نوفيلا (شد وجذب)[مكتمله]

chapter 7

شد وجذب

7

👑 الحمد لله .. سبحان الله .. الله اكبر .. لا إله إلا الله👑

في المساء

كانت تقف في الشرفه وهي تنظر الي السماء

  لتدخل امها  : جود

جود : نعم يا ماما

سميه : تعالي اقعدي عايزه اتكلم معاكي

جلست جود : اتفضلي

سميه : احمد ابن خالتك عايز يتجوزك  وانهارده سناء. وهي بتتكلم  معايا طلبت ايدك

جود : انتي عارفه رائي مش هتجوز لا احمد ولا غيره

سميه : يا بنتي انتي هتفضلي طول عمرك كده ، انا نفسي اطمن عليكي ، وانتي شوفتي بنفسك ان احمد طيب وبيتعامل معاكي ازاي غير خالص شوكت وله ابوكي

جود: مش عايزه اتجوز يا ماما ، انا حره 
تنهدت سميه بحزن :  وهتفضلي كده،  مش نفسك يكون ليكي طفل او طفله يكونو جنبك اما تكبري

  جود :  عادي ممكن اتكفل طفل. واخده اربيه . في ستات مش بتكون ام وبتتبني

سميه : يا بنتي. ده شئ وده شئ ،  ربنا مش كتابلهم لكن انتي ممكن بايدك تكوني ام ورافضه

جود : مش هتجوز برضو

تنهدت سميه :  لو ضيعتي احمد من ايدك ، هتخسري 

جود : عادي..

سميه : طيب فكري. حتي شوكت يعرف ان ليكي راجل وميقدرش يقرب منك

جود  نظرت لها بقلق   : هو اصلا مش هيعرف طريقنا هنا

سميه : افرضي عرف  وجالك تاني

جود : لا مش هيجي ، انتي بتخوفيني

نظرت الي ابنتها لتجد ملامحها تحولت لخوف

لتضمها بحنان.  : يا بنتي ريحي قلبي ، انا خايفه عليكي واحمد بيحبك وهيحميكي

جود بدموع : يا ماما انا مش هقدر اتجوز ، مش متخيله ان حد ممكن يلمسني ، شوكت كرهني في الرجاله ، انا عندي عقده

بكت سميه علي خوف ابنتها وهي ترتجف بخوف وتتذكر شوكت وما كان يفعله بها

كيف كان يضربها ويطفئ السجائر في جسدها ويهينها ويسبها بابشع الشتائم

. ظلت تقرأ علي راس ابنتها القرآن حتي نامت من البكاء

  لتتركها وتخرج

      وجدت  امها امها

امنه : مالك يا سميه

سميه بدموع : بنتي يا امي  بتتعذب وانا السبب