منذ عام 1990

الكاتبة#فيّد عبدالله(16)

صباح الورد،،متتخيلون شكد تعبت عيوني والله كدما كتبت وضغطت عليهن هاليومين،،انطوني استراحة يوم وان شاء الله ارجعلكم،،اريد تفاعل حلووو ينسيني التعب،،متابعة طيبة

البارت السادس عشر
فيد عبدالله

من هاللحظات وحسيت اكو شي تغير بداخلي نفسيتي تغيرت وخلاني هالتغير اشوف الدنيا بغير منظور واحس واخيرا بدت تنفتح ابواب گدامي، ،كعدت الصبح على صوت فهد وهو يگعدني

فهد،،نوور نووور

نور،،فزيت فتحت عيوني مفزوعة ميگعدني هو ابد، ،هاا شكو طفرت من مكاني

فهد،،ماكو اكعدي ورانة روحة

نور،،وين

فهد،،دگومي حضريلنة الريوگ وتعرفين

نور،،كمت صدك بس بالي مشغووول وين نروح،واتريگنة وخالتي تباوعلي مبتسمة

ام طه،،يلا يا نوارة روحي تهيري بساع

نور،،شكوو غير اعرف خالة خفت

فهد،،افااا تخافين وانة موجود،،،روحي تهيري اخذج نعقد محكمة ونغير الجناسي

نوور،،مااعرف ليش گلبي گام يدك سريع ابتسمت بخجل وطلعت مستحية وخجلانة بفرح وراحة سبحانك ربي شتان مابين عقد الشيخ وهسة عقد المحكمة احس حابة كلش انه اصير باسمة ويطبع اسمة بظهر الجنسية ،،ابدل ومبتسمة وهو صعد مبتسم وكل شوية يباوعلي

فهد،،لا تحطين احمر واصفر وهالسوالف

نور،،لا ماراح اخلي شي،،ياربي تمم بخير البس واتحضر وادعي يكون مفتاح راحة وفرج، ،كملت ولبست رداء وماقبل عليه لان الوانة فاتحة بدلت بلون اسود والشال فاتح سمائي وهو يمي

فهد،،هذا اهون بس هم مايعجب ،،عالجايات انة اجيبلج الي على مرامي

نور،،صاار شرد من كتلة هيج ،، كل شوية ومباوعلي يشوفني شسوي ،،كملت وطلعنة اني وهو بس وصدك رحنة للمحكمة گبل دخلنة للقاضي جماعتة مخلصين الاوراق، ،عقدنة وبسؤال القاضي ابد مااترددت بالعكس باوعتلة ومااعرف ليش ردتة يحس انه اني احبة نطقت النعم وهو ابتسم بطرف شفتة وردد،،وطلعنة صعدني السيارة ورجع اتشكر من الولد واجة راح بس انطة الاوراق لصديقة يغير الجناسي ومشينة ماانتظرنة كال اني امرلة اخذهن من يخلصن،،نزلنة بمطعم نتغدة واول ماگعدنة باوعلي وحجة

فهد،،مبروك

نور،،شكرا همست بثوول واحس كلشي بية فاضحني واحاول اثگل واخفي نظراتي لا تفضحني،،هو حس علية مرتبكة

فهد،،شني يابا ماشايفتني گبل وضامة راسج جوة الميز

نور،،رفعت راسي اباوعلة،لا لا ماكو شي ورجعت لااراديا ابعد نضراتي جان يضحك ويبعد نظراتة، ،اتغدينة ورجعنة وخالتي اتلگتنة تطش جكليت فرحانة وباركتلنة