش ظابطه لييييييه اااااااااه
استغفر الله العظيم استغفر الله العظيم
عند معتز
معتز : يغمض عينه وهو متعصب من ردها
يجي يزيد
يزيد : ايه خلصت شغل
معتز ببرود : اها
يزيد باستغراب : معتز مالك؟
معتز ببرود : مالي!
ماانا كويس اهو
يزيد بشك: متأكد!
معتز بحدة : يزيد ايه التحقيق ده انا زي الفل اهو
ويمشي ويسبه
يزيد في نفسه : والله فيك حاجه ومخبي بس انا وراك وراك
...........................................................................
في المساء بدأت السهره وكان الكل بيجهز عشان الحفله
في شاليه الشباب
يزيد كان لابس بدله سودا في غايه الاناقه
اما مصطفي لبس بدله من اللون البيج
اما معتز لبس بدله من اللون الكحليه
معتز:انا خلصت هروح اسبقكم علي هناك
يزيد بأستغراب:وهتسبقنا ليه استني شويه البنات يخلصوا ونروح كلنا
مصطفي:مالك ياعم مستعجل كده ليه
معتز بأقتضاب:مفيش انا ماشي سلام
مصطفي بأستغراب:ماله ده
يزيد:سيبه دلوقتي بعدين هنعرف
في شاليه البنات
ريناد كانت لابسه فستان اوف شولدر دانتيل قصير لونه اسود وجمعت شعرها علي كتفها
اما عهد لبست فستان من اللون الفيروزي ليه اكمام من الدانتيل الرقيق لحد الركبه وجمعت شعرها علي شكل كحكه
اما وداد لبست فستان من اللون الوردي بحملات رفيعه لحد الركبه وسيبت شعرها
ريناد:خلصتوا ولا لسه
عهد:لا خلاص خلصنا
وداد:انا خايفه
ريناد:متقلقيش ان شاء الله هنكسب
عهد:متقلقيش التصاميم حلوه اووي
وداد بتوتر:ده اول ديفيليه ليا
ريناد بثقه:ومش هيبقي الاخير
عهد:يلا
يطلعوا يلاقوا الشباب مستنينهم برا بعدين اتحركوا ووصلوا للمكان الي فيه العرض ووصل جميع الاعضاء والمدعوين والمجموعات الي صاله العرض كانت جميله اووي بمعني الكلمه من حيث الزينه والاضواء وممر العارضات والموسيقي المرتفعه كلهم قعدوا في مكانهم ولقوا معتز قاعد لوحده وسرحان ومأخدش باله منهم
مصطفي:سرحان في ايه ياميزو
معتز بأنتباه:هاا ولا حاجه
يزيد:مالك ياصحبي مش عاجبني من الصبح انت في حاجه مزعلاك
معتز وهو بيبص لوداد:مفيش حاجه تستحق اني ازعل عليها
ضيرت وداد وشها للنحيه التانيه عشان متبصش في عينه اللي بتدوبها هي كمان بتحبه بس بصاته ليها دلوقتي بتوجع قلبها هي مش عايزه تديله امل هو مش عندها من الاساس
مصطفي:ديدا مالك شايفك متوتره
ريناد:سبها دلوقتي هي علي كده من الصبح خايفه العرض مينجحش
يزيد:مش مستاهل توترك ده كله التصاميم حلوه جداا كل حاجه هتبقي كويسه
وداد بتنهيده عميقه:ياااارب
وفجأه سمعوا نداء بأن العرض هيبدأ فقعدوا ساكتين كانت كل حاجه ماشيه بشكل جميل وداد كانت بتسرق نظرات نحيه معتز الي مكلفش نفسه حتي ولو لمره انه يبصلها حست بوجع في قلبها لانها السبب في حالته دي الي هو فيها هي مش متعوده عليه هادي اووي كده متعوده عليه وهو بيناكفها ويغلس عليها وخناقه معها علي اتفهه الاشياء ليه القدر بيلعب معاهم لعبته بعد ما حبوا بعض ومشاعرهم متبادله يجي هو يفرقهم وبعدين بصت قدامها تتابع العرض وبعد ساعه من عرض جميع المجموعات الموجوده جيه الوقت للتصويت للعرض الي كان ناجح بجد وتغلب علي باقي العروض وفعلا اللجنه المتخصصه صوتت بس كان فيه فاصل لاعلان النتيجه زاد توتر وداد و يزيد بس مبينش ده جيه وقت الاعلان عن النتيجه عن الفايز وهياخد مكافأه ماليه كبيره اضافه بأن مجموعته سيروج لها كموضه الموسم وقفت المقدمه وفي ايديها غلاف لتعلن عن النتيجه
المقدمه:سيداتي سادتي جمعناكم اليوم لحضور العرض لنقدم لكم ما هو الافضل والاجمل من مجموعات الموسم سيداتي كانت كل العروض رائعه ولكن يتوجب علينا اختيار مجموعه واحده وهي التي فازت بجداره علي المجموعات الاخره والمجموعه التي فازت هي مجموعه شركات الشاذلي والسيوفي وداد من شده الصدمه والفرحه كان هيغما عليها لولا ان ريناد وعهد لحقوها
