لمتناا...💙✨

6 بيحب غيري ؟💔

اللي فوق دي الاء 👆👆👆❤
صلو ع النبي
فوت وكومنت لو البارت عجبكو
# زين
الصراحه كنت متردد جدا اني اقولها بس في نفس الوقت عايزها تساعدني لان عائشه فيمود مش حلو وممكن تخربلي الحوار من اوله وسلمي مدشدشه وفيها اللي مكافيها وملقتش احسن من هايدي الصراحه تساعدني في الحوار دا خرجتني من تفكيري البارده اللي اسمها هايدي (سوري ياحب 😹❤)
هايدي : يعني انت يتفضل تيتهته يتسكت متقول ياعم عايز تقول اي مبحبش انا شغل شوق ولا تدوق دا 😹
زين :خلاص خلاص هقول بس خالي اعصبك استرتش كده معايا اشطا
هايدي :في طابظ محترم يقول اشطا
زين : مش انا قولت
هايدي : اه
زين : يبقا في انتي بتقولي حاجات غريبة جدا
هايدي: زيييين انجز كده يابا عايزه اعرف الحوار
زين : خلاص هقول بصي ياهايدي انا عايزك تساعديني
هايدي : في اي
مسكت ايديها وانا بقولها : تعالي بس مينفعش نتكلم هنا تعالي نروح اي كافيه
هايدي بتوتر : اااا اااا اشطا يلا
#هايدي
اول ما زين مسك ايدي حسيت برعشه في جسمي كله اوووف الحقوني ياخلق هقولو بحبه وافضحكو وهو ذي القمر كده هيييح وركبنا عربيته وروحنا كافيه ع البحر جامد اخر تلات اربع حاجات كده دخلنا وقعدنا
هايدي : ادينا جينا كافيه اهو ممكن اعرف ام الحوار عشان الفضول هيموتني 😒
زين : طب نشرب حاجه الاول طيب
هايدي : اللهم طولك يارووح متنجز يابني وقول عايز اي عشان اروح للبت اللي بتموت دي 🔪
زين للراجل : لو سمحت ممكن اي عصير فرش وقهوه معلقه سكر واحده
الويتر : حاجه تاني يافندم
زين بصلي : عايزه حاجه تاني
هايدي : لا شكرا
الويتر : عشر دقايق الحاجه تكون عندكو عن اذنك
زين : اتفضل
هايدي : ازن كافيه وجينا قوعااد وقعدنا عصير وطلبنا ممكن اعرف بقا ام الموضوع اللي انا هساعد ام حضرت امك في
زين : اي كميه الامهات اللي في الجمله دي كلها يابنتي اهدي عايز اقولك الكلمتين ع رواق
هايدي : يارب صبرني ياااااارب 😭
زين بضحك : دا كلها خمس دقايق يعني مش حوار
هايدي بصوت واطي : ماهي المشكله انهم خمس دقايق وانا مش ضامنه نفسي بضحكت امك القمر دي ياجدع
زين بستعباط :بتقولي حاجه يادودي
هايدي : انت بتدلع بنت اختك
الحمدلله الويتر جاب العصير والقهوه ولولولوولولي هيقول اهو
هايدي : انطق بقا
زين : طب اشربي
هايدي : لاااااا وحيات امي مهعمل حاجه غير لما تتكلم
زين : فضوليه اوووي انتي
هايدي : متوهش يازين يابن ام زين وخش في الموضوع ع طول
زين بتوتر : بصراحه انا اااا انا بحب واحده وعايز اعرفك عليها وكده وتقوليلي رايك فيها وكمان تساعديني اني اعترف لها بحبي
زين قال انه بيحب واحده من هنا وانا حسيت ان كان جردل مياه ساقعه متلجه اتدلق عليا من هنا بيحب طب وانا انا اي مفيش ياربي ع وجع قلبي يعني انا احبك في كل السنين دي عشان في الاخر تقولي انك بتحب واحده تاني
زين : هايدي
هايدي :.... لا رد .....
زين : هايدي 👋
هايدي :....... لا رد........
زين : يابنتي انتي فين
هايدي وهي لسه تحت تاثير الصدمه : هااا معاك معاك كنت بتقول اي
زين : كنت بقولك اني بحب واحده وعايز اعرفك عليها وكده عش...
