🎆 🎆 الكاتبة سلمى 🎆 🎆
🌠💫 احببتها بنقابها 💫🌠
.
.
.
.
..
.
.
.
.
.
.
.
.
.
.
ف الغرفة تاع تسنيم باقي مكرفسة كيقولو غادي تدخل ف غيبوبة حيت الكسيدة لي دارت خايبة مي الحمدلله شي دقائق كتحل عينيها دلالة على التشبت بالحياة واخا البنج الا انها رغم ذلك كتفح عينيها وترجع تسدهم
⚱️⚱️✏️ خرج من لوطو لاح الݣارو و عفط عليه برجلو باش يتطفا و قاد الڤيست تاعو و مشا كيشوف ف جنبو وفهاد الحي لي كان كيبان بحال شي منفى حتى واحد ميرغب ف السكن فيه ..... طق ف الباب خرجو عندو زوج بنيتات بيضات بحال ختهم و زوينات والعينين كبار وحمرين باين عليهم اتر البكاء
فردوس بصوت منغنغ بالبكا والبحة فيه : نعااام اعمو شكون انت
نقزات جنة
جنة حتى هي عينيها حمرين : وشكون بغيتي ياك مكتعرف تسنيم
تحنا عندهم عبد الرحمان بهدوء و شاف ليهم فعينيهم
وقال بصوت فيه بحة رجولية و بنبرة هادئة باش ميخلعهمش : اش كتجيكم تسنيم وعلاش عينيكم حمرين
جنة بغات تبدا تكسيري بالبكا وكتشهق : اهئ اهئ اهئ تسنيم ختنا الكبيرة مشات الم سسجد تق ري القران البارح و مرر ر ر جعااتش اهئ اهئ
عبد الرحمن ف الداخل ديالو كيهضر هادا جمال طفلتين كيف جمال ختهم يقدر كيسلب العقل نعل الشيطان حتى كتبان ليه مرأة شوية عيانة خارجة كتجري حتى هي لابسة النقاب بحال بنتها
امهم رحمة غير سمعات بكا تاع جنة ولي تبعتها فردوس حيت شافت ختها كتبكي وهي تكسيري 😂 خرجات كتجري بعدما لبسات نقابها لقات واحد قدام الباب تخلعات و جراتهم من أيديهم ودارتهم وراها
رحمة : ش ش شكون انت اولدي
شاف فيها عبد الرحمان معجبوش الجيست لي دارت ولكن عذرها حيت كتبقا ام
عبد الرحمان بهدوء: الحاجة سمحي ليا على هاد الدخلة ولكن كاين شي راجل لي نقدر نهضر معاه
شافت فيه لالة رحمة و هبطات دمعة كتجري
خافت بزااف اذا عرف ماعندهم راجل و يتهجم عليهم و من ناحية خافت تقول ليه ويقدر يساعدها باش يبقا كبدتها لي مشوية عليها
رحمة ببحة بكاء وصوتها هادئ بحالها بحال بناتها كلشي جابوه منها : سمح ليا اولدي كان راجلي و ولا من اهلنا السابقين ولكن كاين خويا
هي عندها خوها ولكن ساكن ف الطاليان وهي قالتها غير كحماية خوفا من المستقبل راه اي واحد كانت بلاصتها غادي تدير هاد الجيست ..خوها كان واحد الطماع ولكن ما خلاش الدم يولي ما .كان كيرسل ليها شي بركة من لي كيدوز العام يعني مرة ف العام فاش كيرسل ليها سوا حوايج ولا فلوس
عبد الرحمن بأسف : الله يرحمو حتى حنا لاحقين اوك الحاجة بلا ممطول معاك بغيت غير نقول شوفي شي لباس ولا شي حاجة نديوها لبنتك راه ف الكلينيك و متخافيش صحتها بخير
رحمة غير سمعات هاد الهضرة شدات ف قلبها وبدات كتنزل مع الحيط بشوية بشوية شافها عبد الرحمان هكاك مشا كيجري فتح لوطو و جبد قرعة تاع الما و رجع كيجري و بدا كيرش عليها باش تفيق و كب ليها شربها بعدما هز ليها النقاب اصلا المرأة قد مو و رش عليها الما حيت شافها صفارت