ريناد بضحك:لا فوقي يااوزعه مش وقته😂
عهد بهزار:قومي يااختي انتي جايه تقعي دلوقتي
وداد بفرحه:عااااااا كسبنا عااااا انا مش مصدقه عاااااا😂💙
ضحكوا كلهم علي تصرفتها الطفوليه وجيه رجال اعمال كتير ليبركولهم فعرضهم بجد كان يستحق النجاح وبعد السهره ما خلصت راحوا كلهم علي البحر ليكملوا سهرتهم
مصطفي بهزار:مش مصدق ان الجمال ده يطلع منك انتي يااوزعه🌝🤍
وداد بضحك:ولا انا والله ياديشه مش مصدقه😂
اغتاظ معتز من هزار وداد ومصطفي مع بعض
عهد بطفوله:تعالوا نلعب
ريناد:اه يلا
وداد:فاكرين لعبه الاغنيه الي كنا بنلعبها زمان
يزيد:لعبه ايه
مصطفي:مش دي اللعبه الي لعبناها من فتره
عهد:ايوه هي
معتز:انتوا هتفضلوا تتكلموا كده كتير ما تقولوا ايه هي اللعبه
ريناد:انا هقول بصوا دي لعبه هنلف الاول ازازه ولما تقف عند اتنين واحد هيشغل اغنيه والتاني مطلوب منه انه يعرف اسمها واسم الاغنيه ولو معرفش حاجه منها الي شغل الاغنيه هيسأله سؤال ولو معرفش الاتنين يبقي هيتسأل سؤالين تمام
معتز:تمام
يزيد:حلوه اللعبه دي. وبدأوا يلعبوا وكان اول مره علي عهد ويزيد
عهد:شغل حاجه اعرفها لو سمحت🌚
يزيد بهزار:تدفعي كام🌝
وداد بهزار:دي مفلسه ده انت تدفعلها
عهد بضحك:شكرا اختاه علي التسيح قدام الاجانب😂
مصطفي بضحك:تنكري انك كنتي بتلعبيها معاهم علي فلوس لما تكوني مفلسه
يزيد بضحك:ده انتي سمعتك سبقاكي😂
عهد:برستيجي راح في داهية حسبي الله
يزيد بهزار:خلاص صعبتي عليا هشغلك حاجه سهله يشغل الاغنيه ويبص لريناد بمعني الاغنيه دي ليكي وتبصله ريناد وتبتسم بلطف
الاغنيه:غالي واقرب من الوريد حالتي تتشخص جنون بيقولولي انابيك مريض اتاري كل ما احب فيك بدمنك وبقيت مزاج اتلحق بقي دي في ايديك ما انت في لقاك العلاج اه لقيت الطبطبه واقوي لو ما انتش بعيد ضحكتك فيها كهربا بابقي زي واحد جديد اه لقيت الطبطبه
وداد:ما تخلصي يا ست عهد انتي هترقصي
عهد بهزار:اصل لقيت الطبطبه
مصطفي:ودي لقتيها فين بقي ان شاء الله
عهد:معاك طبعا ياديشه
مصطفي:ايوه كده
معتز:خلاص خلصتوا نحنحه قولي عايزين نخلص🙂
عهد:بالبنط العريض للجسمي😌
ريناد:شابوه👏
ويلفوا الازازه وتقف عند مصطفي ووداد
وداد:حظي ميجيش غير معاك
مصطفي:قدرك انك بتقعي في ايدي كل مره
ريناد بضحك:جهزي نفسك بقي للسؤال
وداد:حسبي الله
يشغل مصطفي اغنيه اجنبيه وداد تعرف اسمها بس متعرفش مين الي بيغنيها
عهد بضحك:انتي علي طول كده تعرفي الاغنيه والاسم لا
وداد بهزار:معلش ياجيمي بسمع من غير ما اركز في الاسم😂
مصطفي:اكراشيتي علي حد او حبتيه قبل كده
معتز بصلها بأهتمام شديد وهو علي اخره
يزيد بضحك:ايه يابني الاسأله المحرجه دي
عهد بهزار:ياااه كتير اووي انت بتعرف تعد لحد كام
ريناد بضحك:كيرووووو
عهد ووداد بصولها وضحكوا وكذلك مصطفي ويزيد الا معتز الي كان هيفرقع من الغيظ وافتكر انه سمع الاسم ده قبل كده وهما بيتكلموا في المكتب
وداد:بتيجي علي الجرح ليه يارودي ده كان اول صدمه ليا
مصطفي:احكي مين كيرو ده
عهد بضحك:كان الكراش في الكليه بس اخدت علي قفها بعدين😂
وداد:في اول يوم ليا في الكليه شوفت واحد ايه ده ايه الجمال ده ايه الشياكه دي ايه العيون الحلوه دي وبعد فتره من المراقبه اخدت الصدمه ايه الصليب ده🙂 ولقيت واحد من صحابه بيناديله بكيروا وهما من ساعتها مسكنها عليا
ريناد بضحك:وداد للوحده الوطنيه
وداد بضحك :سعد زغلول اوي في نفسي 😂
ضحكو كلهم عليها جامد بس معتز كان هيموت من الغيره والغيظ لان قلبها دق لحد غيره ولفوا الازازه تاني وجيه الدور علي معتز وريناد
شغل معتز اغنيه حزينه لمست ريناد ووداد جامد وسرحوا معها والدموع اتجمعت في عنيهم
