جنه الدنيا

الفصل السادس

السلام عليكم اخواتى واحبتى😍 موعدنا مع قصتنا اليوميه😊💗 ويلا نصلى ع الرسول وندخل على طوووووووول💗🌹

#جنه_الدنيا_جيهان_سلامه
#محبه_الرحمن

اللهم تقواك وجنتك ورضاك🤲

(الحلقه السادسه)

عبير بتكلم جنه فى التليفون وهى زعلانه

عبير: تفتكرى ليلى زعلت منى يا جنه😔
انا محروجه اوى من اللى ماما عملته معاها

جنه: يا بنتى ليلى قلبها ابيض واكيد مش هتزعل منك........المهم قوليلى ....عملتى ايه مع الاخ
لما جه....وطلع كويس ولا ايه طمنينى

عبير: إسكتى يا جوجو.....ده طلع شاب ما شاء الله عليه.....طيب جدا ومحترم وابن ناس  والغريب بقا إنه عجب ماما جدا
وانتى عارفه ماما مبيعجبهاش حد وبالذات
اللى عندهم لحيه 😀

جنه: المهم يعجبك انتى يا بيرو😄

عبير بكسوف: بصراحه... هو عجبنى جدا☺️وكنت قاعده مبسوطه
وحسيت يعنى كده إنه كان قاعد مبسوط هو كمان

جنه: اللهم بارك يا حبيبتي☺️
ربنا يتمملك على خير...........وخالتو جت معاه

عبير: لاء.....هو جه لوحده المرادى
وقعد بقا يسألنى فى الصلاه بصليها فى مواعيدها ولا بأخرها ....و محافظه عليها ولا لاء
وسألته انا كمان عن القران وحافظ كام جزء
و بيصلى فى المسجد جماعه ولا لاء ...وبيسمع لشيوخ مين
لحد ما الراجل عرق فى ايدى يا بنتى😀

جنه😄

وماما وبابا بقوا يبصولى بمعنى اسكتى واتهدى بقااا
وانا ابدا...تقوليش حنفيه واتفتحت رغى 😂

جنه: انتى هتقوليلى... ما انا عارفاكى جباره طول عمرك 😀

عبير: اوى الصراحه😂

جنه: يا عينى عليه... الله يكون فى عونه منك😂 وهتردوا عليه امتى

عبير : كمان كام يوم كده بإذن الله....علشان ميقولش علينا إننا مصدقنا 😀

جنه: ايوه صح....عندك حق 😀

عبير: ويارب بكره انتى وليلى كمان تفرحونى
علشان نبقى احنا التلاته عرايس الموسم😀

جنه بحزن : بإذن الله.....ربنا يقدر الخير 😞

***************************
رجائى: الو......سلامو عليكو يا باشمهندس

ياسر:عليكم السلام ....اهلا يا عم رجائى
خير ....فى حاحه ولا ايه

رجائى: خير بإذن الله ... أنا بس كنت بتصل بأكد علي حضرتك معاد بكره......إكمنى مشوفتكش انهارده فى المصنع

ياسر: لااااء تمام على ميعادنا بإذن الله.....بس خد
بالك إنه هيكون فى ميعاد الماتش وانا كنت ناسى الموضوع ده....فياريت ميطلعوش من الناس اللى محبكينها اوى ومبيتفرجوش على التليفزيون🤨