روايه : لعبه الحب...14
للكاتبه : : " الصفراء 🙊💛"
حمزه مسكها من يدها بقوه : تي من جدك زلطيني قدامهم تقولش شكشاكه قدامي وقدام بوي وقدام خوي
حور : وشن فيهاا ؟ شن مشكلتك انت فهمني بس
حمزه : حور كلمه شكشاكه معناها راجل مخنث يعني زي البنتت هكي كأنك قلتي عليا انا وباتي وخوي هكي اسمه دحي شكشوكه يا خراا
حور انصدمت : حي عليااا عطني قطعه في لساني عليك غباء 🤦♀️
حمزه : ركزي ع كلامك في الجديد
حور : انشالله
حمزه قرب منها ونحالها الوشاح
حور : بعد حمزه بننزل لوطه
حمزه مردش عليهاا وقرب باسها ع رقبتهاا
حور بعداته : وووه عليا حمزه درتلي علامه اخره اففف
حمزه : عادي مفيها شي نحنا متزوجين في النهايه 😂😂😂
حور نزلت لوطهه وهيا تفكر وتسأل في روحها ليش موقفتش ؟؟ معقوله بديت نحبه 😳..لالا مستحيل هوه انسان مش كويس ...صاح مش كويس بس لنقانه طرفف وسمحح 💛🤤🤤
ساره : وين عديتي
حور : حصلت هزيبه فوق ونزلت 😂
ساره : عشان شكشاكه 😂
حور : اها مكنتش عارفه معناهاا وحقربيي
وخشت خالتهم وفاطمه وسلمن وقعمزن
فاطمه قعمزت جنب حور : شخبارك يا حور ( كانت تتصنع وترقق في صوتها؟😂 )
حور : الحمدلله
فاطمه : كيف دايره مع حمزه وهوه قلبه مع غيرك
حور انصدمت : ك ك كيف؟؟
فاطمه : قصدك مش عارفه اسفه اسفه مكنتش نعرف انهم مقلولكش
ساره جت : فاطمه معش تفتحي الموضوع هضاا
حور : ساره شن يلي انا منعرفش ؟
ساره : م مم مفيش شي
حور سحبتها من يدها وشالتها لغرفت ساره
فاطمه : ضحكت وحست بالنصر
حور : ساره احكيلي نبي نعرف كل شي ؟
ساره :بس ماقوليش لحمزه اني حكيتك😓
حور : هيا احكي شغلتيني
ساره : حور حمزه قبل ما يقعد السيد حمزه يلي الناس كله تعرفه وتخاف منه وله هيبه كان انسان عادي جداا وكان مرتبط هوه وفاطمه
حور : ك ك كيف ؟😳
ساره : زي ما سمعتي وكان يحبها موتت بس هيا لقت واحد غني وارتبطت بيه وحمزه انكسرر وتعذب سنينن وكانن مدمر وتما قاسي وقلبه حجر لحد ما قرر ينتقم منها ويدير فلوس وخش ع شغل الحرام اهوه ولما حمزه تما مشهور وفلوس والكل يخاف منه وله هيبه تمت فاطمه تبي تردله توه
حور كانت تحت تأثير الصدمه : ي ي ييعني ؟...مكملتش كلامها وطول رقت لحمزه
ساره : حور يا حور استني ..عطني قطعه في لساني😥
طق طق طق
حمزه فتح الباب حور دفاته من كتفه وخشت تبكي وخشت دار النوم وصكرت ع روحها
حور : كانت حاسه ان حمزه اجوزها بس عشان ينسي فاطمه ومش عشان يحبها حست انها مجرد بنت رخيصه مجرد وسيله عشان حمزه يقهر حبيبته وان عمره ما حبها هوه يحب بس فاطمه وزي ما يقولو الحب الاول مستحيل ينتسى وبدت تبكي وتبكي وقلبها مكسور ولاول مره حست انها وحيده ومفيش حد جنبها ومعندهش حد يوقف معاها ويحميها وحست ان بجدياتت ملهش سندد
حمزه يدق ع الباب : حور حبيبتي شن في ليش تبكي خوفتيني ردي
حور صوت بكاها بدا يعلى : ابعد عني خطاني منبش نحكي معاكك ابداا
حمزه : في حد ضايقك قوليلي بس تي وربي نمسحه من الكره الارضيه تي وربي دموعك زي النار ع قلبيي
حور فتحت وبدت تضرب فيه : بطل كذب بطل خلاص انا عرفت كل شي راهو