هايدي : بس بس سمعت الاول اشمعنا انا
زين :عشان انتي عارفه يعني ان عائشه مودها مش حلو وسلمي مدشدشه وكده وانتي اقرب واحده ليا من بعدهم بس لو مش عايزه خلاص براحتك
هايدي : تمام تمام هساعدك بس هي مين واحنا نعرفها ولا لا وهتعرفني عليها ازاي
زين :بصي ياستي انتو متعروفهاش بس هي اسمها سما محمد المصري وهي شغاله معايا في القسم بتاعي وانا الرائيس بتاعها في الشغل عندها 22 سنه اما بقا هتتعرفي عليها ازاي فا انا وهي خارجين بكرا عزمها ع الغداء فا ممكن اتفق معاها ع المكان واقولك ونتقابل كانها صدفه واعرفك عليها وتقوليلي رايك فيها وتساعديني ها اي رايك
هايدي : تمام حاجه تاني
زين : لا
هايدي : اشطا ولمت حاجاتها وقامت
زين : اي دا انتي رايحه فين
هايدي : هروح لي في حاجه تاني ولا اي !
زين :لا مفيش بس اقعدي معايا شويه حتي وبعدين اروحك
هايدي : لا معلش نبقا نقعد بكرا مع السنيوره قصدي سما دي باي
ولسه هامشي
زين: طيب مش هتروحي عند سلمي
هايدي : لا بكرا بقا مش قادره
زين : طب استني هوصلك
هايدي : لا معلش عايزه امشي لوحدي
زين : مفيش حاجه اسمها همشي لوحدي الساعه 10:30
هايدي : قولت هامشي لوحدي يعني همشي لوحدي وجريت من قدامو وقفت تاكس ومشيت لاني بصراحه مكنتش قادره امسك دموعي اكتر من كده كنت سنده ع الشباك وانا بعيط وبفكر لي هي هي احلي مني احسن مني لي محبنيش انا لحد ما السواق خرجني من تفكيري
السواق : وصلنا يابنتي
هايدي وهي بتمسح دموعها : اسفه بس مخدتش بالي حضرتك عايز كام
السواق : 20 جنيه يابنتي ّ
اديتلو الفلوس ونزلت جري طلعت البيت حتي مسلمتش ع اي حد من البيت ماما ناديت عليا كتير بس انا مش عايزها تشوفني كده دخلت اوضتي وقفلت بالمفتاح وقعدت ع السرير وفصلت اعيط لحد ما كبس عليا النوم
(عارفه اني نكوده حبتين تلاته اربعه عاشره كده بس دا اخر بارت نكد ان شاء الله بالنسبه للبنات اما بالنسبه لهايدي فا مطول معاها حبتين معلش بقا ياهادي 😹❤ بس اتقلي تخدي حاجه نضيفه كفايه رغي بقا ونكمل البارت )
# عند البنات
دخلنا اوضية سلمي وكنا متواقعين ان في واحده فيهم بتعيط بقا وشدين في شعور بعض وكل واحده فينا كانت حاطه سينريو اوووفر الصراحه للخناقه اللي المفروض كانت تصحل بس اللي لاقينا عكس كده تماما دخلنا لقينا سلمي وعائشه نايمين وعائشه حاضنه سلمي ويلمي بتلعب في شعر عائشة وحاجه اخر دلع يعني
مني: اي شغل العشق الممنوع دا 😹
فاطمة : يعني عليا وانا اللي كنت حاجزه سرير لعائشه عشان اللي كان المفروض يتعمل فيها
آلاء بصوت عالي : يعني انا ماكلش عشان المفروض اني بقا هعمل فيها ست الموصلحه الاجتماعية واتكلم بحكمه والشغل اللي ماليش في دا عشان في الاخر اشوف المنظر دااااااا
سلمي صحيت وبصتلي بقرف وبعدين اتعدلت وحضنت عائشه عدل وشوحتلي بايديها
عائشة وهي مغمضه عينيها : بس يابنت #$#$$ لقوم اخليكي متنعيش ولا موصلحه اجتماعية ولا حتي فازه
الاء : احم طب انا بقول يعني فين الاكل يامني خليني اكل في صمت
مني: يعجبني فيكي انك بتجيبي ورا من قبل اول قلم 😹😹
فاطمة: وانا يعجبني ففيكي شخصيتك القويه 😹😹 ّ
آلاء : مبحبش اتكلم عن نفسي كتيرر 😹😎 فين الاكل يامنيييي بقاااا
مني : الاكل اهو ياختي ورمت الاكل في وشها
