جنه الدنيا

الحلقه ال (٢٢) والاخيره

اخر حلقه😭 من قصتكم المحبوبه بكل

ابطالها ماعدا ابتسام طبعا😂

ويلا نصلى ع الرسول وندخل ع قصتنا ع  طووووول

الحلقه ال ٢٢ الاخيره واتمنى تنال اعجابكم  لانى تعبت فيها جدا بسبب المفاجاه اللى محضرهالكم😁

بس بقولكم ايه قبل ما نبدء😉الشتيمه حرااام
على فكره 😡

هاله: جنه....يا جنه.......يا جنااااااا

جنه اتفزعت من النوم وهى بتترعش من الخوف
و بصيت لاقت نفسها فى أوضتها وعلى سريرها وامها بتصحيها😟

مامااااا😳.......انتى كويسه......ومقدرتش تمسك نفسها من العياط 😭

هاله استغربت حالتها وقلقت عليها
مالك يا حبيبتى فيكى ايه.....وبتعيطى ليها كده
ومسحتلها دموعها وحضنتها وفضلت تمسح بإيدها على راسها
اعوذ بالله من الشيطان الرجيم.......بسم الله الرحمن الرحيم ....اعوذ بكلمات التامه
من كل شيطانا وهااامه ومن كل عين لاااامه

اهدى يا حبيبتى...أكيد  شوفتى كابوس....انا هروح أجيبلك ميه

جنه مسكتها بسرعه : لاء خليكى جنبى متسبنيش
😭
ده كان كابوس وحش اوى  يا ماما😭وحش اوى

هاله: اللهم اجعله خير يارب

جنه: الحمد لله انه طلع كابوس.. مش حقيقة وانتى معايا وجنبى...وانا  لسه فى حضنك😭

هاله: طب احكيلى شوفتى ايه ... بس سمى الله الاول وقولى

جنه: بسم الله الرحمن الرحيم...... شوفت ااااا

تليفونها  رن......

هاله:اهو التليفون رن تانى.... ده انا دخلت اصيحكى من كتر ما كان عمال بيرن كل شويه  وانتى راحه فى سابع نومه  ولا حسه بيه

خدى....شوفى مين اللى عمال بيرن من الصبح عليكى كده

جنه بصيت على الاسم ...واتصدمت😳
وفضلت تغمض فى عنيها وتفتحها ...و تبص على الرقم ومش مصدقه نفسها ...وتبص على الرقم تانى وتبص لأمها ....وفضلت على الحال ده لحد ما التليفون بطل رن

هاله: استغربت : مالك يا بت.... سهمتى كده ليه....ومين اللى كان بيتصل

جنه: دى...ااااا.....دى الاخت ام انس😳
ومسحت بإيديها دماغها وبتحاول تفتكر وحسيت انها تايهه
وسألت امها وخايفه من ردها
هو...ااااا......وبلعت ريقها
هو  انا لسه مرفضتش الشيخ محمد ...ولا رفضته والموضوع انتهى 😟

هاله:لاء لسه .......بس هترفضيه بإذن الله
مش انتى  قولتيلى لما صحبتك تكلمك هتقوللها كل شئ قسمه ونصيب

جنه مسكت قلبها واتنهدت بإرتياح وفرحت من جواها وحمدت الله
الحمد لله يارب.....الحمد لله 😊