شد وجذب
2
👑سبحان الله وبحمده .. سبحان الله العظيم 👑
بعد اسبوع
كانت سميه قد قامت بعمل النحاليل والاشعات
واتصلت به سميه
سميه : السلام عليكم
جبار: عليكم السلام .مين حضرتك.
سميه : انا سميه .. انت قبلتني في مطعم ال"""
ابتسم جبار: ازيك يا امي عامله ايه
سميه ، : الحمد لله يا بني ..
جبار: دايما في حمد . عملتي التحليل والاشاعه
سميه: عملتهم وهما معايا
جبار : انا منتظرك.انهارده بس الوقت هيكون متاخر شويه يعني علي الساعه ١١ كده
سميه: كتر خيرك يا بني . ربنا يجعله في ميزان حسناتك.
ويخليلك ولادك
جبار: اللهم امين يارب . بس القي بنت الحلال الاول
ضحكت سميه ' : ربنا يرزقك باللي تتمناه ..
جبار: اللهم امين . ..
ودعت سميه الدكتور واغلقت الهاتف ... لتتذكر شئ
اتصلت بجود
جود : الو يا ماما
سميه : انا خدت معاد مع الدكتور انهارده الساعه 11
جود : 11 بليل
سميه : اه
جود : ليه ،حد قاله اننا هنروح كباريه
سميه : كباريه ايه يا هبله ، الدكتور ده ممتاز وعنده زحمه مش كتر خيره حجزلي وقت عنده
جود: ما هو بالفلوس حد قالك ببلاش
سميه : برضو كتر خيره ، وبعدين ده شاب كويس جدا ومحترم
جود : انا مش فاهمه انتي بتشكري فيه ليه
سميه: انتي بس عشان بتكرهيه شايفاه وحش
جود : اه بكره وبكرههم كلهم
كانت تقولها بصوت عالي لتجد المهندس ينظر لها
جود بغضب : بص قدامك يا بشمهندس
ليسرع الاخر وينظر الي الورق الذي امامه
سميه : الله يهديكي يا بنتي ، انتي فين
جود : في المصنع بشوف التصاميم هتتنفذ ازاي
( اكملت بصوت مرتفع ) عايزه اشوف غلطه واحده بس عشان هطلع عينهم
سميه: يا بنتي براحه عليهم ، متخليهمش يكرهوكي
جود: انا عايزاهم يكرهوني مش عايز حد يحبني
سميه : انا تعبت من الكلام معاكي ، هقفل ومتنسيش معاد الدكتور ،وله عايزاني اروح لوحدي
![نوفيلا (شد وجذب)[مكتمله]](https://img.wattpad.com/cover/242084868-64-k868544.jpg)