الاغنيه: اللي مشيوا كتير بجد والي فضلوا قليلين الحبايب كل يوم بيقلوا واحد كل قرب نهايته بعد طب نهايه البعد فين ولا هو البعد شاطر بس ياخد ياسنين جيين خليكي احن من الماضي محناش ناقصين هنفارق مين المرادي محناش قادرين وحياتك تاني علي الحرمان وحياه الشوق ياسنين وحياتك تراضينا وبلاش في اعز الناس وحيات تأذينا وحياه حبايبنا الي اخدتيهم منا زمان
ريناد حست بان قلبها وجعها قوي من مجرد التخيل بأنها هتخسر صحبتها بصت وداد وعنيها كلها دموع لوش ريناد لقيتها هتعيط خلاص قامت ريناد بسرعه وكلهم استغربوها بعدت عن عيونهم وراحه ناحيه الشط بعيد عنهم قامت وداد وراها بسرعه عشان تلحقها
عهد بأستغراب:ايه الي حصل
يزيد بجديه:سبيهم دلوقتي مفيش حاجه
عند ريناد علي البحر كانت حضنه نفسها ودموعها نازله جيت وداد من وراها وحطت اديها علي كتفها ريناد اول ما حست بيها مسحت دموعها بسرعه ولفت ليها وهي بتضحك
وداد:ايه الي خلاقي تقومي بالطريقه دي
ريناد بكذب:مفيش حاجه بس حبيت اشم هوا البحر واكون لوحدي شويه روحي دلوقتي وانا شويه وهاجي وراكي
وداد:لو عرفتي تكدبي علي كله مش هتعرفي تكدبي عليا انا
بصت ريناد وحضنتها جامد وعيطوا فضلوا كده لفتره وبعدين بعدوا عن بعض
ريناد وهي بتمسح دموعها:مفيش عياط تاني مش احنا اتفقنا علي كده
وداد:قولي لنفسك يااختي انتي الي بتعيطي مش انا
ريناد:اما ده ايه
وداد بهزار:ده البحر بيرش عليا مايه
ضحكت ريناد علي جملتها الاخيره
وداد:متضعفيش عشان انا بقوي بيكي 🧡
ريناد:انا من غيرك ولا حاجه اوعديني انك هتخفي عشاني
وداد:وانتي اوعديني انك تقوي عشاني عشان لو انتي ضعفتي انا هضعف انا بستمد قوتي منك✨
ريناد:اوعدك اني هفضل في ضهرك لو وقعتي اسندك عشان تقومي تاني♥️
حضنتها وداد بحب وامتنان كبير فوجودها جمبها دعم لوداد كبير
ريناد:يلا نروح لهم عشان ميقلقوش علينا
وداد:يلا
يرجعوا تاني مكانهم ولا كأن في حاجه حصلت
عهد:انتي قومتي ليه كده مره واحده
ريناد:كنت عايزه ادخل الحمام
عهد:وانتي قومتي ليه وراها
وداد:كنت بشوفها قامت كده ليه فجأه
بص يزيد لريناد بمعني انتي كويسه غمضت عنيها وحركه رأسها بمعني بخير متقلقش وفضل معتز بيبص عليهم وحاسس انهم مخبين حاجه
معتز لنفسه:مخبين ايه الاتنين دول!
وانت مالك هي متخصكش في حاجه وهي مش بتحبك انسها خلاص الي بنكم شغل وبس
قضوا سهرتهم بين اللعب والهزار ووصل الشباب البنات الي الشاليه بس وداد مراحتش معاهم وفضلت قاعده قدام البحر بتفكر في اللي جاي وايه تاني مستخبيلها ومعتز راح يتمشي شويه لانه مخنوق
عند وداد وهي قاعده علي البحر يرن فونها
وداد : سيف عامل ايه؟
سيف باستغراب : سيف!
طالما قولتي سيف يبقى فيكي حاجه
وداد بكذب : لا مافيش
وايه ياعم احساس المخابرات ده
كان نفسك تطلع ظابط ولا ايه
سيف : وداد متتهربيش
وداد بكذب : ياصحبي مافيش
انا هخبي عليك برضوا ياشقيق
سيف : مش مرتحالك بس هصدقك
بتعملي ايه؟
وداد بضحك : مافيش ياخويا قاعده ع البحر لا بهش ولا بنش
سيف بضحك : سنجولة بتتكلم! 😂
وداد بهزر :ياعم بقى ماصدقت انسى الجرااااح 😂
سيف بهزر : بت بيما انك سنجوله وانا سنجولة ماتيجي نشرب الشربات 😂
وداد بضحك : يااااه هو انا أطول اشرب الشربات مع سيف باشا 😂
سيف بهزر : لا طبعا مش هتطولي عشان انتي اوزعه
وداد بحدة مصطنعة : اها ياجزمه 🙂😂
سيف : تعالى هنا صح
خدتي العلاج؟
في نفس الوقت ده يجي معتز ومش اخد باله من اللي قاعد هيلقي وداد فهيروح راجع بس يقف عند الجمله ديه
وداد بضحك : اها ياحبيبي والله خدته
عشان لما تيجي تخطبني اكون بصحتي 😂
سيف: بالشفا انشاء الله ي ديدا 💙
وداد :تسلميلي ياسيف قصدي ياسيفو 😂💙
سيف بضحك : ايوا كدا اتعدلي
يلا انا هقفل بقى
عايزة حاجه؟
وداد : عايزه سلامتك ياسيفو
سلام
سيف :سلام
تقفل وداد مع سيف ومش أخده بالها من اللي واقف بيولع
معتز بعصبيه : بتحبيه اوي كدا!
