ضحايا الحب 💔

البارت الثالث

النهارده الجلسه الثالثه مع ابطال الحب بعد ما سمعنا محمد و رضوى وآد ايه هما عاشو مع الحب وعرفنا قصتهم بقى عندنا حماس اكتر انه نسمع باقي الابطال فمين هيبدأ النهارده يا ابطال ادم ولا ليلى واكيد دلوقتي مبقاش في خوف وخصوصا بعد ما سمعنا حكايه محمد و رضوى
ادم / انا حابب إني ابدأ الاول عشان حاسس اني عايز احكي وحد يسمع قصتي ويستفيد في النهايه من الدرس
الدكتوره / تمام يا ادم انت النهارده المايك معاك احكي احنا سمعينك
ادم / في البدايه خالص هحكيلكم حكايتي حكايه اللقيط وانه ازاي اللي حصل معايا علمني درس مهم اوي وعلمني اني منخدعش من المظاهر لانه المظاهر خداعه ودلوقتي خليني ابدأ الحكايه من الاول خالص انا ادم الرفاعي ابن اكبر رجال الاعمال في البلد وطبعا حسين الرفاعي مش اي راجل ولا اي انسان ده حسين الرفاعي يعني مزيح السلطه، الفلوس، الهيبه، التكبر، والقسوه الي كانت من اهم صفاته وطبعا ابنه ادم الرفاعي الي اكيد هيبقى الخليط من الصفات دي وده الي حصل طول عمري كنت فخور بأسم الرفاعي وان عيلتي نمبر ون بين عائلات الهاي كلاس وللأسف كنت في غايه التكبر والغرور كنت بستحقر اي واحد في مستوى اقل مني وكنت بقرف منهم بمعنى اصح كنت شايف نفسي كأني الوحيد في الدنيا دي بس الدرس كان قاسي اوي في النهايه دخلت اكبر الجامعات الخاص وكنت بتعامل كاني ملك مش انسان عادي وعده ايام وشهور كتير وانا ملاحظ بنت عنيها عليا رغم كسوفها كانت غريبه بالنسبالي محجبه جميله بزياده بس عيبها انها في مستوى اقل مني ده كان كفايه إني حتى مابصلهاش اصل انا ادم الرفاعي مش اي حد بس جه يوم ولقيتها اعده على الكرسي الي ادامي وبتطلب مني اني اسمعها طبعا انا في البدايه رفضت رفض قاطع ازاي اعد معاها كده عادي بس هي اصرت فوافقت في النهايه قالتلى انه اسمها ملاك وغصبا عني حسيتها ملاك من شكلها سبحان الله كانت ملاك على هيئة بشر حسيتها في البدايه غريبه كده كانت متوتره ومكسوفه اوي لاحظت انها بتبص على كل حاجه ماعدا انا وده خلاني اركز معاها اكتر بدات كلامها وهي بتقولي
ملاك/ انا اسفه اني ضيعت وقتك بس انا يعني
ادم/ انتي ايه خلصيني انا مش فاضيلك اليوم كله لو هتكلمي انجزي وخلصيني
ملاك / لا خلاص انا اسفه عن اذنك
اتعصبت منها اوي ضيعت وقتي ومقلتش حاجه مفيده بس الي لفت انتباهي دموعها الي نزلت اول ما قامت بس كعادتي نصيبها مني كان عدم المبلاه قمت وكملت روتيتي اليومي عادي ولا كأنه حصل حاجه تاني يوم في الجامعه قابلت زميل ليا قالي انه عايز يتكلم معايا في موضوع مهم رحت معاه عادي بدافع الفضول ورحنا اعدنا في كافتيريا الجامعه
محمد/ انت تعرف ملاك البنت الي هناك دي الي واقفه مع امل ولابسه دريس ازرق بصيت على المكان الي بيشاور عليه شفت صاحبه العيون الزرقا ومن غير اي اهتمام قلتله ايوه اعرفها شوفتها امبارح وكانت عايزه تقولي حاجه بس مشيت كده بطريقه غريبه
محمد/ المهم انت عارف اني خاطب صاحبتها امل الي واقفه معاها دي
ادم/ ايوه يا محمد عارف بس انجز فيه ايه انا مش فاضي للتفاهه دي
