أماني الغولة وفؤاد (مكتملة)

18

اسلام: واش فؤاد سافا

قؤاد: ما عرفتش ويني اماني

اسلام: اااه يا صاحبي العاشق اااااه

قدم ليه و حضنو و من غير ما يشعر هز من عندو المفاتح تاع دارو

فؤاد: بعد عليا علاش راك محضني

اسلام: لااا ولا شي جات في بالي برك

فؤاد: واشبيك اليوم انت

اسلام: لا لا ولاشي سامحني برك ادا غلطت معاك كاش نهار

فؤاد: واشبيك اسلام راك مريض

اسلام: اتهلا في روحك فؤاد اتهلا في روحك

خرج اسلام و خلا فؤاد ما فاهم والو واش بيه اسلام اول مرة يعمل هكا و زيد وين راها اماني و من زهرو داك النهار جاو عندو بزاف المرضى خلص وقت الخدمة نحا الطابلية و خرج صونالو تلفونا

...: الو سي فؤاد

فؤاد: انعم ايه

.....: ادا راك حاب تعرف خطيبتك وين راها دك اركب في طوموبيل الكحلة لي راها تستنى فيك

قؤاد: واش راك تهدر شكون انت

.....: ما تحوسسسش تفهم تبع واش راني نقلك و ما تخافش ماش باش نخطفوك

ركب فؤاد في طوموبيل قلبو يخبط ما فاهم حتى شي تفكر اسلام كيف قالو داك الكلام و من بعد راح و مزادش بان و اماني الي تلفونها كان مشغول من بعد رجع خارج النطاق افكار كثيرة دور في بالو

اماني: و الله عيب عليك علاش عيطت عليه

اسلام: هههههه ما شفتيش كيف درتلو مقبيل

اماني: ييييوووووووو زعما يكون قلق

اسلام: ماش غير ههاهاهاهاهاهاهاهاهاها طول حياتي و انا نستنى في عاد النهار الي رح ننتقم منو فيه

وصلت الطوموبيل خرج فؤاد كانت صالة ما كاين حتى صوت


كانت صالة كلها ضلام تقدم يمشي و يعيط على اماني كل خطوة يقدمها كان ضوء يشعل لين ما وصل لنص شعل ضوء فوقو من بعد خرجت اماني كانت لابسة غوب طويلة حمرة ستيل حوتى من غير كمام طالقة شعرها مين شافها حضنها من بعد بدات الموسيقى الصالة كلنت ضلمة من غير البلاصة لي هوما فيها

فؤاد: علاش هاد الشي كلو

اماني: كيما اليوم كان اول نهار تلاقينا فيه على بيها حبيت نعملك مفاجاة

فؤاد: ااه بصح و الله ما كنت امبالي

اماني: معليش معليش لعام الجاي لازم تتفكرو

فؤاد: اكيد راح نتفكرو و نعملك مفاجاة خير على هادي

اماني: ما شكيتش تقدر تعمل وحدة كيف هادي

فؤاد: مممم هادي ثقة بنفس ولا واش

اماني: اييه و راه مزال ما كملتش المفاجاة تاعي

فؤاد: اهاه واش مزال تانيك

شعل الضوء لقا الصالة كاملة معمرة معازيم ما فهم والو كانو جميع معارفو تماك حتى من والدين اماني كانو تم كي شافهم حشم و بعد عليها شوي من بعد شاف اختو الي راحت تجري عندو عنقتو

منار: كلشي مبروك خويا العزيز كلشي مبروك

فؤاد كان ما فاهم والو

اسلام: كلشي مبروك خويا لعقوبة ليا انشاء الله

فؤاد: يبارك فيكم مي على واش مانيش فاهم

اماني: هههه ياك طلبتي يدي لزواج و انا حبيت نسرع في الامر ندير العرس تاعنا اليوم ياك ما بدلتش رايك

فؤاد من الفرحة هزها و دورها من بعد حطها

فؤاد: تتمسخري انت انا راني نستنى في النهار الي نكونو فيه كيف كيف عندي عام

اسلام: يلاه خويا العريس امشي معايا نلبسولك قشك

فؤاد: سجيتي كلشي

اماني: ايه و مالا نلعبو

منار: امشي معايا انت تانيك

راح فؤاد مع اسلام ليسو كوستيم كان في اللكحل مع بابيون حمرة خرج بوبي من بعد راح عند مراد و سعاد و عاود طلب يد بنتهم مراد كان متقلق خاطر دحمان و مريم ما حبوش يجيو للعرس اسلام قال لمراد انهم بعيد و ما يقدروش يلحقو للعرس و من غير منار الي قدرت تلحق للعرس اما في الحقيقة هما كانو رافضين داك الزواج من اصلو من بعد نعرفو علاه .. سعاد عجبها فؤاد بزاف و كانت شايفة الفرحة تاع بنتها و نتاعو في عينيهم