عاشقة الشيخ

Part22

#عاشقة_الشيخ

#البارت 22

بدر الدجى كعدت ثاني يوم وبهذا اليوم جان الثالث مالت حسام الله يرحمه كمت واني الدوخة براسي تريكت وفتت للحمام وبعده بدلت وحظرت نفسي وخابر حبيبي كلي اني اخذج رحت للبيت البي الفاتحة وجانت الاجواء مثل كل مرة بجي وصراخ ولطم اجواء اي فاتحه حاله حال الكل وشفت مرت خالي وحاله جان ابجي الصخر لكن اني بهذا اليوم جنت تعبانة الدرجت اصرخ جنت كاعدة وفقط دموعي على خدي بعدين صار اللطم وشفت عمتي ام محمد (خطيبي ) اجت هي وبنته ومرة غريبة عرفت انو هي مرة عمهم الجبير رحت سلمت عليه وحظنتني وجان حظنه دافي مثل حظن ابنه نزلن دموعي وظليت ابجي بحركة وبوجع وبتعب الى ان حسيت الدنيا افترت براسي ردت اوكع لكن عمتي لزمتني وبعدين كعدني يمهن واجت امي كلبه يرجف عليه ومخروعة وظلت كاعدة يمي

بشرى ام بدر الدجى سودة علية ييمه انتي مريضة واني خالتج بهاي الهوسة ولا بيدي اخليج بالبيت ولا اكدر اعوف اخوية بأزمته واني اخته الجبيرة وهنا معتمدين علية والله حيرة تمرمرتي بينه رايحة راجعة وهم كليتج غايبة عنه

ام محمد يا يدية بنيتي اخذه هناك يمي واداريه وعلى راحتج وهو يوم اتضل يمي وانيمه يمي بالغرفة وامني

بشرى تسلمين ام حمودي والله والنعم منكم ومن محمد واخلاقة بس ما اظن ابوه اوافق والناس تحجي وشوية صعبة السالفة هو بس يوم وارجع اني اخلي مرت اخوه ادير باله عليه

ام محمد لا اني اقنع ابوه وحجي ويا وبنيتي هي وتروح هناك يم سها بعد هنه اخوات صارن وهناك احسن من الهوسة وهي مريضة وتعبانة مو حمل هيج حرام عليكم ومحمد رجله شتريد تحجي الناس

بشرى خلص لعد انتي وابو يزن

ام محمد انشا الله

بدر الدجى طبعا اني جنت متخذة السكوت لأن اذا كولت اي وبابا مقبل حيصير احراج ومشكلة او اكولون تريد تروح البيته

واذا كولت لاء فحخجل عمتي واخليه بموقف محلو فسكوتي افضل حل سلمته بيدهم

وورة ساعة تقريبا خلصت الفاتحة وقررت عمتي تروح وجلبت بيهم ماما للعشة لكن عمتي رفضت وكالت اله طريق واخاف على حمودي وطريق بغداد طويل وصعب وماما كالت اله اي والله حقج وعمتي كلتلي جوجة (دلعي ) لان اسمي جريدة حظري نفسج خاطر نروح باوعت الماما هزت لي راسه بمعنى اي رحت حظرت نفسي وجهزت ملابسي لأن عاساس ابات هناية وطلعت لبرة اول مطلعت شفت بابا ومحمد وأخوية واكفين وسولفون ومحمد جان منتظر امة واهلة ومن شافني انصدم فورا وتفاجأ وبابا هم تفاجأ كلي ها خيرج باباتي

ام محمد والله يبو يزن جايتك بطلب وما اضنك تردني اريد بدر يمي اليوم خطية تعبانة وهنا هوسة وتعبة وبس هاي الليلة الصبح يجيبه محمد وهو ماخذ اله اجازة مرضية وبغلاة محمد عندك مترفض