مساء الخير و السعاده ان شاء الله تكونون بأحسن حال و راحت بال مسائكم جميل مثل قلوبكم يا احلا متابعين لا تنسون التصويت و التفاعل
ملك ، بعد ما صاحني بابا على العشه اباوع على ماما كانت تباوع عليه بنضره غريبه و كنمأ عدها كلام أتريد تكوله بلشت أكل و شكل اهلي ما عاجبني كانو ساكتنين شويه و سألت بابا
ملك ، بابا منو هذولي الي اجو مساع انتبهت الماما غصة بالكل و بابا صار ه أصفر
محمد ، ملك هذولي بعدين تعرفين منو
ملك ، اباوع عليهم بابا يباوع الماما و ماما تهز برأسها بمعنى لا شويه بلش بابا يحجيلي عن قصة بنيه ان فقدت بحادث و أمها و أبوها ماتو و هيه ما عرف شلون وصلت الميتم و إجت عائله تبنتها بابا يحجي و ماما كانت تبجي بصوت عالي سألته
ملك ، بابا ماما شبيها
محمد ، عوفي امج و انطيني رئيج بالقصه لو كنتي مكانها و إجت اعمامج الحقيقين و اردو ترحين وياهم راح تقبلين
ملك ، و الله بابا اني ماكدر اخلي نفسي بإمكانها
محمد ، ليش
ملك ، لان كل شخص و اله طريقة تفكير مختلفه
محمد ، زين اكلج شغله
ملك ، كول بابا
محمد لزم ايد وسن و كال ، هاي البنيه الي حجيت قصتها هيه انتي
ملك ، هههههه .... بابا كافي شنو الحجي هاذا
محمد ، هاي الحقيقه
ملك بخوف ، بابا شبيك كافي
محمد سولف الملك كل شي و حجه عن اهلها و عن الميتم و شلون تبنوها و غيور اسمها و عن الناس الي اجتهم مساع
همام ، بعد ما طلعت نتيجة التحليل DNA و طلعت هاي صدف فرحت حيل و بشرة جدي خطيه من الفرحه اغمى علي و أخذنا المستشفى و بيبي ضلت تبجي و اعمامي هم فرح و و أبوي هم حجيت الهم شلون لكيتها و شلون عرفتها و انطيتهم تحليل DNA بس ضل لازم ارجع بغداد و اجمع معلومات عن صدف وين عايشه و منو الناس الي اخذوها رجعت ال بغداد و اتواصلت ويا المديره و انطتني معلومات عن صدف اسمها كان ملك و كانت عايشه بالعضميه و عرفت بيت هم و عرفت معلومات عن الناس الي عائشه وياهم المهم رجعت ذي قار و حجيت الي صار وياي جدي كال لازم اشو فها و أجيبها وياي لازم ما يصير بنتنه عايشه عند غيرنه أخذت جدي و اعمامي و أبوي و رحنه الهم و صلنه البيتهم و دكينه الباب طلع رجال سلم علينه و دخلنه و ضيفنا و رحب بينا و كال
محمد ، يا مرحبا نورتونه
الاجد ، بنورك ابني
محمد ، بلا صغرن منو حضرتكم
الاجد ، احنه ...... و بلش الجد يعرف عن نفسه و عن ولده و عن همام
محمد ، والله و نعم منكم ....تفضل شيخ بشنو اكدر اساعدك