وداد بخضه : عااا معتز!
معتز يقرب منها :بتحبيه اوي كدا!!!
وداد باستغراب : هو مين ده؟
معتز بحدة:سيف
مش انتي كنتي بتكلمي سيف برضوا ولا اقول حبيبك احسن!
وداد بحده : معتز إلزام حدوك انت بتكلمني كدا ليه!!
معتز بعصبيه : بكلمك ازاي يعني!
عايزاني اكلمك ازاي وانا الصبح بقولك مشاعري وانتي بمنتهى البرود قعدتي تستهوني بيهااااا وانا هنفجر طول اليوم واقول يمكن في حاجه كدا أو كدا بس ماشاءالله طلع أن الأخت مبسوطه وبتحب في حد تاني وعايشه ويولع معتز الحيوان ده بمشاعره عااادي
صح ولا مش صححححح
َوداد دموعها نازله ومش قادرة تتكلم
معتز بعصبيه : أنا مش ندمان علي حاجه غير اني لما فتحت قلبي فتحته لحد شبهكك
وداد بدموع وزعيق : بس بقى اسكتتتت اسكتتت بسسس كفايه
معتز بعصبيه : لا مش هسكت ولا الحقيقه مش عاجبكي
وداد بزعيق : انت مش فاهم حاجه عشان غبي
معتز بغضب اعمي:افهم ايه ما كل حاجه واضحه مش محتاجه فهم
وداد بأنهيار شديد:انا عندي كانسرررررر في المخ افهم بقي مش هينفع احبك ولا احب غيرك
حس معتز بأن في حد كب عليه مايه ساقعه مكنش متوقع ابدا انها بتتألم بالشكل ده مش معقول ان البنت الي حبها مريضه كانسر
وداد بدموع : أنا بحب سيف اها بس زي اخويا سيف زي اخويا مش اكترررر
انا الصبح لما رفضت حبك مش عشان انا انانيه زي مابتقول انا رفضته عشان انت هتحب في واحده مايته اصلا انا حفظت ع مشاعرك وحاولت ابعدك عني بس انت فهمت كلامي غلط وظلمتني وانا مش بكره في حياتي قد الظلم
معتز بحزن : وداد انا...
وداد بمقطاعه :هششش اسكت
انا مريض كانسرر خلاص عرفت السبب وارتحت عرفت ان حبك ليا مينفعش ليه ياريت اللي بينا يكون شغل وبس وانا اوعدك أن بعد العرض هختفي من وشك
تبصله وداد بدموع
يبصلها معتز بندم ودموع
تمشي وداد ومعتز واقف مكانه مش عارف يعمل ايه فهو في وضع يحسد عليه
يجري وراها معتز
معتز :وداد استنى
وداد تعيط اكتر وتطلع تجري
يجري وراها معتز ويلحقها
ويمسكها من دراعها
وداد بعياط : سبني عايز ايه تاننني
يحضنها معتز
معتز : هششش بااس بطلي عياط هتخفي وهتبقي زي الفل انا واثق في ربنا انا واثق انك مش هتضيعي من أيدي بعد مالاقيتك اكيد الصدفه الي جمعتنا مجمعتناش عشان نتفرق ونبعد عن بعض
وداد : معتز والله ماينف..
َمتعز بمقطاعه وهو بيمسح ع شعرها : هششش بس اهدي
هتخفي وهتبقي مراتي انا بحبك ومش هستغني عنك 🔐♥️
وداد تقوم من حضنه وتبصله في عينه
وداد : لا يامعتز حبك ليا شفقة وانا مش بحب اشوف الشفقه ديه في عينك أو عين اي حد انا اسفه حبك مرفوض انت ملكش ذنب انك تعيش وتحب في واحده شبهي
معتز بعصبيه : يعنى ايه واحده شبهك يعني مش فاهم؟
وانتي مالك يعني فييكي ايه انا حبيتك كدا وهفضل احبك
يستغفر معتز في محاوله منه عشان ميتعصبش
معتز بحب : بصي يابت الناس اسمك هيكتب جمب اسمي.. وهتبقي مراتي مليش فيه.. حبك بقى في قلبي وقلبي محبش غيرك وانا بمشي ورا قلبي فوقعت فيكي ياصغنن انت ياعسل ♥️
وداد بكسوف: عايزه امشي
معتز : ماشي تعالى اوصلك
يحملها معتز
وداد بخضه : انت بتعمل ايه نزلني
معتز بضحك : بغير من الأرض اعمل ايه 🤷🏻‍♂️😂💙
تتكسف وداد ويوصل الشاليه وينزلها
وداد : ممكن اطلب منك طلب
معتز بهيام : انتي تؤمري ع طول 💫
وداد بحزن : راجع نفسك في قرارك انت متستا...
