🍁استعادة~ Recover🍁 ✏غيثة الشابلي -الجزء الخامس عشر- إيزابيل:(زادت قربات وجهها منو ،حتى مابقا تايفصل ما بين شفايفهوم غير سانتيمات..ابتاسمات ببرود و تكلمات بهمس)مغاتقدرش تقنعني الحب ديالي،محيت ببساطة أنا عايقة بيك،دازت علي في المرة اللولة ،و لكن المرة الثانية فأكيد لاء. داميان:(مرر يدو من خذها حتى شدها من شعرها بقوة مميل راسها للور شوية،تكلم بهدوء جنب ثغرها)بغيت نفهمك ايزابيل. إيزابيل:(وسعات ضحكتها و تكلمات بنفس نبرتها)خمس السنين ديال الزواج و ما قدرتيش تفهمني،هذا هو الحب عندك اممم. داميان:شنو تاتفسري إذن السباب لي خلا روحي تجرك لعندي هنا و ما عبرتيش للجانب الأخير مرة وحدة. إيزابيل:(على نفس حالها،تكلمات كنوع من السخرية)مابغيتش نفسر طفرة بليدة،و لي بيدك نتا قصدتي في أنو توقع. داميان:(ساط بنفاذ صبر بنفس سخون على وجهها،حتى غمضات عينيها مبتاسمة و منتعشة و كأنها خذات جرعة من مخذر) إيزابيل:(رجعات فتحات عينيها)عرفتي هاذ التعبير المرسوم على وجهك دابا،شحال تايعجبني نشوفو عليك(تنهدات بنصر كاف) داميان:(طلق منها و هو مبعد منها،وقف و هو مزال تايشوف فيها،و شوية بشوية بدات تاترسم لو ابتسامة غريبة على ثغرو)متاتعلميش من أخطائك أ إيزابيل،ضعيفة و متسرعة بزاف. إيزابيل:(وقفات بدورها مقابلة معاه،و نطقات ببرود)تاتحاول تبرد على راسك أ داميان(بتسائل قالتها) داميان:بالعكس احبيبة(وضع يديه في جيابو و ضحك خفيف)كيفاش حتى ما فكرتش فيها من اللول(نطق بنوع من السخط)الحظ وقف معاك حتى هاذ المرة. إيزابيل:(ترددات قبل ما تتكلم و شبه الغرابة مرسومة على وجهها )شنو لي توصلتي ليه بالتمثيلية لي درتي عاد دابا. داميان:(عوج شفايفو)ذكية و ذكية بزاف،ما عندي ما يتسالك،إذن حرقتيه بصح!! إيزابيل:(عينيها بداو تايضورو بحال الحرباء،و في نفس الوقت بدات تاتبتاسم شوية بشوية حتى تحولات ذيك الابتسامة لضحكة عالية تاتجمع كافة أنواع الخبث و الشر)ما خذيتيش وقت طويل باش تعرفها مع أنني قلتها أمامك بنفسي. #يتبع
أنت تقرأ
Recover ( كاملة (بالدارجة المغربية
Short Storyقصة قصيرة غالب عليها الخيال بطابع غربي" تحت عنوان:Recover. 〰️. استعادة " بقلمي أنا غيثة الشابلي 🍁ذاع صيت للأسطورة قديمة تدعى الجانب الآخر الأسود، و هي تقول من لا يريد العبور نهائيا من هذا العالم، يجب أن لا ترى روحه قلبه.🍁
