تكات اماني في الارض و بدات تحكي انا اماني 23 سنة قارية ادارة اعمال اما حتى واحد ما قبلني نخدم عندو اكو تشوفو كيف شكلي راهو الكل خايفين على وجه الشركة تاعهم
فؤاد: حمير كون جاو يفهمو ما يخليوش وحدة بدكاء تاعك
اماني : ايبه انا عيبت اليوم نروح نريح في الدار
فؤاد: تحبي نوصلوك
اماني : لا ما تشقاش
اسلام : تبانلي راها حزينة
فؤاد: ماش تبانلك راها صح حزينة
اسلام: ربي يكون معاها انا كون جيت في بلاصتها كنت ننتحر نورمال .
فؤاد: يلاه نرجعو لدار
في الدار كانو بتغداو
دحمان: اييه فؤاد راني حكيت مع مدير المشفى الي هنا و من غدوة تبدا تخدم
فؤاد: كيف تعمل حاجة بحال هاد شي بلا ما تخبرني
دحمان : واش خاب تقعد بلا خدمة و زيد بعد شهر العرس تاعك لازم تخدم
فؤاد: ووواشنو واشنو واش راك تهدر
دحمان : اييه بعد شهر خطبة تاعك مع بنت عمك سميرة
خبط فؤاد الطابلة و قام
فؤاد: واش راك تخرف انا مستحيل نزوج بيها راها كيف اختي و زيد انا ماش راح نكمل حياتي هنا راني مداير حياتي في العاصمة و ماش ناوي نكمل هنا
مريم: كيف با ولدي نهون عليك تخليني
فؤاد: تقدري تجي لعمدب وقت الي تحبي اما انا ما نكملش حياتي هنا
دحمان قام صفع فؤاد طيحو في الارض
دحمان: نشوفو طلام شكون الي راح يمشي انا و لا انت
طلع فؤاد لبستو يلم في دبشو
اسلام: بالعقل فؤاد ماش هك
فؤاد: منزيدش دقيقة في دارو
اسلام: ايه بصح اماني يا فؤاد
سميرة كانت فايتة مين سمعت اسم اماني تسمرة
فؤاد: واش بيها اماني
اسلام: بلا ما تكدب عليا و على روحك اني نعرفك مليح و راني شفتك كيف تشوف معاها
فؤاد: راك مهبول انا نشوف معاها
اسلام: ماش غير تشوف معاها راك تحبها فؤاد
فؤاد: لا لا لا مستحيل راك غير تخرف
اسلام : ماش انا لي نخرف اني نعرفك مليح طفلة دخلت في قلبك و زيد حتى هيا راها مخبيا شي من جيهتك
فؤاد: اااه بصح قاتلك قاتلك
اسلام: شفت كيفاه فرحت اما لا ما قاتليش انا فهمتها
فؤاد: كيف فهمت الفاهم
اسلام: مراحلكش كيف عرفت اما شوف خويا انا عارف ما بقاتش عيشة هنا اما لازم تفري امورك قبل ما تروح غدوة تروح عند اماني و تخبرها بواش راك تحس و تتفاهمو كيف راح تكون علاقتكم
فؤاد: ااه و زعما تقبل
اسلام: ااااااااه يا ربي عيشتني هاد النهار وين نشوف فؤاد مهبل البنات خايف انو ترفضو طفلة
فؤاد: بلع ما تزيدش عليا
سنيرة مين سمعت هاد الهدرة حبت تتحرك قبل ما يطيح الفاس في الراس ليل كامل و هي تخمم واش دير في الصباح قامت ليست و راحت عند فؤاد الي كان يوجد في روحو باش يتلاقى باماني
سميرة : عندي هدرة معاك
فؤاد: منيش قاعد
سميرة : راك رايح عندها ياك
فؤاد: حاجة ما تخصكش
سميرة : شوف يا ولد مريم من الاخر راح تروح عند ديك الغولة و تقلها انك كنت شفقان عليها كيف صاحبتها و بلي راك ما تحبهاش و تعافها و عمرك ما راح تقدر تشوف مع وحدة كيفها
فؤاد: انت راكي في مخك انا مستحيل ندير هاد الشي و زيد انا راني نحبها و ناويها لزواج
سميرة : ادا ما درتش هاد شي باباك راح يدخل للحبس
فؤاد : واش راكي تخرفي
شميرة : ماش هدا برك تصاور ختك و هي مع صاحبها راح تتنشر في القرية اكل
فؤاد: نقتلك و نشرب من دمك راكي تسمعي ماش انا لي نتهدد