يقاطعها معتز بقبله عنيفه تعبر عن مشاعره وعن تمسكه بيها لاخر انفاسه
معتز وهو يسند جبينه علي جبينها:وصلك قراري ولا لسه انا بقول لسه محتاج تأكيد
وداد بخجل شديد:تصبح علي خير وذهبت علي الفور من امامه
معتز بأبتسامه عاشقه:وانتي من اهلي يا كل اهلي🦋🧡
ويروح علي الشاليه وهو بيصفر وفرحان انها طلعت بتحبه زي ما هو بيحبها
.............................................................................
في صباح اليوم التالي في شاليه الشباب
يخرج يزيد من اوضته يلقى معتز واقف قدام الشباك باصص للبحر وسرحان
يزيد : ايه ياميزو
معتز:............
يزيد : معتز
معتز :...........
يزيد يقرب منه : معتزززز
معتز بخضه : ايه في ايه حد ينادي حد كدا
يزيد : حبيبي انا بقالي سنتين بنادي
معتز : معلش مخدش بالي
يزيد : سرحان في ايه؟
اللي واخد عقلك😉
معتز بتنيهده : هي واخده عقلي بس ديه اخدت قلبي وعقلي وكل كياني والله
يزيد باستغراب : هي مين ديه يلا
ويمسكه من ياقه التيشيرت بقولك ايه انت مش عاجبني ياريت تيجي ع الدوغري وتحكيلي
معتز بحزن : اقولك ايه اقولك اني لما صدقت لاقتها.. بقيت خايف تروح مني 🙂💔
يزيد بجديه : معتز فيك ايه انا اول مره اشوفك كدا احكيلي ياصحبي
معتز يتنبهد تنهيده عميقه ويحكليه اللي حصل بينه وبين وداد
يزيد : معتز انت بتحبيها بجد ولا حبيتها شفق...
معتز بمقاطعه وعصبية : هشش متكملش انا استحاله اعلق بنات الناس للدرجه!
انا مش حيوان يايزيد.. انا حبيتها فعلا وحبيتها من قبل مااعرف مرضها يعني مش شفقه!!
ديه هي اللي مفروض تشفق علي حالتي عشان عشمان في كلمه منها 🖤... انا بحبها والله بحبها ومش عارف اعمل ايه عايز افرحها باي شكل وبأي طريقه وحاسس اني متكتف... وفي نفس الوقت خايف يمكن خايف اكتر منها.. بس انا واثق في ربنا.. اكيد ربنا مجمعنيش بيها من فراغ ♥️
يزيد بهدوء : والله وشوفتك واقع يامعتز
متخافش هي ماشيه علي العلاج دلوقتي وانا كلمت دكتور صاحبي والعمليه هتمر بسلام انشاءالله
معتز بصدمة : نعم انت كنت عارف!!!
يزيد بهدوء : اها
معتز بحدة : كنت عارف ومخبي عليااا
يزيد : أنا عرفت من ريناد وهي كانت محلفنا منقولش لحد 🤷🏻‍♂️
معتز بحدة : وانا حد يايزيد
يزيد : وانا يعني كنت اقولك قبل كدا بصفتك ايه!
معتز : ولا حاااااجه
اتفضل قوليلي ع حالتها اللي حضرتك متابعتها
يحكي يزيد كل اللي عرفه
معتز :العمليه امتى؟.
يزيد :هي المفروض كمان أسبوعين اها صح مصطفى وعهد ولا حتى أهلها يعرفوا حاجه عن تعبها خلي بالك تبين قدام حد تعبها عشان هي اللي عايزه كدا
معتز بحزن: تمام
يزيد بهدوء وخبث: معتز انت صحبي وحبيبي بس إياك ثم اياك تجرحها بكلمه
معتز بعصبيه : بقولك ايه وداد بالنسبالي خط أحمر يعني استحاله استحاله اشوف دمعتها أو أي حد يزعلها حتى لو بنص كلمه وهتكون مراتي غصب عنكم كلكم.. انت مش هتوصيني ع قلبي ياحبيبيييي
وربي لاحسبك ع انك خبيت عليا
يزيد بسخرية : وهتحسبني ازاي بقي
معتز : كدا
ويديلوا بالبوكس ويبصله جامد ويمشي بس يرجع تاني
معتز : ابعتلي رقم الدكتور بسررعه
ويسيبه ويمشي
يزيد بخبث : اشطا انا كدا اتأكدت من حبك ياابن الشاذلي 😂
يدخل مصطفى الشاليه
مصطفى باستغراب : ماله ده كان ماشي وعينه بطق شرار
يزيد بضحك : بارك لاخوك ابو جبل طلع بيحب
مصطفى : معتز!!
ومين بقى
يزيد بغمزة : وداد 😉
مصطفي بأندهاش:الاوزعه
يزيد بهزار:خلي بالك احسن يسمعنا دلوقتي ويعمل مننا كوفته
..........................................................................
