شد وجذب
5
👑سبحان الله وبحمده.. سبحان الله العظيم👑
وبعد ان علمت سميه ان جبار هو ابن اختها كانت تساله عن احوال اختها وابيها وامها ، فهما ما زالو علي قيد الحياه
جود : ماما جهزي نفسك عشان نمشي من هنا
جبار : هتمشي فين
جود : اي مكان ، مش هقعد هنا
جبار: الهروب مش حل ، محدش هيقرب منك انا معاكي
جود : مش عايزه حد
جبار :و انا مش حد ، انا ابن خالتك وكمان هكون جوزك
ابتسمت سميه لتنظر جود اليه بصدمه : نعممم ومين قالك اصلا اني هتجوزك.
جبار : انا قولت
جود : مستحيل ، انا مش هتجوز ،، سامع مستحيل
جبار لم يهتم لكلامها ونظر الي سميه : تفتكري نعمل الفرح هنا وله في البلد ، اصل امي نفسها تشوفك اوي. واكيد هتفرح فرحتين مره برجوعك ومره تانيه اني هتجوز
جود : انت مش سامع بقولك مش هتجوز .. انا رافضه
جبار : مش مهم انا موافق
جود : امشي اطلع بره ، ومش عايزه اشوف وشك تاني
جبار: كده عيب يا ماما ، انتي بتكلمي جوزك
جود: جوزي في عينك ،
جبار : ههههه، دمك خفيف
صرخت في وجهه : باااارد
ليصرخ هو الاخر : بااااارده
سميه تضحك في المنتصف. ..: هقوم اشوف الغذاء
*********
خرجت وتركتهم الاثنان معا
جود: اطلع بره
جبار : مش هطلع
جود : انا ممكن اطلعك غصب عنك بعرف ادافع عن نفسي
جبار ببرود : كويس
جود نفخت
جبار: اسمعيني ... مفيش حل غير اننا نتجوز ، هو ده اللي هيبعده عن طريقك ، لازم يعرف انك كملتي حياتك بعديه وفي راجل في حياتك يقف في وشه ، انهارده كان زي الكلب اضرب ومشي. ..
جود: انا هاخد ماما وهمشي اي مكان تاني
جبار: لو عرف طريقك تاني ، هتفضلي طول عمرك كده ، لازم تحلي الموضوع لازم توجهي خوفك
لا رد منها
جبار: في شركتك هنا وكمان في بيتك ، هتسيبي كل ده
![نوفيلا (شد وجذب)[مكتمله]](https://img.wattpad.com/cover/242084868-64-k868544.jpg)