ضحايا الحب 💔

البارت الثاني

الجلسه الي فاتت كانت اول جلسه واول ضحيه لآ معلش مينفعش اقول عليهم ضحيه عشان دول مش ضحايا دول ابطال عرفو يحاربو كل ظروفهم ومشاكلهم واكبر دليل على كلامي انهم هنا
فمين البطل او البطلة الي هيبدأ النهارده
محدش عايز يختار ليه شكلي انا اللي هختار زي المره اللي فاتت
رضوى انا حابه انك تبدأي انتي الاول صراحه انا اول ماشفتك حبيتك بجد وحسه انك هتبقي مختلفه عن الكل فياريت تبدأي واحنا كلنا سمعينك ومهتمين نعرف قصتك
انا رضوى وكلكم عارفين اسمي عمري ٢٣ سنه انا الاخت الوحيده بين اب وام واخ ولد
انتو عارفين احساس انك تتولدي بين اب وام كل حاجه عندهم لا وعيب وانتي بنت حتى المشاعر كانو بخلا فيها كنت بخاف منهم بطريقه فظيعه اتولدت وعشت بين ضرب واهانه وظل وعنصريه فظيعه بين الولد والبنت كانوا بيعاملوا أخويا على انه ملاك من السما وانه مبيغلطش خالص كل ده اده انه يكون نسخه منهم مجموعه من التكبر والقسوه والاستحقار للأشخاص هي دي كانت مبادئه فكنت انا الضحيه بينهم حتي امي الي مفروض تكون احن واحده عليا كانت نسخه منهم بجد حاجه توجع اوي انك تحس انك نكره مابين الكل كتير كانو بيقلولي اني ذنبهم الوحيد واني عقاب ربنا ليهم مكنتش قادره استوعب ان هما بيكروهني اوي كده تب ليه انا عملتلهم ايه انا طول عمري كنت هاديه وبسمع كلامهم بس زي ما بيقولو للصبر حدود
مكنش عندي حريه الإختيار في اي حاجه لا في التعليم ولا العيشه ولا حريه اختيار الاكل الي عايزاه او حاباه
كنت مصدر تفريغ طاقه سلبيه بالنسبه ليهم ده مضايق يقوم مطلعه عليا ده مجروح يقوم يجرح فيا انا وبعد كل ده ملقيتش غير طريق واحد عشان اهرب منهم لما كنت صغيره ويقسو عليا كنت بروح أعد لوحدي واتخيل عيله تانيه بتحبني وبتخاف عليا مكان تاني بعيد عن المكان ده الي كل ذكره فيه بتقسي عليا وبتجرح فيا بس كنت بفوق من خيالي على صخره الواقع الي بتحطم اخر امل ليا وكل يوم يسحب يوم كان بيزداد تعلقي بخيالي والموضوع بقى اكبر من عيله واكبر من مكان تاني الموضع بقى متعلق بالحب اه الحب مستغربين اوي كده ليه بقيت اتخيل شخص بيحبيني بجد شخص بيخاف عليا انا عارفه انكو ممكن تكنو مش مصدقين بس ده والله الي حصل انا وصلت لمرحله اني بقيت بسمع حد حاوليا وبحس حد جمبي بقيت اشوفو او خيالي هو الي صورلي كده مش عارفه كل الي عارفاه انه في حد بقى يهون عليا كل ما فتكر ان ده خيال وانه ممكن يختفي اتمسك فيه اكتر واتعلق بيه اكتر واكتر اعد بالساعات احكيله واشكيله همي وهو بيسمعني كل يوم وليله على نور القمر ويين رقص النجوم بستناه يجي يعوضني وفي ليله من الليالي دي جه انا اول ماشفته جريت عليه مسكت اديه وقلتله اتاخر عليا اوي كده ليه بصلي بنظره غريبه وفجاه اختفى

