🍁استعادة~ Recover🍁 ✏غيثة الشابلي -الجزء العاشر- إيزابيل:(بدات تاتقرب لعندو و هي مبتاسمة بانتصار)نو ماي لاف، أنا مستاعدة باش نعيش ذاك الإحساس غير باش تاخذ نتا العقاب ديالك. داميان:خذيت العقاب ديالي محيت قتلتيني. إيزابيل:(ضحكات)في المحكمة تيقو دغيا بلا راني حرقتوا،خلاص ماماك ما كرهاتش تقتلني بنفسها. داميان:(بتعبير دال على أنه مامصدقش)واش دغيا نسيتي كل ما عشنا بسباب غلط واحد. إيزابيل:(بسرعة تغيرو تعابير ملاميحها و هي تاترمقوا بنظرات قاتلة على هاذ كلامو الأخير)تاتسميه غلط ،و هو لو كان رجع بيك الزمان اللور ،كنتي غاتديرو أو بلا ما تتردد حتى. داميان:(رفع من نبرة صوتو)بل ترددت. إيزابيل:(بحدة و نفي قاطع)سكت أنا مامصدقاكش بتاثا(رفعات صبعها تاتشير لقلبو)نتا بصح بغتيني و لكن ماشي بالدرجة ديالي. داميان:(بصمت) إيزابيل:و سكاتك تايزيد يأكد على صحة كلامي. داميان:(بصوت مرتفع)كنت باغي ولد و نتي ما كنتيش غاتقدري تعطيه ليا. إيزابيل:(بدورها تكلمات بصوت عالي و بسرعة)أناا ماا بغيت حد يشاااركني فيك أو حتى لو كااان ولدي من دمي و لحمي. داميان:(رجع سكت أو هو تايحاول يستوعب كلامها...صغر عينيه)وضحي كلامك. إيزابيل:(باستهزاء)كلامي واضح،أنا أراجلي العزيز لي مبغيتش نعطيك ولد. داميان:(بصدمة كبيرة من لي سمعوا)وااش ،وااش نتي حمقة. إيزابيل:(بنوع من اللامبالات)سميني كيف مابغيتي،أنا دايرة هكا. داميان:(ترخى جالس في الأرض و الصدمة مزالة غالبة عليه) إيزابيل:(بتفاجئ مصطنع)ما تقوليش تصدمتي!! داميان :(تكلم و هو تايشوف في الأرض)نتي لي غيرتي المحتوى ديال قصتنا،ماشي أنا. إيزابيل:(بملامح عادية)و نتا عارف مزيان بلا تايعجبني التغيير. #يتبع
أنت تقرأ
Recover ( كاملة (بالدارجة المغربية
القصة القصيرةقصة قصيرة غالب عليها الخيال بطابع غربي" تحت عنوان:Recover. 〰️. استعادة " بقلمي أنا غيثة الشابلي 🍁ذاع صيت للأسطورة قديمة تدعى الجانب الآخر الأسود، و هي تقول من لا يريد العبور نهائيا من هذا العالم، يجب أن لا ترى روحه قلبه.🍁
