وصلت بيتها دقيت الباب فتحت لي وظاهره الهالات السوده تحت عيونا 💔 قلت ليه اهلا قالت لي مرحب وفضلتني جوه جابت لي مويه وجابت الجبنه وقعدت قلت ليها مستغربه دي منو دي بس انا ماضروري اسمي وهويتي جيت اقول ليك انتي غلطانه غلطانه في انك تتهميهو في رجولتو وتقولي عليهو ما راجل قالت لي ا قاطعتها وقلت ليها مامهم عرفت كيف بس المهم انك غلطانه مفروض تكلميهو انك عايزه القروش لي دهب براهو حيجيب ليك بدون تردد بس انت تعملي من وراهو ما صاح منك طوالي انفجرت بكا 😭😭😭😭😭😭😭😭قالت لي انا غبيه وهبله وحماره انا لي عملت كدا لي وثقت فيها وخليتو هو ااااه انتي عارفه غشتني وسرقت القروش سرقتها وهربت بيها ووواي غشتني وخربت بيتي وووب واندامتي وا حسرتي انا قلت ليها مافات شي اسي ممكن ترجعي كل شي زي ما كان بس اعتزري ليهو وراضيهو قالت لي كلامك صاح هو ما غلطان انا الغلطانه حأعتزر ليهو شكرا ليك انتي رجعتي لي عقلي شكرا قلت ليها العفو ويلا سلام عليكم ومرقت منها وعلى البيت كنت تعبانه شديييد ومرهقه وصلت ولقيت الشله الطيبه كلها هناك سلمت عليهم ويا السرير جاك زول صحيت بليل انحشيت وحضرت حبه وقريت حبه تانيه ( قايلني ما بقرا ولا شنو هوييي 😴🐸) صليت العشاء وانخمدت تاني
* كسره صغيره
الصلاه يا جماعه الصلاه الصلاه دي راحه نفسيه بس تسلم نفسك لخالقها ترمي همومك كلها وذنوبك مع السجود اااه عن الراحه النفسيه البتكون في الصلاه 💜💜
نرجع
مرو شهرين تاني بدون جديد غير وتين القاعده معانا لسه وتخريج الشله الليله والدفعه كلها بقت مصاحباني ورقمي دا ايييك حام الجامعه كلها والتلفونات كلها والكليه كلها بتعرفني 😍😍 بقيت مشهوره وهيكا وتلفوني دا اخخ تعب من المكالمات عادي اكون بتكلم مكالمه القى عشرين نفر داخلين لي اتصال اي زول داير بحكي لي يومو واي زول عايزني احل مشكلتو مرات مابرد زاتو😂😂😂😂😂ويجوني في القاعه ويشاكلوني وحياتي بقت عباره عن طلعات وعزومات ومشاكل وحلول وتلفونات والجامعه وناسها بقو حياتي واصاحبي واخواني وبحبهم كلهم المهم جاني اتصال من وجن
* حقتنا
_ هيي انتي اختك دي من قبيل جات انتي وين
* في البيت
_ بتسوي في شنو
* بقرا مع دادي الجريده ☺☺😀
_سريع تعالي عشان نلحق
* سمح بجهز وبجي
قات لي ابوي انا ماشه التخريج قال لي والله انتي بي طيبتك وروحك الحلوه دي الناس كلها بتحبك وكلها عايزاك تكوني معاها قلت ليهو واي عاين ديل 50 مكالمه وكلهم من المتخرجين الليله عشان اتاخرت قال لي الله يحفظك ويغطي عليك ويديك لحدي ما يرضيك ❤
قلت ليهو اميين
يتبع.......................
