جنه الدنيا

الفصل الاول

السلام عليكم ورحمه الله وبركاته جميعا
اليكم اول روايه ليا والمحببه الى قلبى واتمنى تنال اعجابكم
القصه بعنوان (جنه الدنيا ) وهتفهموا انا ليه
اختارت الاسم ده بالذات مع نهاية الروايه😉

واسيبكم بقا تتعرفوا على ابطال القصه بنفسكم
واوعدكم انكم هتحسوا إنهم جيرانكم ..قرايبكم
لانى كتبتها بطريقتنا العاديه فى الكلام فى حياتنا
وفيها احداث كتير  حصلت معنا او حصلت لحد قريب مننا😊

ويااالا بقا كفايه رغى وخلونا نتخيل مع بعض احداث قصتنا .......😊

(الحلقه الاولى )

تصحى جنه على صوت امها وهى بتنادى عليها

هاله: ياجناااااااا.......انتى يا بت يا جنه
يلا اصحى
عاوزين نخلص اللى ورانا بدرى ...قومى بقا يا بنتى كفاياكى نوووم
يا غولبى منك........البت دى هتجنينى
امتى أجوزها بقاااا......يا جنااااااا

جنه فتحت عنيها على صوت امها
واتمطعت وهى على السرير .....وابتسمت😊
لما افتكرت ان انهارده يوم مميز ليها

جنه:حاضر يا ماما ...انا قومت خلاص اهو

قامت جنه من على سريرها وبصيت على نفسها فى المرايه .....وكلمت نفسها

يا ترى العريس اللى جاى ده شكله ايه 🤔
طويل.. قصير....تخين ...رفيع

جرى ايه يا جنه .....ايه الكلام اللى بتقوليه ده
انتى هتفكرى فى  حاجات دنيويه  ولا  ايه
ما شكله يطلع زى ما يطلع ...المهم دينه والتزامه

انا اهم حاجه عندي ...حد يعينى على طاعة الله
وبعد كده الحاجات دى  مش مهم😠

وقعدت على السرير واتنهدت ورفعت ايديها تدعى🤲🏼
ياااارب يكون اخ على خير ويكون ملتزم ويعينى على طاعتك.....انا مش عاوزه دنيا  يارب😔

صوت امها من بره فزعها وهى بتدعى
يا جناااااااااااا......... يا بت تعبت قلبى

جنه : حاضر يا ماما ....انا صحيت خلاص اهووو
وخرجت بسرعه لامها 🏃
*******************
جرس الباب.........فتحت ام جنه

اهلا ام عزت.... تعالى اتفضلى 😊

ام عزت:صباح الخير يا ام صلاح
أنا قولت اعدى عليكى وانا رايحه السوق
اشوفك محتاجه حاجه اجيبهالك معايا😁

هاله:ربنا يباركلك يا ام عزت متحرمش منك
انا جايبه كل حاجتى من امبارح ....شايلاكى لوقت عوزه يا حبيبتى 😊

ام عزت :ربنا يتمم بخير لجنه يارب ...ويطلع عريس ابن حلال.. ونجوز البت دى بقا ونرتاح منها😄

هاله: يارب يا حبيبتى ....وتفرحى بعزت
هو كمان 😁

ام عزت :ما انا ياما قولتلك نفسى اخد جنه لعزت
انتو بقا اللى مش عاوزين ومتكبرين علينا 😏