في شاليه البنات
تخرج عهد من الاوضه تلقي وداد قاعده ع الكنبه وسرحانه
عهد : صباح الخير ياديدا
وداد : صباح الخير يادودو
تيجي ريناد
ريناد لعهد : كنت لسه داخله اصحيكي عملتلك نسكافيه معانا.
عهد : صباح الخير يارودي تسلميلي
ريناد : صباح النور يادودو
تبص عهد لوداد تلقيها سرحانه برضوا
بعدها تبص لريناد وريناد تبصلها ويبصوا لوداد
ريناد :شكله مش موضوع بسيط
عهد بضحك : في غدر وفي حوارات
وداد : مالكم ياسعد المجرد
عهد : ماتيجي ع الدوغري كدا وتقولي مالك
ريناد : أرضى فضولنا
تبصلهم وداد بحزن
وداد : ماانا مش عارفه مالي.هي جات في الوقت الغلط ليه
عهد بقلق : في ايه وداد احكلنا
ريناد بقلق : حصل ايه
تتنهد وداد وتحكلهم بس متحكيش الجزء الخاص بالكانسر
عهد باستغراب : طب وانتي رفضتي ليه!
عشان خناقكم ع طول يعني؟
ريناد بفهم : وممكن اللي انتي خايفه منه يحصل عكسه
وداد : مش عارفه بقى انا مش هاخد اي خطوه دلوقتي خالص
عهد بعدم فهم: في حاجه ناقصه في الموضوع ده انا مش فاهمها
وداد بتوتر : مافيش حاجه... هو بس انا مش مستعده دلوقتي
عهد : بصي طالما جات دلوقتي يبقى ربنا شايف انها جات في الموقف المناسب... مافيش حاجه بتحصل وغير لما يكون ربنا مرتبها صح للإنسان... حتى لو الوقت ده مش مناسب ليكي بس هو ده المناسب وانتي مش أخده بالك.. سيبها تمشي زي ماربنا كاتبهالك ومخططلها.. وهتبقي نهايتها خير ليكي 🤍
وداد : ونعمه بالله
انا هقوم انام عشان معرفتش انام امبارح كويس
تقوم وداد تدخل اوضتها
ريناد بضحك : ايه يابت العقل اللي ظهر فجاءه ده🙃😂
عهد بغرور مستطنع : من بعض ماعندكم😌
بس بقولك ايه
ريناد: ايه!
عهد بقلق : حاسه ان وداد مخبيه حاجه
ريناد بتوتر : لا هتخبي ايه يعني... وداد مش بتخبي علينا حاجه
عهد بشك : متأكده!
ريناد بضحك : طبعا ديه لو الناموسة قرصتها بتقولنا قرصتها كام قرصه
عهد بضحك : ايوا حصل
ربنا ينورلها طريقها🤍
ريناد : امين يارب 🤍
بعد فتره تخرج عهد مع مصطفي ووداد مع معتز و يزيد وصل قدام الشاليه واتصل بريناد عشان تطلع
ريناد:انا جيت
يبصلها يزيد بزهول: الله يخربيتك ايه الزفت الي انتي لبساه ده😳
ريناد:ايه العادي بتاعي💅🏼
يزيد:ياشيخه بقي ده العادي بتاعك اومال اللي مش عادي هيكون ازاي🤦🏻‍♂️
كانت ريناد لابسه مايوه بكيني لونه اسود ورابطه ايشارب اسود شفاف حوالين وسطها ولابسه شبشب بصوبع في رجليها ولابسه نضاره سودا
يزيد:انتي بتهرجي صح انتي عايزه تمشي معيا كده وتخرجي بالمنظر ده
ريناد:So what💁🏻‍♀️
يزيد بغضب:صوتوا عليكي بدري يابعيده 😠
ريناد:ايييييه
يزيد بصوت عالي:امشي اقلعي المسخره الي انتي لبساها دي حالا
ريناد:يا يزيد
يزيد بعصبيه:بلا يزيد بلا زفت ادخلي يلااااا
تدخل ريناد تغير المايوه وتلبس فستان صيفي لونه ابيض وتخرج
يزيد:افردي وشك بدل ماانتي مبوزه كده
ريناد بغيظ:ده الي عندي اذا كان عاجبك بقي
يزيد بحده:ريناااااد اتكلمي بأسلوب عدل معيا وكمان تعالي هنا انتي كنتي عايزه تلبسي البكيني كده عادي قدام معتز ومصطفي وقدام كل الموجود في القرية هنا!!!!
