مساء الورد يا ورداياتي الجميلات،،شلونكم،،متحمسين شلونهة المعنويات،،،وهذا بارت مفاجئ صح عنوني بس كتبتة لخاطر عيونكم لان تستاهلون على تفاعلكم الجميل، ،باجر استراحة ماكو بارت 🥰🥰
البارت الرابع
فيد عبدالله
نور،،خفت كللش قفلت الباب مال الغرفة من خوفتي وسمعت فهد وطه يتصايحون وصارت هرجة كمت اطكطك بس شوية و هدأت الاصوات ورة نص ساعة تقريب اندگت الباب ووصلني صوت نادية
نادية،،نور يردوج
نور،،فتحت الباب اباوع بخوف طه واكف بالصالة
طه،،تعاي بنتي
نور،،اخاف عمو خليني هنا
طه،،ول يابا تخافين وكلنة حولج انتي بحمانة
نور،،لفيت شالي عدل شاورتني بنت طه رغد
رغد،،لو تلبسين عباية رداء احسن
نور،،ماعندي
نادية،،هساع اطلعلج من مالات جدتي
نور،،راحت من خالتي طلعت جبة عريضة لان خالتي ضخمة لبست ضيعت ملامح جسمي وهذا الاحسن طلعت وبنات خالاتي عشتوا يباوعن من طرف خشمهن ويتهامسن ،،طب طه واني وراه بس ما خليت اية ما قريتهة،،حجيت بصوت يرجف،،السلام عليكم انتبه الكل وعم الهدوء المكان خالاتي وخوالي ولد خالتي كريمة وازواج بناتهة اكو ردوا واكو لا خالي وليد وكف يباوعلي بحقد هو وخالي حمود بس خالي جاسم الزغيخحر مبتسم اتقدم وحضني
جاسم،، هلا بيج خالي كل الهلا
وليد،،عجل هاي الزعطوطة الكومتوا الدنيا عليهة ما تسوة رصاصة
ام طه،،لا تسوة كل البنات بعيني
زوج علا،،حجي وليد عجل انت صايم ومصلي شلون عندك الكتل هيج سهل هاي روح شذنبهة تزهقهة ترة هي ما مسوية اي غلط لو غلطت حزتهة الك حگ تحاسب بس هم بما يرضي ربك
ام طه،،عفية وليدي حجاياتك ذهب،،يلا نوارة سلمي على خوالج وخالاتج
نور،،اتقدمت بخوف سلمت على خالي وليد بست راسة وهو ما رد وداير وجهة خالي حمود اهون رد من ورة خشمة خالاتي خاصة نضال من شافن الحجي وشلون كلهة تدافع عني عادي اتصرفن وردن السلام بابتسامة الظاهر كل خوفهن من الناس وشيگولون كعدت يم خالتي كريمة واكو ولد كدامي ولد خوالي وخالاتي وخالتي عرفتني بيهم بس ماحفظت ولا حتى ركزت بشكلهم استحي اظل اباوع بوجوهم ،،اتغير الموضوع وبقوا يحجون بمواضيع ثانية بس خالي وليد نضراتة ابد ما طايقتتي سالني زوج علا واسمة حامد
حامد،،عجل گالولي تدرسين صيدلة
نور،،اي خلصت مرحلة ثالثة
حامد،،خوش عفية سباعية
وليد،،هالدراسة وموضوعهة تنسينو بعد ماعندنة بنات يطبن ويطلعن
أنت تقرأ
منذ عام 1990
Romantik-انا نور ولد وسط عتمة العقول سواد القلوب وخبث النفوس ولدت و كأني اول خطيئة في تاريخ البشر ،،لأتحمل ذنوب لم اقترفها ويحكم عليّ بجرم لم ارتكبه وابدء رحلة معاناتي منذ ولادتي ،منذ عام 1990 -لااستثني احد فالكل تفنن بايذائي بطريقته حتى انتَ الذي ضننتك لا...
