عاشقة الشيخ

Part12

#عاشقة_الشيخ
بارت 12

بعد مرور   شهر 

بدر الدجى   طبعا ورة الكورس الاول تبدي المهرجانات وحفلات  التخرج  وبيوم حفلة تخرج  قسم  الصيدلة مرحلة  اخيرة  انعزمنة كلنة  على  حنة  التخرج   برأسة الجامعة       فأشتريت ملابس واحذية  وشالات  وجنط  كومة  جنت بس اريد اشغل نفسي واوهم نفسي  انو نسيت وانو  مكو شي الي داعي   وهذي مسيرة الحياة  بشكل او بأخر  جنت اواسي نفسي وانسي نفسي  وحاولت اشغل نفسي بكل الطرق  وطبعا اهلي    مصدكوا بهذا الشي طاروا من الفرحة   لأن بأخر فترة  كلش ادهورت حالتي  الصحية وتمرضت  فجانوا  يفرحون  من  يشوفوني   اضحك واسولف واريد اشتري واريد كل  رغم انو ميعرفون ليش  بس   تضل  كلوبهم   ادلهم   فدوة شكد احب  حنيتهم   نرجع  كعدت الصبح  لبست   فستان   جامعي  لونة  ابيض وماروني وشال  ماروني  وحذاء   ابيض  وجنطة مارونية  وخليت  ميكب شوية اوفر    ولبست  اكس سوارات  وركبت سيارتي ومشيت   جانت الحفلة الساعة  عشرة ونص  فدخلت اول محاظرة وثاني محاظرة  ظربته طبعا  

محمد  بهاي الفترة ضليت كلش قريب من بدر الدجى جنت  دائما  اكعد يمه وندرس سوة  ونسولف ونضحك   جنت دائما  محاوطه  بحجة  دراسة  وهي  طبعا   متجذب  خبر مثل المكينة ليل نهار تقرة   وهاي مهمة وذاك مهم   وهذا شلون وذاك شلون     وخاصة بالامتحانات  موتتني  صار عندي غثيان من الملازم  و   ما اكولكم اول  شهر  جنت  مكمل  بنص المواد لكن   بامتحانات الكورس   نجحت من  الدور الاول   وصراحة  هذا معجزة بالنسبة لشباب الكلية ووبدرجات  عالية  نسبيا  يعني لو ما مكمل  جنت اخذ  جيد   او امتياز  المهم  موضوع  حبي  ابد  مفتحتة بعد ولا حجيت  بي لكن بقيت افعالي  هي الي تعبر    عن مشاعري  نضراتي   تصرفاتي  وهي انسانة كلش  ذكية  يعني تحس علية لكن  اطنش    صراحة  صرنة اصدقاء جدا مقربين  رجعنة مثل قبل واحسن  لأن هي تحولت  الى انسانة جدا  هادئة  وبعد انكساره  اختفة  كل  الغرور  الجان عده  يعني شكد ما  جنت احبه   قبل  صرت احبه  اضعاف   صارت فعلا انثى  شكلا ومضمونا     الحد بيوم من الايام  جانت  حنة  التخرج  بيومه اجت بدر الدجى   اوووف  يكلبي   شصاير بحالك   جانت بدر  بمعنى الكلمة  بعد اشأكولكم  هي  بدري ويلي  العيون والغمازات والابتسامة والهدوء والرقي   اووف  ويلي شكدد تحسرت بذيج الايام  وشكد عذبتني  ولج ما باريج الذمة  ابد  لكن  طلعتهن من عيونه بعدين انتقمت واخذت حقي   بأيدي وراويته  النسوان  شتجيب    نرجع    بيوم   الاحتفال  كعدت  الساعة عشرة الصبح   ضربت المحاظرة الاولى   لأن  استاذه مينطاق   دائما بدر تشرحلي   هاي المادة    وعمري ما  حظرته   وجنت اسمي بالعمادة  اوقع تعهدات بسبب الغيابات   لأن هي مادة اساسية  وفوق ما هو حقنة ومينحمل ميفهم   فكعدت  متريكت  هيأت معدتي    لأن  اكو سفرة وكيك  وحلويات وكلشي   اكيد ما افوتة علمود  بيضة    لبست  بنطرون كابوي   وقميص   سمائي  بلون  عيون  حبيبتي   ومشطت شعري  وكالعادة  كشخت    وطلعت اول ما اوصلت رحت للمهرجان  وجانن عيوني  يترقبن  اميرتي ويبحثن  عنه بكل مكان  سلمت على جماعتي وباركت الهم  وجانوا يسولفون واني بغير عالم  الى  ان  وقعت عيناي  على فرسيتي    محبوبتي