آلاء : تشكري ياتوامي ياختي يابنت ابويا وامي ياللي مشوفتيش ربع ساعه تربيه
مني : معلش اصلهم كانو بيربوكي انتي الاول وسابوني انا في الاخر
فاطمة : لا وجهة نظر الصراحه تحتراام
الاء والاكل في بوقها: هي تحترام بس انا مش هحترمها لاني متربتش اصلا
مني : واثقه من نفسك اوووي وانتي بتقولي انا متربتش
آلاء : اه عادي جداا
عائشة قامت من حضن سلمي وهي متعصبة : اقسم بالله مافي واحده منكو متربيه اساسا ولا حتي التربيه عديت من تحت بيتكو يعني الواحد ميعرفش ينام في المستشفي دي ذي البني ادمين حسبي الله ونعم الوكيل فيكو واحده واحده
سلمي ضربتها ع قفاها
عاائشه وهي بتكمل كلمها : معاده سلمي طبعا دي ادب واخلاق والوحيده فيكو اللي اتربت
مني وهو مش قادره تتكلم : لا لا مش قادره بجد 😹😹😹
فاطمة :جابت ورا في ثواني 😹😹😹
الاء : 😹😹😹😹😹 لا مش قادره
سلمي مسكت ورقه وكتبت فيها عشان تعرفو اني مسيطره 😉😹😹 واديتها لعائشه عشان هي اللي جنبها
عائشة بغيظ : مسيطره اوووي ياختي 😒 😹
وحدفت الورقه لمني :😹😹😹 ع وضعك ياسو ياصحبتي
فاطمة : اقسم بالله انتي جامده جداا يابنتي
سلمي عملت نفسها بتعدل ليقت البجامه 😎😹 قاممت عائشه اديتها ع قفاها
عائشة : كده خلصين عشان متشوفيش نفسك عليا 😹😹
سلمي حركت شفايفها ب يابنت ال... 😑😑
عائشة: يابنت اي يامحترمه يامتربيه يابنت اي كملي
سلمي بصتلها بقرف وبعدين بصت للبنات واستغربت كانها افتكرت حاجه وبعدين حركت شفايفها وقالت امال هي فين هايدي
مني : ايوا صح هايدي اتاخرت هي وزين لي اصل زين كان بيهزار وقال ان انتي حبيبتو وكده وهايدي شتمتو ومشيت متعصبه وهو جري وراها 😹😹
فاطمه : بس دول اتاخرو اووي
آلاء والاكل في بوقها : بلا نيله وحيات النبي افتكريلنا حاجه حلوه عشان هما بيجو ع السيره
خلصت كلمها من هنا ولقينا زين داخل من هنا كلنا بصينا لزين وبصينا لالاء وبعدين قعدنا نضحك
زين بستغراب : هو في اي
مني : ولا حاجه لسه جايبين في سيرتك وانت دخلت ع السيره فضحكنا
عائشة : وبعدين في حاجه اختراعوها من قريب كده اسمها تخبط ع الباب قبل متدخل افرض مثلا فاطمه ولا مني قالعين الطرحه يبقا اي منظرك
زين : ملكيش في
مني : منظرك بقا قطونيل اووي 😹😹
عائشة: اه منا خدت بالي😹😹
زين راح عند سلمي وحضنها وباس راسها : حمدلله ع السلامه ياحبيبتي الحمدلله انها جات لحد كده بس بعد كده خالي بالك وانتي بتجري وبعدين وانتي من امتي يعني عائشه لما بتطردك بتخرجي برا البيت مش دا بيتنا كلنا
سلمي هزت راسها بااه
زين : طب امال اي
عائشة: مخلاص يابرنس اللي فات مات انت بتفتح في الافتر القديمه لي
زين بص لعائشه وبعدين بصلنا : مين دي
كلنا معادا سلمي : ولا نعرفها اصلا
عائشة بقرف : ناس واطيه 😏😹
سلمي بصت لزين وبعدين زقت عائشه وقعتها ع الارض
وطبطبت ع السرير لزين انه يقعد جمبها وقعد وعائشه بصيت لهم وهي ع الارض بستحقار
عائشة: طبعا ماهو من لقاا احبابه نسي اصحابه اتفو 😒خديني جنبك امني اعبيبت قلبي 😹❤
مني : يلا ياماما من هنا
عائشة : فطوم ياحب عمري
فاطمه :لااااا
عائشة : لولي حبيبتي
آلاء : امشي يالولو من هنا اقعدي ع الارض احسن
عائشه : اشكال زباله صحيح هو زين حبيب قلبي هيقوم وانا اقعد
زين : هو فين زين ياجماعه
عائشة: يووووو بقاااا
مني :خلاص خلاص تعالي اقعدي