ريناد:وفيها ايه يعني ده مايوه عادي في بحر يعني في مايوه اكيد مش هنزل كده بهدومي وكمان مش كل الموجود هنا هيركزوا يشوفوا انا لابسه ايه
يزيد:وانا مش هستني اخلي حد يبص عليكي ولا بطرف عنيه حتي ولو حابه تلبسي الزفت ده لما نتجوز البسي الي انت عايزاه بس في البيت وانا بس الي اشوفك مش كل من هب ودب يشوف مراتي ويعجب بيها وبجسمها
ريناد خجلت كثيرا من كلامه واحست انها غلطانه انها عاندت معاه
ريناد:يزيد انا اسفه مكنش قصدي اعاند معاك
يزيد من غير مايبصلها:متقفيش وكملي مشي
ريناد وهي بتمسكه من ايده:يزيد عشان خاطري متعملنيش ببرود كده انا اسفه رد عليا هعيط والله
بص يزيد في عيون ريناد الي لمعت بالدموع وحاوط وشها بأيده:وانا ميرضنيش اشوف دموعك واكون السبب فيها ولسه هيقرب عشان يبوسها يجي معتز
معتز:ازيزوا يلا عشان نلعب
يزيد وهو بيحاول يتحكم في اعصابه:انت ايه الي جابك دلوقتي يازفت
معتز ببلاها:جي اناديك عشان نلعب يلا
يزيد بغيط:ده انا الي هلعب في وشك دلوقتي
معتز:ليه وانا عملتلك ايه دلوقتي
يزيد بغضب:غور من وشي دلوقتي بدل ما اطلع روحك في ايدي يا اخره صبري
معتز برعب من شكله:هغور من وشك بدل ما تدفني هنا
تنهد ميزيد ويص لريناد الي بتضحك:بتضحكي طب امشي يلا قدامي
يروحوا نحيه الشاطئ عند وداد ومعتز
يزيد:هنلعب ايه يا اخرهصبري
معتز:كره طايره
ريناد:عااااا انا موافقه
يزيد:بس ياماما دي مش عايزه ناس رقيقه وفافي زيكوا
ريناد بتحدي:هنشوف الفافي دول في اللعبه عاملين ازاي
معتز:اوووف في تحدي هنا
وداد بفخر:طبعا احنا جمدين اووي
معتز بغمز:وانا بحبك ياجامد😉
ريناد بغمز لوداد:والعه
يزيد:الله يسهلوا
معتز:بطلوا قر انتوا بس وربنا هيسهل
يزيد:مش لما انت تبطل الاول وتحل عني
معتز:انا بص هعمل حاجه احلا انا ههاخد البونيه دي ونتمشي بدل ما تجبونا الارض دلوقتي
وياخد وداد ويتمشوا وبعد فتره يوديها الشاليه عشان ترتاح شويه
عند يزيد وريناد
يزيد يشيلها ويدخل بيها المايه
ريناد:انت بتعمل ايه
يزيد:بغير عليكي من الارض قولت اشيلك😌😂
ريناد بضحك:طب حاسب تسيبني عشان مشرقش
يزيد:نعم يااختي تشرقي
ريناد:ايوه لو سبتني فجأه مش هكون مستعده فهشرق
يزيد:يعني انتي مش خايفه اغرقك دلوقتي
ريناد:هخاف ليه وانا بعرف اعوم
يزيد:بتعرفي تعومي يعني
ريناد:اها بع...ومكملتش جملتها لقت يزيد بيحدفها في الميه
يزيد:مش انتي بتعرفي تعومي عومي بقي
تشنكله ريناد من رجله وتوقعه معها في المايه
ريناد:مش هعوم من غيرك يازوزتي🙂😂
ويفضلوا يلعبوا بالماييه وبعد فتره كل واحد يروح الشاليه بتاعه
عند عهد ومصطفى قاعدين ع الشط في امان الله
عهد بضحك : بس حصل حته موقف بين محمد وحمزه فصلني ضحك
احكيلك!؟
هحكيلك
مصطفى بضحك عليها : احكي ياستي
تبدأ تحكي الموقف الي حصل
عهد بضحك :وقاعدوا يجروا ورا بعض ومحمد جرا وراه بالسكينة والتاني كان عامل شبه الكتكوت المبلول انا شوفت منظرهم من هنا وفصلت ضحك من هنا
مصطفى عصبيه : شوفتي ايه ياحبيتي!!
عهد ببراءة:منظرهم اصل كان يفصل ضحك وهما...
مصطفى بمقاطعة وعصبيه : ده انا اللي هفصلك من الحياه كلهااااا
انا مش قولت كذا مره مافيش قاعده مع الزفت اللي اسمه حمزه ده!
قولت ولا مقولتششش!!
عهد بتوتر وخوف : هو انا مقولتلكش.. لا بجد موقلتكلش
مصطفى بعصيبه :انجزيييي
عهد بتوتر : اصل انا كنت في اوضتي ع المطبخ روحت الحمام ع البالكونه اتفسحت في اوضه ماما قابلتهم في الصاله
شوفت كله كان صدفه ازاي!
مصطفى بحده : عهدددددددد انا كام مره اقول مافيش قاعده مع الزفت ده ولا هو ولا غيرررره
وبعدين بتتفسحي في اوضه امك!!!
ده انا اللي هفسحك في جهنم الحمرا دلوقتيييييي
عهد : ماانت لو بتفسحني مكنتش هتحرك من مكاني وكمان ده حصل واحنا مفركشين
مصطفى : أنا مش بفسحككككككك وانا الي فركشت ولا انتي
عهد : وبعدين في ايه كذا مره اقولك حمزه زي اخويا مش اكتر ليه الغيره بقى منه!!!!
