🍁استعادة~ Recover🍁 ✏غيثة الشابلي -الجزء اثنى عشر- "Monsters and ghosts are real creatures that live within us, Sometimes they win against us" تاتحس بروحها مزال عايشة،مغمضة عينيها بهدوء و هي تاتحاول تستشعر بمسامعها شنو وقع معاها بالضبط،و كأن كل ما حصل مر في رمشة عين،و لكن تايبقى السؤال فين هي دابا بالضبط،طلعات نفس ببطئ و بدات تاتحل عينيها شوية بالشوية. أول حاجة لاحظاتها أنها كانت واقفة في مكان مضاء بضوء الشمس الداخل من النوافذ بشكل جميل و لي تايريح القلب بواحد الشكل غريب،صغرات عينيها قليلا و هي تاتحاول تزيد تستكشف مكان تواجدها،كانت غرفة لأول مرة تشوفها و لكن"قاطع تفكيرها شيء ملاحظاتوش.. وصل لمسامعها صوت هادئ و لكن مواضحش، حولات أنظارها بسرعة لمكانوا فإذا بها تاتفاجئ بشكل كبير من داكشي لي تاتشوف..كان بيبي صغير تقريبا بعمر الخمس الشهور ناعس في سريرو الخاص ،حال عويناتو الخضرين أو واضع أصبعو في فمو تايرضع فيه و مرة مرة تايغنغن...بدات تاتقرب لعندو بتردد واضح،خفق قلبها بشكل رهيب أو وسعات عينيها بصدمة كبيرة" إيزابيل:(نطقات بصوت راجف و هي مركزة في وجه البيبي)دا ميان !! ↩هانتي عرفتي دابا واش تايشبه ليا و لا لا. إيزابيل:(التافتات لورائها بسرعة،و زاد كملات الصدمة على ما بيها و هي تاتشوفوا أمامها،واضع يديه في جيابو ،تاينظر ليها بدورو و هو راسم ابتسامة واسعة على ثغرو) داميان:(تقدم حتى وقف جنب سرير البيبي، تايشوف و لكن بابتسامة حنينة و أبوية)داميان جونيور"داميان الإبن" إيزابيل:(مزال جامدة في بلاصتها،تاتنظر ليه و هي مقادرة تستوعب شنو واقع ليها بالضبط،حركات شفايفها باغا تتكلم و لكن الصدمة غلبات ليها حتى على صوتها) داميان:(و هو مزال تايشوف في ولدو و أكيد هاذ الأخير متايشوفوش)ماتصدمتيش هاذ الصدمة كاملة حتى في النهار لي عرفتي فيه بلا عندي ولد. إيزابيل:(هزات يدها دوزاتها على شعرها بعصبية، نطقات بصوت منخفض راجف)فيين أنا !! داميان:(طلع راسو شاف فيها،و نطق ببرود)امم ياك كنتي متمنية تشوفي ولدي،إوا ها هو قدامك دابا. #يتبع
أنت تقرأ
Recover ( كاملة (بالدارجة المغربية
Short Storyقصة قصيرة غالب عليها الخيال بطابع غربي" تحت عنوان:Recover. 〰️. استعادة " بقلمي أنا غيثة الشابلي 🍁ذاع صيت للأسطورة قديمة تدعى الجانب الآخر الأسود، و هي تقول من لا يريد العبور نهائيا من هذا العالم، يجب أن لا ترى روحه قلبه.🍁