عائشة : انا قولت برضو ان محدش طمر فيه التربيه غيرك ياحبي
سلمي بصيت لزين وبعديت جابت ورقه وكتبتله امال هايدي مجاتش معاك لي
زين بصلها واتنهد : هايدي روحت
عائشة: لي
زين : بتقول تعبانه
فاطمة: تعبانه ازاي ماهي ماشيه ذالفل انت عملتلها حاجه؟
زين هز راسو ب لا
آلاء : قولتلها حاجه تدايقها ؟
زين بعيون بريئه: لا والله كل الحكايه اني قولتلها انها تساعدني في حوار كده
سلمي كتبتلو حوار ايي
عائشة : بصي ياسلمي ياحبيبتي ورا العيون البريئه دي مصيبه صح
سلمي كتبتلها انا حاسه بكده برضو
مني لزين :حوار اي يابني متتكلم
آلاء : انت لسه هتفكر تقول اي متقول ياعم
زين : كل اللي حصل من ساعه مخرجت وراها ان احنا وحكي كل اللي دار بينه وبين هايدي من اول مخرجو من المستشفى
زين : بس وبعد كده قولتلها اوصلك زعقت وجريت ركبت تاكسي وروحت بس دا كل اللي حصل
كلهم في صدمه
عائشة: طب ومجتش تقولي انا لي
زين: قولت انك مودك مش حلو وبعدين انتي مبتحبش الناس الجد وسما جد
مني :وملقتش غير هايدي اللي تروح تقولها تساعدك
زين : مالها هايدي يعني
سلمي كتبتلو لا مالهاش ولا حاجه انت اللي غبي بس كده
زين: انا غبي ؟
آلاء :جداااا والله
زين : لي
فاطمة : لا ولا اي حاجه
عائشة :زين قوم من قدامي عشان بجد عايزه اضربكك
زين : بتقولي حاجه يا آش ياحبيبتي
عائشة : لا ياحب سلامة ودنك
فاطمة : عارفين من ساعة مجيت إسكندرية وانا مسمعتش خبر حلو غير اننا هنروح المعسكر ونشوف اللعيبه (زين عارف كل حاجه عن البنات لانهم كلهم بيعتبرو اخوهم ومش بيخبو عليه حاجه )
آلاء: اه والله يابنتي عندك حق
عائشة: 😹😹😹😹😹😹😹😹😹😹
مني : هي قالت حاجه تضحك
عائشة: هو انا مقولتلكوش
فاطمه : لا مقولتيش
عائشة : والنبي مقولتلكو
آلاء: وحيات سيدي اللبلوبي ياختي مقولتي
عائشة : يقطعني 😹😹ّ
مني : ايوا اي اللي يضحك
عائشة : مش احنا حد بصص لنا في ام السفاريه الفقر دي 😹
فاطمة: عايزه توضيح لو سمحتي
عائشة : مش نجمه حبيبت قلبي اتصلت بيا انهاردا وقالتلي ان احنا الاجازه بتاعتنا اتلغت وان احنا نتنطط نتشقلب المهم نكون عندها في تركيا بعد 3 ايام والسفاريه بعد اسبوع وانتو عارفين ان البطوله ع الاقل بتبقا 3 او 4 اسابيع واللعيبه هيعدو في المعسكر اسبوعين بس يعني مش هنلحق اصلا اننا نروح حتي وننزل ع المسكر 😐
فاطمة: يعني انا مش هشوف ناصوري
مني: ولا انا هشوف هنوني
الاء : ولا انا هشوف عربي حبيب قلبي عااااااا
سلمي كتبت في ورقه اقسم بالله احنا حظنا دا شكله شاخخ عليه برص 😑😹😹
زين : يخربيت تشبهااتك 😹😹
عائشة: لي هي قالت اي
زين : بتقولكو ان حظكو شاخخ عليه برص
مني: الله يقرفك انتي قعدتي مع نجمه كتير يابت😹
آلاء : طب والله نجمه وحشتني
عائشة: وانا كمان والله وكملت بخبث بس تعرفو ياعيال ان احنا كلنا نزلين قدامنا ناس عاديه من اللي بنكسبهم كل مره بسهوله وهايدي ياحبيبتي نزل قدامها اللي واخد البطوله السنه اللي فاتت وبيقولو عليه ان عمرو مخسر اي بطوله واللي بيلعب معاه يما بيبقا في المستشفي يما الله يرحمه اسمه كريم حاجه كده مش فاكره
آلاء وفهمت عائشه قصدها اي : لا متقوليش كريم الصقر ينهار ازرق دا الله يكون في عونها يابنتي دا انا عملت عليه سيرش من فتره وملقبينو بفهد الحلبه لانه عمره مخصر والمواجه مبتاخدش ف ايده عشر دقايق