ده متربي معانا واخويا والله بعتبره اخويا وهو كمان
خد الكبيره بقى اقسم بالله خاطب
مصطفى بعصيبه : اخوكي امك ابوكي ابن خالك خالك ذات نفسه انا بغيررر ها
عند سيادتك اعتراااض
عهد بعصيبه : وفين الثقه بقى انشاءالله!!
مصطفى : مالوش علاقه بالثقه ده متفتحيش الاتنين ع بعض
عهد : أنا مش هفتح ولا هقفل انا هغور في ستين داهيه
مصطفى : انتي رايحه فين لما اكون بكلمك متمشيش
عهد بصوت مخنوق من العياط : أنا همشي يامصطفي ولو انا مضايقك أوي كدا انا همشي من حياتك عشان تكون مبسوووط
تمشي عهد وهي حابسه دموعها ومصطفى قاعد ع البحر ومتعصب من اللي حصل
توصل عهد الشاليه تدخل تلقي ريناد ووداد قاعدين علي السفره بيخلصوا شغل تدخل علي اوضتها ومتكلمش حد وتعقد تعيط
ريناد : مال عهد؟!
وداد : مش عارفه طالما دخلت ومهزرتش يبقى في حاجه حصلت
ريناد : طب تعالى نقوم نشوفها
وداد : يلا
تخبط ريناد ووداد ع الاوضه
ريناد : عهد افتحي
وداد : عهد انتي كويسه
عهد متردش
وداد : خلاص سبيبها شكلها مش عايزه تتكلم كمان شويه نحاول تكون هديت شويه
ريناد : تمام
(برغم أن أوضه عهد مفتوح بس هما مرضيوش يفتحوا عليها الباب احتراما لخصوصياتها)
بعد مرور ٣ ساعات
عند مصطفى لسه قاعد ع البحر
مصطفى : أنا اتنرفزت أوفر انا عارف بس بحبها ومش بحب حد يكلمها طيب اعمل ايه!!
اوف بقى يعني يازفت احنا جاين ننبسط ونصلح سوء التفاهم الي حصل تقوم تعكنن عليها!
هو ده الوعد اللي اخدته بينك وبين نفسك انك استحاله تزعلها أو تخلي حد يزعلها حتى لو علي موتك!
حيوان وربي حيوان كبير 🙂 يقوم يروح يجيب بوكيه ورد جوري وبوكس شوكلاته وفيه رساله اعتذار منه ليها
في نفس الوقت عند البنات
ريناد : مالك بقى يادودو
عهد : مالي!
وداد : طالما قولتي كدا يبقى في حاجه قولي يابنتي انتي بقالك ٣ ساعات حابسه نفسك
ريناد : ومرضناش نفتح وندخل عشان تاخد راحتك
عهد بتنهيدة وتحكي لهما كل حاجه
ريناد : يعنى انتى عارفه انو بيغير منه ورايحه تحكيله!
وداد : لو العبط هيبقى ليه اسم تاني اكيد هيبقى اسمك🙂
عهد بحده : ماانا مش بعرف اخبي عليه حاجه الله
انا اللي غلطانه يعني اللي كنت عايزه اضحكه معايا
ريناد بضحك : خلاص يادودو اهدي اعصابك هتفرفر منك 🌝😂
وداد : ولا تحبي نقولك ياعهدي ع ماتفرج وحد غيرنا بدقن كدا يجيي يقولها 😉
عهد وهتبدا تعيط : عكنن عليا ابن المفتريه
وفي نفس الوقت الباب يخبط تقوم ريناد تفتح تلقى مصطفى مصطفى يبص يلقى عهد قاعده مديلوا ضهرها ومش عارفه مين اللي جيه يشاور لريناد وداد انهم يسكتوا ويدخل
عهد : -إلهي مايعرف ينام إلهي يارب يجيلوا كابوس يصحيه من آحلى نومه
َوداد كاتمه الضحكه : ماهو خلاص يابنتي مش هيعرف ينام ديه كانت الدعوه الأول ليكي جددي ياحبيبتي في الدعاه مش كدا 😌
مصطفى يبصلها بغيظ
عهد : انتي صح
إلهي يارب مايعرف ينام.. يارب لما يجي يلعب ماتش الكوره متجلوش
يارب ابعد بينه وبين الكره
ريناد بضحك : ليه محسساني أن الكورة ديه حبيبته! 😂
عهد بتكملة : يارب..
وداد وريناد بمقاطعة َضحك :مايعرف ينام
عهد بغيظ : لا كنت هقول حاجه تانيه يارب يطلعلوا كابوس وحش اوي عشان زعلني جامد. ابن المفتريه ده
مصطفى بغيظ : وايه تاني ياحبيبتي كملي
عهد :بتبص لريناد ووداد بتوتر :لا متقولش!
ريناد بضحك : هوو هوو والله هو 😂😂😂
وداد بضحك : جالك الموت ياتارك الصلاة 😂
عهد تلف وهي مغمضه وبتدعي انو ميطلعش هو
تلف وتفتح عين وتغمض التانيه تلقيه بيبصلها بغيظ
عهد : ديشه حبيبي 😂💕
..........................................
يتبع💜
صدفه💛🌻
رنا صلاح💜💟