قعد يبكي زي الطفل 😭😭 انا ابيت اوديهم الحفله و فضلت انو امشي لي اصحابي والسواق مات وهو سايق العربيه انحدرت من الزلط واتقلبت 5 قلبات وماتو 😢 اه قش دموعو وقال لي امي واختي ماتو بي سببي وانا ما قادر اعيش طبيعي من يوم موتهم انا اانا وتاني رجع يبكي ربت على كتفو وقلت ليهو ماتبكي البكى ما حيرجعهم للحياه وما تلوم نفسك لانو دا قضاء وقدر 💔 ودا اجلهم يعني حتى لو انت وصلتهم حيموتو وهم ما غالين على ربهم اكيد هم في مكان احسن من هنا هم محتاجين دعواتك ولو انت حبست نفسك في الماضي كدا عمرك ما حتشوف المستقبل خليك قوي وحتقدر تتجاوز انا بقول ليك اتجاوز موتهم بس ما بقول ليك انساهم لا اعمليهم صدقات اقرا ليهم قران دي الحاجات البتنفعهم واكيد امك ما كانت دايره تشوفك منهار وضعيف كدا ديراك تبقى ليها اكبر دكتور في الدنيا حاول غير من نفسك عشان خاطر ابوك المسكين دا عشان ترفع راسو عشان هو متمني يشوفك ناجح فكر في كلامي دا واختار الطريق الصاح خلي
الماضي ورا ضهرك وقوي نفسك عشان المستقبل واخر حاجه بقولها ليك ما تتمسك بيها كتير هي فانيه لا تنطفئ فرب الحياه معك 💜💕
شلت شنطتي ومشيت على القاعه ولقيت الدكتور دخل بقيت بتكلم مع نفسي غبيه غبيه انتي دايما تعيشي دور المصلح الاجتماعي دا واهو من تاني يوم تروح عليك المحاضره توووف عليك ياخ 😡☺
اخيرا المحاضره انتهت والدكتوره مرقت بيجاي دخلت بيجاي لقيت ترانيم قلت ليها المرا المعاطه دي قالت شنو قالت لي بري كنت نايمه انا 😂😂😂قلت ليها يعني كلنا في الهوا سوا قالت لي يب قلت ليها سمح ارح ناكل ☺😀( اي جعانه انتو مالكم 😀)
اها اكلنا زين وترانيم مشت وانا مشيت للشله الكريمه ونطيت في ضهر ساره
* اخخ يا عولاق انتي
_ ههييي اها الصحه والامور
اها قعدت اتونست معاهم ومشو على قاعتهم عندهم محاضره وانا لقيت الساعه 11 الا طوالي طلعت مشيت العربي ودقيت لي بتاع العربيه داك الما عارفه اسمو 😀😌😼💔 اها قلت ليهو وين قال لي في المكان جنب المغلق قلت ليهو خلاص جايه عليك
يتبع.......................
