شافت مع روحها ترمات فوق السرير تبكي بشهقة من بعد قامت و لبست غوب طويلة لمت شعرها و خرجت تمشي لين ما وصلت لنهر لي ديما تروح لتم وين تكون ماش مليحة شافت عصفور طايح من العش تاعو حبت تعاونو في داك الوقت كان اسلام و فؤاد هداك وين وصلو حب فؤاد ينعت النهر لاسلام النهر لي ديما يحكيلو عليه راحو تم لقاو طفلة سمينة تحاول تطلع فوق الشجرة كي شافوها هكداك طربقة بالضحك على شكلها هي سمعت صوت الضحك مع دارت لقات 2 رجال كل واحد خير من الاخر توترت حطت داك العصفور و جات باش تنزل تكسر الغصن و هوما زادو بالضحك كي شافوها هكداك هي وقفت تخزر فيهم حتى تسمع في صوت النحل داك الغصن كان تحتو عش النحل مين تكسر طاح داك العش ناضت تزعق على قد صوتها و تجري لعندهم
اماني : اااااااااه نحححححححححححل
فؤاد و اسلام شافو مع بعضهم : ااااااااااااه اهرب اهرب
بداو يجريو كامل و يعيطو على قد صوتهم اماني من الخوف طاحت و ما قدرتش تقوم رجع فؤاد و اسلام هزوها حكموها من يديها و بداو يجريو كامل
اماني: حبس حبس امشي ندخلو للنهر
فؤاد : مستحيل ندخل
اسلام: يلااااااااااااااااه
طيشو تلفوناتهم و دخلو للنهر هو ما كانش غامق بزاف هبطو ريسانهم حتى فات داك النحل من بعد خرجو و قعدو في الارض يلهثو من بعد بداو يضحكو كامل
اسلام : هههههههههه عمري ما توقعت تصرى فيا حاجة كيف هادي
فؤاد : مرحبا بيك عندنا
اماني : ههههههههههههههههههه الجريان لي جريتو اليوم كون ما ننقصش 10 كيلو ما نزيدش ننقص تبانلي نولي كل يوم نجي هنا و نلعب مع النحل
فؤاد:هههههههههههههههههههههههههه كون تشوفي روحك كيف كنتي تجري مستحيل تزيدي تجري في حياتك
حطو ريسانهم كلهم في الارض يشوفو في السماء من بعد وقف اسلام
اسلام : انا اسلام
تبسمت اماني و جات باش تقوم تسلم عليه ما قدرتش قدم لسلام يدو و جبدها
اماني : ااااه شكرا انا اماني اما اول مرة نشوفك هنا اكيد انت غريب على القرية ( اسلام طويل و بدنو مخدوم عينيه زروقة و شعرو كحل رطب مطراسي اللحية )
فؤاد ): ايه هو غريب على القرية عايش حياتو في الخارج اما انا من القرية اسمي فؤاد بن دحمان
اماني: اااه انت خو منار متشرفين
مع حطو يديهم مع بعضهم حسو بالكورا ضربتهم بقاو يضوفو مع بعضهم حتى قاطعهم اسلام
اسلام: يلاه فؤاد خلينا نقومو نبدلو قشنا و نروحو لدار
فؤاد : اييه اييه يلاه
اسلام: نعاودو نتاقاو اماني ياك
اماني : اييه انشاء الله
جاو رايحين لقاوها تعيط
اماني : يااااااو استناو
فؤاد : واش بيك
اماني : ما قدرتش نقوم ارواحو عاونوني
فؤاد و اسلام : ههههههههههههههههههههههههههههه
قربو لعندها كل واحد حكملها يد و هزوها
اماني : يلاه تقدرو تروحو دك
اسلام : اكيد لازم نعاودو نتلقاو غمزلها و راحو
في الطريق
