انا واقفه وبنبح وبنبح وباتع الكاشير بس بعاين لي كدا 😡 في النهايه قال لي ياخ انتي ما عندك موضوع بي نهره كدا 😡😠 وانا اتخلعت وبقيت برتعش من الخلعه عاينت فيهو كدا وقلت ليهو ابتسم عليك النبي وفت خليتو 😉
مشيت شفت لي شله بنات كدا قاعدين مشيت انغزيت في نصهن وقعدت ☺😇
* هييي انتي منو
_ رديت ليها وانا باكل في سندوتشي انا زول خلقو الله اها يلا وروني الاخبار شنو
البنات كلهم استغربو فيني دي مالا😱😨 في وحده كدا اتجاوبت معاي قالت لي والله ياهو عايشين بس رغد خطبوها😉 وانا هنا اندحت معاها
قلت ليها بالله ربنا يتمم ليها على خير بس كدي احكي لي عنها
* هيي قالو خالها جبرا على العريس ومنعا الجامعه ( طبعا البت قايلاني وحده تاني بعرفوها وشبهتني وانداحت معاي 😈😴) قلت ليها صحي 😵 قالت لي والله جد قامت ثحبتها قالت ليها يا وجن انتي دي بتعرفيها من وين البت قالت ليها هي مش دي وتين
- بري دي ما وتين وتين ما مش قطر مع راجلها زمان جات متين وكلهم قبلو علي 😳😳😶
الاسمها وجن قالت لي انتي ما وتين قلت ليها بري ما وتين
وفجاه جات وحده طايره من هناك نطت فيني
* وتين عبد الله وتييييييين 😍😍😍 دي شنو المفاجأت دي جيتي متين من قطر واي ما قادره اصدق 😍😍
انا هنا جمعت قلت ليها انتي بتعرفي وتين عبد الله محمد
_ 😯😯 انتي مش وتين
* لا انا ما وتين لكن انتي بتعرفيها يعني
_ طبعا وتين دي انتيمتي
* انتي شهد
_ اي
قمت اصرخ وانطط واي انتي شهد بستت وتين وووووووو😂😂😂😅ا
البت بقت تعاين لي وقالت لي انتي منو قلت ليها غيم عبد الله محمد اخت وتين البت بقت تكورك برضو قالت لي وتين كيفها اخبارها انقطعت مني من 3 شهور واي اها ما جايه وجرتني وقعدت مع الشله وبقو يسالو فيني عن وتين وما بعرف شنو وشلت ارقامهم وصاحبتهم هم زي 9 كدا وخريجين 😉💔
اها قلت لي البت الاسمها وجن انتي قلتي رغد اتخطبت ولا شنو قالت لي اي رغد دي وحده معانا في الدفعه خطبوها لي واحد ابوهو صاحب خالها وخالها خطبها ليهو بالغصب ومنعها تتم جامعتها 😣😣
يتبع ........................
