نوفيلا (شد وجذب)[مكتمله]

chApter 3

شد وجذب

3

👑اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ👑

قضت وقت العمليه في قلق علي امها فهي لا تتخيل ان يصيبها مكروه وتمنت لو كانت هي مكانها

   بعد وقت خرجت امها من غرفه العمليات لتتنفس جود براحه

  نظرت لها وهي نائمه من اثار البنج علي السرير  ويدخلونها الي الغرف
لتدخل خلفها : هي مفقتش ليه

الممرضه : فاقت ونامت تاني ، بس الاحسن ليها تنام

خرجت الممرضه بعد ان علقت المحلول  لسميه

  جلست جود وهي تمسك يد امها وتقبلها وتبكي

  ****

بعد ساعه دخل جبار ليجد جود تبكي ..

جبار : بتعيطي ليه ،هي كويسه
حركت راسها بنعم

  ابتسم لها واقترب من السرير : ماما ، ماما

فتحت عينها سميه ونظرت له بتوهان

جبار : حمد لله ع السلامه
سميه بتعب: الله يسلمك

جود شدت علي يد امها : ماما انتي كويسه
سميه : الحمد لله.

قبلت يدها . .. جبار : ان شاء الله انهارده هتقضيه هنا. وبكره هترجعي البيت

سميه : ان شاء الله ، شكرا يا دكتور
جبار : علي ايه ، انتي امي مفيش بينا شكر

ابتسمت  له بحنان.  ونظر الي جود التي تبكي .. كانت رقيقه للغايه 

  انتبه لنفسه وخرج   من الغرفه .. اما هي فكانت حزينه وخائفه علي امها ..  وسميه من المخدر نامت مره اخري

.**★**

  مضي الوقت وجود تجلس بجانب امها

ليدخل مره اخري جبار الغرفه

جبار :  اخبارك ايه يا امي
سميه بتعب  : الحمد لله يا بني

جود  اسرعت لتتكلم بخوف : ركبتها بتوجعها والممرضه ركبتلها المحلول.  بس لسه كانت بتتالم

ابتسم ع طريقتها في الكلام كانت تبدو كطفله صغيره تشكو الم امها .

:    المسكن هيعمل مفعول ، الالم هيقل بالتدريج

سميه : ينفع ارجع البيت انهارده ، انا مش بحب اقعد في  المستشفيات

جبار :  هنا الممرضات هيراعوكي وانا كمان كل وقت هجيلك واطمن عليكي