بيني وبينك القدر والحب طريقا طويل هل سنصل يوما ام المجهول عائقا يمنعنا من العبور احببتك دون علم وبدون حرص ولكن لساني لم يستطع يوما بأن ينطق بخفايا قلبي فاصبحت خفايا نحيا ونعيش ولكننا في نفس الوقت نموت فيهلوس قلبي بأسمك وعقلي بأسمك ولساني سئم العيش بدون ذكر اسمك ولكنها تبقى مجرد خيالات تسبح في بحر المعجزات وتحلق في سماء الامنيات كالطير السجين ونحن ابعد بكثير بأن نعيش سويا او نلتقى يوما من الايام على أرض الواقع ويمر الوقت والحب بداخلي يزيد ونداء القلب يعلو ويصيح فاين المفر من سجن الحب واين الحريه من دقات تلك القلب ولكنه الخيال تشابكت خيوطه اللئيمه لتجعلني ابكي وانوح اموت يوما من فرط الجنون فاين اللقاء الذي يمحو يوما ما اره انه من المحال ان نلتقي يوما بالخيال فلساني يقول الحقيقه وقلبي ينكر تلك المصيبه
وكل يوم بيعدي حبي لي بيزداد وفي ليله بابا سمعني وانا بكلم حد بس لما دخل ملقاش حد فطلع بس بدا يشك فيا وبقى يراقبني لاحظ تصرفاتي الغريبه بس سكت منكرش اني زعلت اوي لما بابا دخل عليا ومشفهوش لانه ده اثبت انه عمره ماهيكون واقع وانا كنت في كامل الاستعداد اني اكمل معاه حتى لو مكنش حقيقه وفي جامعه من جامعتنا الي بكرها اوي بابا قرر حاجه فظيعه عارفين ايه قرر انه يحجزني في مصحه نفسيه اصل انا مجنونه ماما واخويا سالوه وهو قلهم كل الي شافو كلهم استغربو و بصولي مستنين اجابه مني انا عارفه اني مريضه ومبسوطه كده انا عارفه ان كله خيال بس انا مرتاحه كده لما سمعت اسم المستشفى اول حاجه جت في بالي انه هما هيحرموني من حبيبي ومن اهم حاجه في حياتي ملقتش ادامي حل غير اني احكيلهم كل حاجه واني ممكن اصعب عليهم ومترددتش ثانيه واحده حكتليهم كل حاجه بس الموضوع اتعقد اكتر كلامي خلاهم يصرو اكتر واتاكد ليهم اني مجنونه بجد وصلت لمرحله اني عماله اصرخ وابكي في النهايه ملقتش نفسي غير في المستشفى حاولو كتير انه يكلمو معايا ويساعدوني بس انا كنت مصممه اني متكلمش واني استناه عشان يجيلي بس عده ايام وشهور وهو لسه مجاش هنا ايقنت انه خلاص لحد هنا وكل حاجه انتهت ممكن يكون مظهرش عشان انا مش عايزاه يظهر انا متاكده انه الموضوع متعلق بيا وان وجوده او عدمه رغبه داخليه ممكن زهقت من ان اعيش في خيالي كتير ممكن اكون بدات احس بالخطر بس الي متاكده منه انه حاجه جوايا رفضاه ومخلتهوش يظهر

اغلاله الناعمه قيوده الساحره تجذبني نحوه بدون مقاومه خوفا اصاب قلبي في مقتل ولكنها تلك الاغلال تسيطر على جميع مشاعري اعتاد قلبي على الخيال وبين طياته اتخذ مسكنا كلما حاولت الفرار وجدت نفسي اهرب اليه من واقع كالوحش هو يطاردني فآفر اليه لعلني اجد الترياق اعلم انه الخيال واعلم انه ليس له مسكنا وسط تلك الحياه ولكنه الامل الاخير اطمع بان لا يضيع بين يداي فآجهل انا الطريق

كنت عارفه اني هتعب في وجوده او عدمه بس مع مرور الايام والشهور قدرت اني اتغلب واني انساه مش كليا بس بقيت احاول اني ملجأش للخيال تاني ولا اني اهرب ليه منكرش اني طبعيه ميه في الميه لا انا لسه جوايا جزء بيحن ليه عشان كده قررت اني اجيلك يادكتوره ممكن مع كلامي لحد يفهمني ويحس بيا يساعدني اني ابقى احسن وكد يبقى خلصت الحكايه

رضوى انا اول ما شفتك قلت انك غريبه وقصتك اغرب بس مع كده حبيتك انا صدقتك عارفه ليه عشان دي مشكله بيعاني منها كتير بيحاولوا انه يهربو من واقعهم في حاجات كتير ومنها الخيال العالم التاني عالم قيوده ليها سحر علينا وبتقدر للاسف تجذبنا

ليس الخيال كما نراه وليس الواقع كما نعيشه انما هي افكار لا نتملكها ولكنها تتملكنا بدون سابق إنذار تجذبنا نحوها باغلال ناعمه قابله للخداع فنستجيب لها بحنين مشتاق ونهايه الطريق ضحايا بدون ذنب اقترفناه

بكره هنسمع قصه بطل جديد
من ضحايا الحب
دمتم سالمين 💞 💞💞💞

Rsm27