هلو رجعت بارت جديد أتمنى انو يعجبكم لا تنسون التصويت و التفاعل
صدف ، نزلت اني و كعدت بالصاله و بيبي كانت بغرفتها صاحتني رحت عليها كالت
ال جده ، هاا يمه صح النوم
صدف بابتسامه ، يصح بدنج بيبي
ال جده ، هاا ان شاء الله ارتاحيتي
صدف ، اي أحمد الله رحت كعدت بغرفة بيبي شويه و إجت روان
روان ، بيبي اني من مساع كنت منتضرتها تكعد من النوم حتى اسولف وياها
صدف ، هههه يا عمري ليش ما كعدتيني
روان ، بيبي ما تقبل ....و هسه بيبي لو سمحتي ممكن صدف تجي وياي
ال جده ، شو اكعدي وين ماخذه البنيه
روان ، اريد اشوفها البيت و أريدها تشوف غرفتي
صدف ، كنت ضايجه و هاي روان حيل ضحكتني و نوب تحجي جنها طفله إجت جرت أيدي كمت وياها و كالت
روان ، بأي بيبي
صدف ، أخذتني شوفتني البيت كانن يجنن و بعدين شوفتني غرف اخوانها و بعدين غرفتها كانت تخيل و كالت
روان ، غرفتج عجبتج
صدف ، اي تجنن
روان ، اني اختارتها الج
صدف ، ذوقج حلو دخلت روان ضلت تشوفني ملابسها و غراضها و صورها هيه و اخوانها و صديقاتها صراحه حسدتها اني الي عشت طول عمري و يا ناس حبيتهم أكثر من روحي و بعدين تركتهم و اجيت على ديره غريبه كالت
روان ، شنو ما تردين تشوفيني اغراضج
صدف بابتسامه ، تعالي اخذتها و شوفتها ملابسي و اغراضي و صوري اني و مريم و حجيت الها قصة مريم و ضليت ابجي حضنتني و ضلت تواسيني عجبها أسوار كان عندي شتريته من تركيه لان احنه كل عطله نسافر انطيته الها و نزلنه تعشينه و كعدت يمهم يسولفون و يجاملون و اني اسولف وياهم بس بالي يم ماما و بابا بعدين صارت الساعه 11 استأذنت منهم و رحت غرفتي اتصلت على ماما و بابا ضليت احجي وياهم و ماما كانت تبجي و بابا هم صدمني بابا لمن كال انو راح يسافر هوه و ماما السويد راح يستقر هناك زعلت هواي لان راح يرحون بعد ما راح اشوفهم ضليت ابجي و ختنكت حيل شويه البيت صار هدوء عرفتهم نامو نزلت جوه طلعت الحديقه أشم هوه حسيت أحد وراي خفت بس درت وجهي شفت هاذا الولد الي مساع دخلني البيت كال
همام ، شنو تسوين هنا
صدف ، طلعت أشم هوه
همام ، امممم فوتي لا تضلين بره راح اقفل الباب
صدف بحزن ، اوكي دخلت و هوه دخل وراي كال
همام ، اي يا بنت العم شلونج