مني بصدمه : احيه هايدي اكيد مش هترضه تنسحب لانها بتحب اللعبه جداا
فاطمة: بلص ان هايدي مبتاكلش الفتره دي ولا بتتمرن التمرين اللي نجمه قالت عليها
زين بخوف فشل انه يداري : طب وبعدين هنعمل اي
عائشة بخبث وعامله زعلانه: هندعلها يعني احنا في ايدينا اي غير اننا ندعيلها
آلاء : بس يا آش هو يوسف هيجي البطول صح
عائشة بسغراب :يوسف يوسف مين
آلاء: يابت يوسف اللي كان عينو ع هايدي البطوله اللي فاتت 😉
عائشة : ااااااه يوسف طبعا يابنتي دا كمان محضرلها مفاجآه عشان يعترفلها بحبه
زين : انا رايح اشوووف الدكتور هيكتيلك ع خروج امتي ونازل الحسابات اشوف عايزين كام 😠😠
عائشة: متتاخرش يازين عشان عايزه اروح انام
زين : اوووووف ماشي وخرج
عائشة : 😹😹😹😹😹💃
الاء : دماغك ابوسها
عائشة : دا اخويا وانا عرفهاا انا كنت عارفه ان الحكايه فيها ان واتاكدت دلوقتي
مني : اتاكدتي من اي انا مش فاهمه
عائشة: افهمك انا ياستي بصي هو يما بيخطط لحاجه وهيعملها بسما دي يما هو فعلا مش عارف انه بيحب هايدي ولو التانيه دي يبقا احنا بقا نخالي يغير ويبقا كده وفقنا راسين في الحلال بس احنا مش هنقول لهايدي ان احنا عرفنا
فاطمة : لي
آلاء : لان بغباءك انتي وهي لعرفت ان احنا عرفنا من زين ممكن متحكيش اللي هي حاسه ومش هنساعدها في العالني احنا هنساعدها في المداري
عائشة : اوقات بحس انك سراقه تفكيري
الاء : اي خدمه
عائشة : مني اتصلي بمطار شوفي اول طياره ع تركيا امتي واناي يافاطمه اتصلي بهايدي واعملي عبيطه وقوليلها مجتش ليه
مني ' فاطمة: اشطا وراحو
عائشة: اما احنا بقا فا هنمشي ع الخطه ..............
آلاء : المااااظ ياباشا دماغك دي
عائشة: مبحبش اتكلم عن نفسي كتير 😎😎ّ
مني جت : اول طياره بعد بكره الفجر
آلاء : اشطا جداااا
عائشة : كده احنا هنسافر ونعمل اللي اتفقنا عليه هناك
كلهم : اشطا جدااا😹
فاطمة جت : اتصلت بيها وكانت نايمه وشكلها معيط لما عدمانه العافيه سالتها مالك قالتلي لما نتجمع اقولكو وقولتلها ع السفاريه قالتلي انها موافقه بس سوال بقا لا سوالين معلش
عائشة : عايزه تعرفي اي
فاطمة: اولا مين يوسف ثانيا حكايه كريم دي صح ولا متفبركه
عائشة : سوال غبي بس انا هرد اولا يوسف دا وهمي لان عمرنا مكان معانا حد في البطوله اسمه يوسف اما حكايه كريم فاهي متفبركه اساسا
سلمي كتبتلهم انا زهقت عايزه اروح
عائشة : وانا والله هموت وانام
فاطمة: مي تووو
مني : مي توو الله يرحم ابوكي كان بيركب الحمار بالمشقلب ويقولو لتس جووو 😹😹ّ
زين جاه
زين: الدكتور كتبلك ع خروج بس كتب شويه ادوايه وقال انك لازم تمشي عليهم وتجيلو بعد 12يوم تفكي الجبس
سلمي كتبتلو هبقا افكو في تركيا ّ
عائشة : اه لاننا مسافرين بعد بكره الفجر ّ
زين : بالسرعه دي
مني : اه لان الطياره التانيه بعد اسبوع ونجمه لو روحنالها متاخر هتشلوحنا
عائشة : حصل
آلاء: يلا بقا برا عشان سلمي تغير
زين : تمام هستني تحت في العربيه
مني : تمام
زين نزل وعائشة ساعديت سلمي تلبس وخلصنا ونزلنا لاقينا زين مستني في العربيه ركبنا ومشينا وصلنا البيت وكل واحده دخلت اوضيتها نامت وخلص اليوم والبارت كمان خلص ياقمرات ❤❤❤ جماعه ياريت متنسوش الفووت يعني اللي بيقرراء الروايه 30 وبلاقي الفوت 5. 6. لو مش عاجباكو قولو 😐