روايه : لعبه الحب ...16 الحلقه ما قبل الاخيره 💛.
للكاتبه : " الصفراء 🙊💛"
حمزه بصراخ : باتي يا باتي
محمد : كنك تعيط اهو قدامكك
حمزه : كيف قدرت ادير هكي بدون علميي ؟؟
محمد خاف : ش ش ششن درت ؟
حمزه : ضحك بهزوه : تقتل القتيل وتمشي في جنازته
فايزه : شن يا وليدي احترم بوك
حمزه : يا امي الاحترام للمحترم
محمد : تت تتكلم بلا الغاز
حمزه : تحسابني راقد ع وذاني انت انت يلي قتلت عمي خالد عشان تكون انت الكبير بداله وتكون كل الاملاك والاراضي لان حالتك الماديه الفتره الاخيره ادهورت لكي بروحك صح ولا لا ؟؟
محمد : مهو حتا انت معا.....
قاطعاته حور من الصدمه طاحت بركبها : ش ش شنو ا انت يا عمي انت قتلت بابا 😨😳كيف كيف ادير هكي وتحرمني من الحنان تحرمني من الامان كيف ادير هكي ح ح حقييير ليش انا مش من حقي نفرح بعيلتي زي اي انسانه مكفاكمش اني عايشه بلا ام وزدتو خذيتو بابا مني
انس جاء مصدوم ويلتقط في انفاسه : س س سعدوني
حمزه : كنكك ؟؟
انس : ع عبود خبطاته سياره 😥
الكل : 😳😳
حور حست الدنيا تبرم بيها وسرخت صرخه قويه وبعدها معش حست شي واغمى عليها وجت ساره سندتها وكانت ساره بروحها محتاجه حد يسندها
حمزه : حور حور ورفعها للمستشفي يلي فيها عبود
وصلو وعبود للاسف مات 💔😔.وبدو ايام العزاء وحور في المستشفي وحمزه معاها وباقي العيله قايمين بالعزاء
حمزه في الانتضار وطلع الدكتور : ها دكتور طمني ؟
الدكتور : الانسه تعبت نفسيا وصالها ضغوطات نفسيه من الصدمات المتتاليه فابتالي ادت الى انهيار عصبي ففقدت الوعي هيا توه بخير بس..
حمزه : بس شنو ؟
الدكتور : الجنين نزل
حمزه : مدارش اي رده فعل
الدكتور : المريضه جوه لو تبي تشوفها بس مازالت ما فتحت عيونها
حمزه : ت تمام
خش حمزه ولقاها مازالت ما فتحت عيونها
حور كانت مغمى عليها بس فجأه رجعلها وعيها وتحاول تفتح عيونها بس لما سمعت حمزه رفضت تفتحهم عشان تسمع الكلام:
حمزه : شن مازال تبي وانت ضحكت عليا ؟
محمد : اسمع احترمني انا بوك وبعدين انا مش بروحي انت خططت معايا لكل شي ( نرد بيكم تذكرو لما محمد قال لحمزه مهو حتا انت معاي بس قاطعاته حور )
حمزه : اي معاك بس مكانش اتفاقنا هكي كان اتفاقنا بعد مات عمي نجوز حور ونضغط عليها بخوها عبدو ونوهمها اني نحبها عشان توثق فيا وناخذ كل الورث منها وتاخذ انت مكان السلطه بدل من عمي وبعدين نقتل خوها عشان ميورثش باقي الاملاك ليش رخيت بيا توه ؟؟
( متستغربوش اها حمزه كان يكدب ع حور عمره ما حبها وكان اهتمامه بيها كدب وحبه ليها كدب وحتا خوفه عليها كدب وكل شي عشان السلطه والفلوس )
حور من الصدمه خلاص معش عرفت شن ادير تصرح ولا تبكي ولا تكتم وبدون وعي حور عيطت عيطه طلعت فيها كل غلها وتعبها لدرجه كل المصحه يحسابو صاير شي
حمزه : حور كنك ليش تعيطي ؟
حور : بره يا حقير يا خامر يا فاشل ليش هكي ليش لاني بنت يتيمه ومعنديش حد يدافع عليا ادير فيا هكي حرام عليك وربي حرامم وهمتني انك تحبني لدرجه سلمتك نفسي بلا وعي متوقعكش تطلع عيل وترخي بيا انا يلي غلطانه وثقت فيك ومكفاكش بس خيانتك ليا وقتلت بابا وعبود انت شنو ؟ قول ؟؟ مستحيل تكون انسان قلبك حجر حسبي الله ونعم الوكيل حسبي الله عليك ربي ينتقم منك وياخذ حقي منك انشالله ما تشوف الزهاء والفرح طول عمرك زي ما درتلي انشالله ربي يعشمك كيف ما عشمتني
أنت تقرأ
لعبه الحب
General Fictionروايه ليبيه شرقاويه للكاتبه " الصفراء " تحكي عن شاب كل شغله حرام وهله مالكين نص البلاد حب بنت عمه بس هيا رافضته ومن هنا تبدا القصه فيها تشويق وشويه غموض وطبعا متخليش من الرومنسيه 💛ومتأكده حتحبوهاا 🙊💛.
