وجع الحب

جزء ٤

💔 الحلقة. الرابعة💔

سمعت صوت وليد خلفها: سارة فى ايه

سارة كانها وجدت مخرجا :مستر وليد لو سمحت خلى الاستاذ ده يعدينى

نظر وليد لاحمد بغضب:ايه يا احمد فى ايه انت مش هتبطل

احمد : ايه يا وليد تعرف الانسة

وليد : انسة سارة السكرتيرة بتاعتى يعنى ملوش لازمة حركاتك دى

احمد : ايه يا صاحبى انا برضو بتاع حركات

ثم نقل نظره لسارة : اوعى تصدقيه اصله بيحب يهزر اصحاب بقى بس بصراحة اسمك حلو اوى زيك بالظبط

نطق وليد بغضب : احمد كفاية كده عندنا شغل عن اذنك

افسح لها الطريق ونظرات احمد مازالت معلقة بها جلس وليد وسارة مع اصحاب الشركة الاخرى المتخصصة فى الاقمشة التى تستخد مها الشركة فى الازياء الخاصة بهم كانوا

يعرضون بعض العينات على وليد كانت سارة تراقب كل شئ باستمتاع فهى عشقها الاول تصميم الازياء وتعلم جيدا انواع الاقمشة الجيدة من الغير جيدة ظلت صامتة الى ان احست ان وليد سيتورط فى الاقمشة فتحدثت الى وليد بصوت

خافت:مستر وليد ممكن دقيقة

وليد : خير يا سارة انتى شايفة مشغول مع الناس

سارة : مش هاخد من وقتك كتير ثوانى بس

وليد : ماشى .....عن اذنكم يا جماعة دقيقة واحدة

نظروا الى بعضهم بخوف من رفض وليد الصفقة ..... قام وليد مع سارة بعيدا عنهم

وليد : ايه يا سارة فى ايه

سارة : مستر وليد اوعى توافق على الشغل ده

وليد : ايه ليه انتى شايفة القماش ممتاز اودامك اهوو

سارة : انا اعرف الناس دى كويس كانوا عملوا اتفاق مع شركة ملابس كبيرة وبعد ماتفقوا وكتبوا العقد طلع القماش مضروب وبايظ ومكنش نفس اللى شافوه فى العينات

وليد : ايه ده انتى مين قالك الموضوع ده هو فعلا حصل من حوالى سنة بس مش نفس الشركة

سارة : لا هما بس غيروا كل حاجة اللوجو بس انا اعرف واحد فيهم

وليد : بقى كده ماشى تعالى نقعد معاهم دلوقتى وبعدين نتكلم

سارة : طيب هتعمل ايه

ابتسم وليد : متقلقيش ربنا يسهل

اتجهوا الى المائدة وجلسوا مع اعضاء الشركة الاخرى بعد قليل تحدث

وليد : طيب يا جماعة انا موافق على الشغل ده

نظروا لبعضهم نظرة سعادة اما سارة فنظرت لوليد باندهاش من رد فعله

ثم اكمل: بس ليا شرط وهيتكب فى العقد

مدير الشركة: شرط ايه يا و ليد بيه