اماني: و انا ما نقدرش نشوفك و انت متوحش والديك و ماش قادر تشوفهم غير على جالي على بيها راني جيت هنا و راح نقنعهم بيا و يحبوني كيف بنتهم
رضى فؤاد بالامر الواقع بعد ما تفاهمو كلهم يخبرو بعضهم باي شي يصرى و كون يحسو بالخطر يمشيو بلا نقاش
راحو لدار حلتلهم مريم الباب مين شافت ولدها عنقتو كانت متوحشتو بزاف من بعد شافت مع اماني ما عرفتهاش و في نفس الوقت فرحة خاطر اتوقعت انهم انفصلو
مريم: اااه وليدي شكون هادي زوينة الي جبتها معاك
فؤاد: مرتي
مريم: اااههه ما تقوليش طلقت ديك الغولة و زوجت هادي يعطيك الصحة يا وليدي هنيتني من ديك الخامجة الي ما تسواش اكيد عرفتها على حقيقتها و عرفتها بلي ماهيش نقية سميرة بنتي كانت شافتها قدتش من مرة مع رجال اشكال الوان كانت تبات معاهم و
فؤاد: يكفييييييييييي
مريم: واش بيك يا وليدي
فؤاد: هاد المرة الي عجبتك راها اماني تبدلت برك و رجعت كيف مراكي تشوفي و الهدرة الي قالتها سميرة كلها كدب مرتي انا اول واحد نقيسها
مريم: ااااااههههه امالا يلاه هزي بعضك و اخرجي من انا داري ما دخلش نجاسة كيفك
اسلام: خالتي مريم راكي ما فاهمة حتى شي اماني راها خاطيها و هاد الحكاية دارتها سميرة
مريم: سميرة اشرف منها و ادا هي قدرت تخدعكم انا ما تقدرش تخدعني و انا الي راح نفضحهت
اماني: اوكي اوكي ياك انا منيش مليحة و خدعتهم خلينينفضحهتعندك هك نكون تحت عينك و تقدري تفضحيني
فؤاد: يلاه اماني امشي نروحو لدارنا
اماني: استنا فؤاد .. شوفي راني عطيتك فرصة باش تقدري تفضحيني فيها كون جيت في بلاصتك ما نراطيهاش
مريم: اوكي راني قابلة راح نقدر نفضحك يا اماني الغولة و انا مريم
دخلت اماني و فؤاد راحو لبيتو عدلو حوايجهم اسلام كيف العادة راح للبيت الي قعد فيها داك النهار هبطت اماني للكوجينة لقات مرم تحضر في الفطور الي يحبو فؤاد
اماني: ااامممم من الريحة تبان الماكلة بنينة
مريم: اييه واش حاطة اكيد ولدي تعفنت معدة تاعو من ماكلة تاعك
اماني: اييه هنا عندك حق انا خاطيني طياب
مريم: اييه انت تعرفي ديري حوايج خلاف
اماني فهمتها واش تقصد و وين حابة توصل تبسمت : ايه مالا علميني كيف نطيب و هك معدة فؤاد ما تتعفنش
مريم: ما نعلمك ما نحير عليك ولدي بعد ما نفضحك راح يطلقك
اماني: قاتلي منار كقبيل في تلفون انو جايين نساء من العايلة يباركولك يعني ادا علمتيني كيفاه نطيب راح نحمرلك وجهك
مريم: اااههههه شكون هادو الي جايين
اماني: نجية و اميرة و جايبين معاهم كناتهم
مريم: ااااههههه سور جايين باش يتمسخرو بيا اني زوجت بني باماني الغولة ااااههه وقتاه جايين
اماني: غدوة جايين
مريم: شوفي يا بنت سعاد انا راح نعلمك و الله و كون ما تحمريليش وجهي غير ما بقيتي دقيقة في هاد الدار
اماني تبسمت
فلاش باك
اماني: الو منار واش لاباس
منار: واش من لاباس و انتم راهجيني مع سميرة راها مهبلتني حابة تشوف داركم الي في العاصمة
اماني: شوفي منار احنا قدرنا نقنعوها باش تجي للعاصمة اما ما لازمش تعرف بلي رانا هنا حتى نفريو شغلنا مع طاطا مريم و نخليها تتقبلني انت اتحملي على قد ما تقدري
منار: باش نخلي فؤاد يسامحني راح نعمل اي شي
اماني: انشاء الله راح يسامحك امت قليلي شكون اكثر نساء لي في القرية تكرهم ماماك
منار: نجية و اميرة هما اكثر نساء يغيرو من ماما و حتى هيا تغير منهم
اماني: معليش عيطيلهم و قوليلهم انو فؤاد هنا باش يجيو يباركو
منار: اوكي و ماش راح نسقسيك علاش خاطر اكيد تكوني عندك خطة
هبط فؤاد راح للكوجينة لقى مو تعلم في اماني طياب تشوكا من لي شافو هبط اسلام كيف بقاو يتفرجو متش فاهمين كيف قدرت تقنعها باش تعلمها
اسلام: راك تشوف يا خويا واش رامي نشوف
فؤاد: ايييييييييه خرجت عليها الجبة تاع دار هباااال
تسلام: فؤاد ركز منيش نحكي على الجبة شوف امك كيف راها تعلم فيها
فؤاد: ايييه هدي اماني حبيبتي كلشي تقدر عليه
اسلام: يلاه امشي نروحو قبل ما يشوفونا يلاه
فؤاد: خليني نشوف مع مرتي شوي
اسلام: امشششششي
خلصو تحضير الماكلة جهزو المائدة و قعدو باش يفطرو حتى دخل دحمان كان يبان مريض مين شاف ولدو فرح اما ما حبش يبين سلم عليه قربت اماني باش تسلم ما عرفهاش من بعد قالتو مريم انها اماني جبد روحو عليها و طلع ما حبش يفطر على نفس الطاولة معاهم كملو فطرو هزت اماني لماعن غسلتهم و مريم و اسلام و فؤاد قعدو في الصالون يوريلها في تصاور العرس من بعد خبرها على المفاجأة لي دارتهالو اماني هي فرحت من داخل و حست اماني صح تحبو اما هدرت سميرة مزالها دور في راسها
