عاشقة الشيخ

Part19

#عاشقة_الشيخ
البارت  19 

بدر الدجى نزلت ووي نزلتي دخلواتابوته جان الجفن لافة  ووجهة محروك وممبين منه شي   وراسة مجرح  حيل

ما افوتك ولكن عمري راح ايفوت

تدري بهالگلب من غير ولفه ايموت

ليش استعجلت بعده الصبح ما جاي

شبي حضني وتبدلة بلفة التابوت

اثاري الروح تسمع صوتك الماكو

اثاري اليعشگ ايسولف ولو بسكوت

ليل وروحي صحرة استاحشك كل ساع

تدري الصحرة سنطة وتنتهي بصوت

اريدك سيف وكت العالو ايهدون

اريدك صوت للماله تچى ومكبوت

يكونك ترجع اشعلك چفوفي شموع

اعرف حظي مو ذاك الصدگ مبخوت

..

وسام العياش

عظامي كامن اطكن حيل وجسمي اخض بشكل لا ارادي جان الموقف حيل صعب تشوف  حبيبك وهو ميت  حسيت  روحي فرفحت وقت شفته متت بدمي كمت اصيح  واملخ بنفسي    بالكوة كمشني بابا وعمتي والكل فزع على صياحي    ونزلوا التابوت والتمن علي   مرت خالي وخواته وملخن ارواتحهن وبدن اعيطن وعمتي تكولة يمة   وليدي ولكك عريس ييمة ياخذك الكبر مني ليتني متت ولا شفتك هيج  وليدي  يبعد امك يل مهندس يبو عيون الخضر  يل كمر  يل ترف يل نازك  ياكل وجهك التراب ولك وليدي الكبر مو الك   ميلوكلك النوم يل غالي   باع الامك وخواتك مينكسر خاطرك علينه منو عدنة غيرك  ولك يمة   يبو طول الحلو يبو لسان  الزين  اطمك التراب  يبو خد الناعم     يوسدوك  التراب  وانت عريس اشتريتلك الفرشة البيضة  ونصبت غرفتك  تالي تكسر بية وتروح ما هنت عليك وانت وحيدي  باع على حبيبتك شلون تبجي ما كسرت خاطرك عفته ومشيت  هم هانت عليك كسرته  وهي وردة  ولك حسام جاي احجي وياك رد  رد مو عيب عليم اني امك احجي وياك  متجاوبني  جان حال عمتي يبجي الكافر  وكامت تملخ روحة وهمه اخذوا واني من الخرعة والالم الي بداخلي حته صوتي بعع  ومن جبني ركضت للغرفة وقفلت الباب وخليت  راسي بين رجلي وبقيت اشهك بصمت واسمع اصواتهم وهمة ينعوا واسمع  ابو شلون  يلطم ويصيح مثل النسوان وصيح وحيدي الغالي هوووووووف متت بدمي الى ان كالوا حنشيلة هنا اني ركضت وهستوني استوعبت انو خلص بعد ما شوفة  واني الي مشتاقتلة حيل  ركضت   وشمرت نفسي على كبرة وضليت اصرخ وابجي  بعلوا صوتي   وجنت اسمع الناس يكولون صديقه وهو وياه جانوا حيل مقربين مهتميت الكل كلامهم   وحجيهم  ظليت اتأمل شكلة واودعة الأخر مرة لكن هيهات ان سمحت لي دموعي  بصعوبة حاولت اشوفه لأن دموعي صارن مثل الشلال انزلن عشرة عشرة   وكل ما امسحن ترجع عيني تنترس دموع وغوشن الرؤية علية  متت  واني اعيش صراع الوداع الاخير 

ودعتك وودعت الهوا وياك

ودعتك وما ردت اودعنك 

باوعتك وكتلك الله وياك

سامحتك  وروحي وياك

سامحتك  وربي  وياك 

اخذو تابوتة وعلى الصريخ والفجع الاكبر وبدة اللطم والزلم راحوا للمقبرة ادفنون ورة ساعتين  تقريبا  من البجي والصريخ زاني اعتزلت الغرفة وبقيت ابجي بيه الوحدي ومشفت من العالم اي شي  اخر شي  سمعت صوت   مريم اخت حسام تحجي وي خطيبتة وتبجي وتكول اله كله من وراي اخوي مات اني السبب بخسارة اخوي  اله اكوللهم وخليهم يموتوني اني  الموتت اخوي اني اللازم اندفن مو هو  ؟؟؟؟؟؟؟؟؟؟؟؟