حمزه مسكها من ايديدها : شن عرفتي حور متشغليليش بالي احكي
حور تبكي بعبرتها : عرفت انك عمرك ما حبيتني انت تحبها مازلت صاح ولا لا ؟
حمزه : من هيا؟؟ شن تقولي انتي
حور بعياط : فاطمهه فاطمه مازلت تحبها ولا لا انا مجرد وسيله تقهرها بيها ليش ليش خليتني نحبكك ونتعلق فيكك لدرجه اني معش نقدر بلاك وبعدين طلعت انت تحب وحده تانيه تصدقق هادي اول مرهه نحس ان معنديش سند اول مره نحس اني وحيده ومنبوذه من الدنيا مفيش حد يحبني ولا حد يعزني الكل يلعب ويتسلى بياا نكرهك انا نكرهكك حمزه 💔 ...وطلعت للمطبخ وبدت تكسر في الماعين وتبكي
حمزه فهم عليها وحضنها وحور 💔حاولت تقاومه بس كانت ضعيفه ومش قادره حضناته وبدت تبكي في حضنه :
حمزه : حور كل يلي قلتيه صاح بس انا لما خانتني كرهتها ولما شفتك وقابلتك ردتلي الروح وبديت نحس تجاهكك بحاجات حلوه حور انا نحبك لا مش نحبك انا نموت فيكي نعشقك انتي روحي بلاكي مستحيل نعيش ليش متبيش تفهمي عليا حور ازحح تعبت من كل شي انتي يلي غيرتيلي حياتي كلها نحبكك حور نحبكك
حور هدت وزادت حضناته 💛.
حمزه : حور انتي تاعبه خلاص بدلي لبسك ومعش تنزلي لوطه
حور : تمام
حور غيرت لبسها ولبست قفطان طوله حاير لونه اصفر وحطت شويه ميكب وبخت بارفان 💛
حمزه : حبيبتي تعالي شويه بنقولك حاجه
حور : جت قعمزت قدامه
حمزه : كلمني سعد وقالي نمشو لاستراحه نحنا وهله نقعدو يومين شن رايك انتي لو متبيش تمشي وتاعبه مش مشكله
حور : لا حمزه خليني نمشي اصلاا بنغير جوو
حمزه : تمام
حور : بندير فوشار تبي ؟؟
حمزه : اكيد
حور دارت فوشار وشويه مكسرات وشكلاطات وحطت ع فيلم ورقدت في حضن حمزه ويتفرجو وياكلو
حمزه : حورر
حور : هممم
حمزه : انتي هكي تقبلتيني كزوج او لا ؟؟
حور قامت : حمزه انا صاحح قربت منك الفتره هادي بس الشي هضا لاني بجديات تاعبه بس ميعنيش اني خلاص نخليك تقرب مني
حمزه : بس عليش فهميني ازح؟؟؟
حور : حمزه انا مازلت ما تأكدت من مشاعري تجاهك يعني نبيش نخليك تقرب مني ونعيشو زي اي جوزين الا بعد ما نكون حبيتكك بجدياتت
حمزه : وامتا تحبيني؟؟
حور : بعد تبطل شغل الحرامم وتبطل تجاره الحاجات الغلط وتتعامل مع اهلك واقاربك كويس وتبطل تكون كل الوقت مكشر ومغصب
حمزه : ولو درت هكي تحبيني ؟؟
حور : اكيدد
حمزه : اعتبريهن صارن
وفاتت اليوم عادي ثاني يوم :
حمزه : حور هيا حورر اوعي سادك نوم
حور : باهي اهو وعيت ازحح
حمزه : شنو شنو شنو؟
حور : اهو وعيت قتلك
حمزه : لا الكلمه يلي بعدها
حور : قصدكك ازح؟؟
حمزه : حور وديني نسمعك قايلتيها مره تانيه نقطعلك اسانكك فهمتي
حور : اوككي اصلاا انت يلي علمتها لياا 💁♀️
حمزه : باه هيا نروحو لفيلتناا
حور : تمام شويه نلم لبسي
يتبعع.. " تفاعلو ... وبيقق لوفف💛🙊"
أنت تقرأ
لعبه الحب
General Fictionروايه ليبيه شرقاويه للكاتبه " الصفراء " تحكي عن شاب كل شغله حرام وهله مالكين نص البلاد حب بنت عمه بس هيا رافضته ومن هنا تبدا القصه فيها تشويق وشويه غموض وطبعا متخليش من الرومنسيه 💛ومتأكده حتحبوهاا 🙊💛.
