مساااء الورد ياورد،اشكركم من القلب على تفهمكم ظروفي ودعواتكم كل موقف داتثبتولي اني شكد محظوظة بهيج متابعين راقيين 🌹🌹 ،وهذا بارت اليوم الي احداثة تخبببل ،وتتدللون،،اتمنالكم متابعة طيبة
البارت الثلاثون
فيد عبدالله
نور،،باوعتلة لفهد وابتسمت بفرحة،،صدك والله تحجي
فهد،،الحمدلله
نور،،يعني هسة نونو حلو مثلك ببطني هز راسة وغمض يسحب نفس عميييق
فهد،،دير بالج واهتمي بروحج اكثر هساع صرتو ثنين
نور،،ان شاء الله،،دخل محل اخذ حلويات ونزلنة يم بيت طه نبشرهم نزلت مااعرف احس مستحية،،فهد ليش متخليني اروح للبيت وانت تگللهم
فهد،،لا سوية مااعوفج بعد ولاتعوفيني
نور،،دخلنة وخالتي جانت متمددة بغرفتهة
ام طه،،هلا يمة نورتو
فهد،،بوجودج حجية،،يمة اجيتج بخبر يخبل
ام طه،،خير ان شاء الله
فهد،،جايج حفيد جديد بالطريق
ام طه،،صلي على محمد صدك يمة الحمد لله ربي الف الحمدلله بالمبارك يمة بالمبارك مهند تعال جيب جگليت نطش على عمك
نور،،باركتلنة ام خالد ورغد وطب مهند
مهند،،ها راح يعرس عمي بعد ،،هلااااا واشبع لحم ومفطح وجكليت وبيبسي هلااااا
فهد،، خايب شمالك ما تثگل
نور،،اسم الله اني الاولى والاخيرة ولزمت ايدة. بتملك
مهند،،والله وصادو عمي
فهد،،مهند يمكن جلدك يحكك هالايام
مهند،، لا والله سبحت اليوم
نور،،،ههههه تاكل حلويات
مهند،،اي هين الحجي الزين عفية عفية بمرت عمي لاتوگفين خلفة سويهم درازن حتى نشبع حلويات
ام طه،،وصگع لابو كرش يوول ما تكبر انت دتبارك لعمك جاينة تطالب بعلف بطنك
مهند،،اشكرچ جدة سويتيني ثور،،مبروك عمي ويتربة بعزك وانة رايح لغرفتي جديتي زعلتني حيل جيبو هاي البقلاوة ومع السلامة
نور،،اخذ العلبة وصعد وامة تصيح وراه
ام خالد،،ومحمد بس يرد ابوك بسلامة الا احجيلو كل سوالفك الماصخة
نور،،هههه ولا يبطل سوالفة بس والله يونس
فهد،،يلا اترخص انة وهاي العلبة الثانية لبيت ياسين زحمة اروح هساع اعرفو ينام من وكت
نور،،طلعنة ورجعنة لبيتنة،،بدلت واتمددت شو احس نعسانة
فهد،،ها حبيبي نعستي
أنت تقرأ
منذ عام 1990
Romance-انا نور ولد وسط عتمة العقول سواد القلوب وخبث النفوس ولدت و كأني اول خطيئة في تاريخ البشر ،،لأتحمل ذنوب لم اقترفها ويحكم عليّ بجرم لم ارتكبه وابدء رحلة معاناتي منذ ولادتي ،منذ عام 1990 -لااستثني احد فالكل تفنن بايذائي بطريقته حتى انتَ الذي ضننتك لا...
