عاشقة الشيخ

Part15

#عاشقة_الشيخ
#البارت 15

محمد بدررررررر حتصيرين مرتي وأخيرا حتصيرين ابيتي واشوفج بالبدلة البيضة بنص غرفتي وتسمين على اسمي ساعته حكون اكون اسعد شخص بالعالم

بدر الدجى واني احبك أكثر يعمري بس نصي صوتك فضحتنة

محمد شوف شتكولي نصي صوتك اراويج هسا شلون انصي يا نااس يا عالم اني خطبت الأحبه باركولييييييي بصراخ عالي جدا

بدر الدجى ضل محمد يصرخ بالشارع والناس تجي تباركلة وهو طاير من الفرحة واكو شباب سمعت صوتهم يكولولة ادري نباركلك غير بكيكة بجكليته بمطعم الواحة خوب ما يابسة باوع الهم وضحك وطلعوا جماعته و اجتمعت الشلة وهو جان فاتح التلفون ابد مسده واني اسمع شلون يحششون علي وضحكون ويصنفون على نسوانهم وياكلون واسمع حبيبي شلون يضحك وفرحان لا اراديا اضحك وي ضحكته اموت عليه آه ومن يحجي رغم هوستهم وعياطهم كلهم يسكتون ويصنتون اله قبانو الحبيبي شكد هيبة ويجنن

ومرت الايام بكامل سعادة وتحدد موعد العقد اتفقنة نعقد بالأمام علي( عليه السلام ) وصار عقدنه يوم الجمعة الصبح كعدت ولبست قاط لونة اوف وايت جابته ام محمد من بغداد صراحة ذوقه يجنن القاط اصير بنطرون وقميص وفوكا جاكيت علي شغل يجنن كله كرستال وشذر صغار حيل فخم شغلة ذهبي والدكمة صايرة على شكل شذرة بروش تجنن ولبست ويا شيلة بيضة ومكياج خفيف لأن ممنوع وتكرمون حذاءاوف وايت عالي وبيه ذهبي لأن محمد حيل طويل من اوكف يمه اطلع قزمة هو مشا الله طول وعضلات وضخامة وجسم واني جني عصفور اتخيلوا شلونة سوة رحنه بسيارتنة اني وماما وبابا واتفقنه هناك نتلاكة وصلت وشفته لابس قاط يبوووو القاط ياكل ويشرب علي من الجمال اكلته بعيوني اكل طالع يموت اريد نظرة خجل اريد شوية استحي انزل عيوني ماكو يابة اني عروسة لازم استحي شوية تعوذت من الشيطان ماكو ضليت صافنه علية

سحرني حبيبي بوسامته

محمد كعدت الصبح الساعة 6 الصبح طاير من الفرح اليوم عقدي اليوم حتزوج وتتغير حياتي اليوم حأخذ الاحبه وتسمه على اسمي شعور اجنن كمت توضيت وصليت وفتت للحمام طلعت مشطت شعري الاسود ورفعته ليفوك ولبست قميص اسود وقاط اسود يتكون من جاكيت وبنطرون اعرف حتكولون عريس يلبس اسود صراحة اللون الاسود اكثر لون احبة وارتاحلة وحيل الوك علية لأن اني ابيض وشعري اسود فكلش يطلع حلو علي ويبين عضلاتي لبسته ولبست بروش على شكل شذر بأطراف قميصي وفتحت اول دكمتين وخليت من عطر المناسبات حتكولون شنو عطر المناسبات حسولفلكم قصته بما انو فرحان اليوم هذا عطر اشتريته من سافرت الدبي كلش حلو وراقي وغاالي فصراحتا استخدمه فقط بالمناسبات او من اكون معزوم على مكان راقي او من اشوف بنات مغرورات وشايلات خشمهن او من اسافر للخارج وهو حيل قوي فأني اخلي منه شي قليل اعتقد اسموا عطر ملكي ما اعرف شنو حته اسمه ما اعرفهالمهم ولبست ويا حذاء (تكرمون )اسود جلد وساعة فضي ومحبسي وخابرت على اهلي خاطر احضرون ارواحتهم لأن باتو ابيت ابن خالي واني جنت بايت بالقسم وحدي الشباب كله نازلة لأهله ورجت عليهم اول ما وصلت شافتني امي وضلت تهلهل وتبجي وشبكتني