محمد / اهدى كده يا ادم اصل امل حكتلي امبارح عن ملاك كلام كتير اوي وانها بنت كويسه وجدعه جدا وكمان من عيله محترمه
ادم / ايه المقدمه دي كلها وانت عارف انه الكلام ده كله ميهمنيش في حاجه ومش دي الي اضيع وقتي عشانها
محمد / البنت دي بتحبك يا ادم انا كنت بتكلم مع امل وقالتلي اد ايه هي بتحبك بس لانها متدينه زي ما انت شايف وبتحترم اهلها معرفتش تقولك بس هي باين عليها انها بتحبك بجد حتى انا لاحظت من قبل ما تقولي امل اساسا
ادم / انت اتجننت يا محمد حب ايه الي انت بتتكلم عليه ومين دي انا لما احب مش هحب واحده زي دي بص بلاش هبل يا محمد وكلام فاضي ويلا نشوف هنعمل ايه بعد المحاضرات
محمد / بس يا ادم حرام هي بتحبك بجد وهتحافظ عليك
ادم/ الكلام خلص انا همشي هتيجي ولا ايه
محمد / لا مش هاجي امل مستنياني
ادم / خلاص اوكيه انا همشي خليك انت باي
~~~~~~~~~~~~~~~~~~~~~~~~~~~~~~~~~
امل / ها يا محمد ايه الي حصل
محمد / للأسف خرب الدنيا ورافض الحب ده رفض قاطع وطبعا انتي عارفه السبب المكانه والمجتمع وانه هي طماعه والكلام اللي يودي وميجبش
امل / بس حرام دي بتحبه اوي تصدق هو الخسران
محمد / عندك حق حاسس انه هيجي يوم وهيندم بس هيكون الوقت فات
امل / ربنا يستر على ملاك حساها هتتوجع اوي
محمد / ربنا يعينها
مرت ايام وادم زي ما هو الحاجه الوحيده الي اتغيرت ان محمد ومجموعه من صحابه مصممين انه يدي فرصه لملاك ولقلبه وطبعا هو مصمم لحد ما جه اليوم الي زهق منهم وقام راح لملاك في نص الجامعه مسك ايديها وشدها جامد ليه
ادم / انتي تحبيني انا انتي اتجننتي يا بت انا ادم الرفاعي يوم ما افكر احب احبك انتي لا فوقي مش هتعرفي تضحكي عليا وتمثليه الحب دي احسلك تعتزلي منها انتي واحده زيك رخيصه كل الي عايزاه من الجري وراه الرجاله الفلوس وانا مش هنولك الي في بالك فاهمه ولا افهمك بطريقتي وزقها جامد ومشي وصحابه وراه
في الكافتيريا كان اعد محمد وصحابه معاه
محمد / ايه الي انت عملته ده يا ادم انت بتستهبل جرحت البنت واهنتها اوي مفيش حد مهما كان يكون يعمل كده وكل ده ليه عشان قالت انها بتحبك ايه القسوه والظلم ده البنت ما اجرمتش انت ايه قلبك حجر ولا ايه نظامك وكمان مش عايز الحب ده ترفضه مش تقوم وتهزقها بالطريقه دي يا شيخ خلي عندك دم
ادم/ مش هنخلص يا محمد ولا ايه كمان دي حتت بنت ولا راحت ولا جت متزهقنيش بأه
محمد / هو انت شايف الي عملته ده عادي مش حاسس بتأنيب الضمير انت ملتك ايه يا بني ادم
ادم/ يووووه انا ماشي دي حاجه بقت تزهق
وعده أيام وشهور وملاك مختفيه ومظهرتش خالص الفتره اللي فاتت دي
في الكافتيريا محمد / ياجماعه لاحظتم ان ملاك بقالها فتره طويله مختفيه
ادم/ خلاص بأه مش هنقفل السيره دي ولا احنا ماورناش غيرها
محمد / انا هقوم اصلي ضغطي ارتفع منه
وطبعا انا نسيت الي حصل معايا بخصوص ملاك وعشت حياتي طبيعي قبل ظهورها وهي من امتى اثرت عليا حاجه رغم اني حاسس بحاجه هتقلب حياتي بس ايه هيا معرفش خلي سفينه الاقدار تحركني زي ماهيه عايزه وانا احاربها زي ما انا عايز بس السؤال هنا هعرف احاربها ولا هتفاجئني بحاجه اكبر مني