مرات الظابط (الجزء التاني)

البارت السادس عشر

Date: Oct 4, 2020
Subject: رواية٢

الحلقة ١٦من رواية مرات الظابط 
بقلم/نورا عبد الرؤوف
ونشكو بالعيون إذا التقينا فأفهمة ويعلم ما ارادت 
اقول بمقلتي ان مت شوقا فيوحي طرفه ان قد علمت.
فوت قبل القراءة💝
في الصباح زين راح عند اهل نورهان
زين خبط علي الباب 
مامت نورهان فتحت: زين اتفضل يا ابني 
زين: احم انا اسف اني جاي من غير ميعاد 
مامت نورهان: دا بيتك يا حبيبي 
زين دخل اوضة الصالون
مامت نورهان: هي نورهان مجتش معاك ليه هي وزين 
زين فهم ان نورهان مش موجودة 
زين : انا قولت اجي انا اطمن عليكم ونورهان بس تعبانه شويه من الحمل 
مامت نورهان: ربنا يقومها بالسلامه 
زين: يارب...طب هستأذن انا وابقي سلميلي علي عمي 
مامت نورهان: ما لسه بدري انت لحقت تقعد 
زين: معلش هتتعوض مره تاني ..عن اذنك 
هايدي: والله بقولك كدا يا نور زين كلم كريم وحازم بيسئلهم عن نورهان واكيد سأل احمد 
نور : ليه هي مش في البيت هما متخانقين 
هايدي: مش عارفة والله بس احنا لازم نتجمع ونروحلهم البيت 
نور: تمام نروح بليل عرفي مريم وجوزها وانا هعرف احمد 
هايدي: طب انتي هتعرفي تيجي مش هيكون تعب 
نور: لا يا بنتي مش تعب ولا حاجة 
هايدي: تمام يا حبيبتي 
نور وهي نايمه علي السرير: ابو حميييد 
احمد وهو طالع من المطبخ ذي عاتة: نعم يا نور 
نور: انت كنت تعرف ان نورهان مش في البيت 
احمد في سره: بسرعه الرياتر قالولك 
نور: بتقول حاجة يا حبيبي 
احمد: لا...انا معرفتكيش عشان بس متقلقيش وانتي قلقانة خلقة 
نور: لا المفروض تقولي مش تسيبني اعرف من بره المهم هي مش في البيت ليه 
احمد وهو بيرفع ايده: والله علمي علمك 
نور: الواحد مش بيعرف ياخد منك منفعه ...جهز نفسك بقا عشان بليل هنروح كلنا عندهم في الڤيلا عشان نعرف في اي 
احمد: انته ليه حشرين نفسكم واحد ومراتة زعلنين من بعض انته اي دخلكم 
نور بحده: انا قولت نروح بليل يعني نروح بليل ولا عايزني اتعصب والبنت تطلع عصبيه 
احمد: تتعصبي ليه بس يا حبيبتي كل اللي انتي عايزا هيتنفز 
احمد في سره: بس لما تخلفي يا نور هطلع كل القديم والجديد عليكي (ضحك ضحكه شيطانيه )
زين راح المستشفي عند نادين 
زين: صباح الخير 
نادين بصوت كله تعب: صباح النور 
زين: عاملة اي دلوقتي 
نادين: الحمد الله 
زين: نادين بجد انا اسفة علي اللي حصل 
نادين تنهدت: متتأسفش يا زين المفروض اللي يتأسف انا مش انت 
زين بصلها باستغراب 
نادين: متستغربش ...انا اللي اتأسف اني دخلت بيت دافي منتشر في الحب والجو العائلي ولما دخلت كل دا اتخرب انا عازرة مراتك واحد كان غايب عن مراتة سنين واكيد عرفت انك كنت عندي فاكيد هتزعل ونار الغيرة هتشعلل عندها من غير ما تشوفني مابالك بقا لما شافتني ثم كملت بمزح الحمد الله انها مشقتنيش نصفين 
المهم اللي انا عايزا اقولة نورهان بتعشقك وبتغير لدرجة الجنون عليك يا زين وSorryتبقي مجنون لو مش عارف دا 
زين: والله عارف دا كله بس يا نادين الغيرة الاوڨر دي بتبقي مش حاجة حلوة خالص 
نادين: بالعكس يا زين الغيرة بتكون حاجة حلوة في ساعات يعني مثله لو دا كله حصل ونورهان كانت بتتعامل معايا عادي او حتي لما حضنت نور واهي كانت صحبتها بس خصمتها عشانك ليه عشان غيرانة افرض بقا مغرتش بذمتك انت مش هتزعل مش هتقول دي اكيد مش بتحبني اكيد مش بتخاف عليا ليه عشان مغرتش عليك كل دا وصلك بسبب انها مغرتش عليك انت فاهم حاجة 
زين بصلها: فاهم نص نص 
نادين: بص يا زين اقصد لو نورهان مغرتش عليك تبقي مش بتحبك ولا بتخاف عليك ولا تهمها في اي حاجة ودلوقتي انا اللي شايفا من نورهان انها بتعشقك يا زين وانت بتحبها طب ليه بقا عناد وانت عارف ان دا كله من حبها فيك 
زين بندم:تعرفي ان نورهان سابت البيت ومش عارف هي فين 
نادين: غبيي يا زين شوفت بقا انك ضيعتها من ايدك ليه يا زين زعقتلها وليه طلعتها كدابة قدامي مكنش ينفع اللي انت عملته يا زين راجع حساباتك ودور علي نورهان واعتزرها وانا بنفسي هدور معاك عليها بصراحة نورهان كبرت في نظري بسبب الحب اللي بتحبة لك دا يعني استحملت كتير وانت عارف وفي الاخر تعمل كدا راجع يا زين حسباتك 
زين تنهد: ماشي يا نادين انا هروح وابقي اجيلك بليل عشان اشوف زين 
نادين بإبتسامه: ماشي
مريم بدلع:زومي يا زومي 
حازم وهو بيرفع وشة من الكتاب اللي بيقراءة 
:نعم 
مريم:عايزا اقولك حاجة 
حازم: قولي يا مريم عملتي نصيبه اي 
مريم: والله ما عملت نصايب الحكايه وبما فيها اننا هنتجمع عند نورهان 
حازم ببرود: طب عايزا اي 
مريم: عيزاك تيجي 
حازم بعصبية: امممم مش انتي اتفقتي وخلاص وعملتي كل حاجة ولا اكن ليكي جوز 
مريم: مكنش قصدي يا حازم وبعدين انا والبنات بنتفق مع بعض وبعرفك مش معني دلوقتي 
حازم: عشان الموضوع ذاد بفضل اقول بكره تعقل في تصرفتها بكره تفكر بكره تفهم بس ما فيش اي تغير كل تصرفاتك بتاع اطفال 
مريم: انا طفلة علي العموم شكرا وانا هروح مش هنقص يعني لو مجتش 
وسابت حازم متعصب وقامت 
زين دخل الڤيلا لقها ملهاش روح او نفس اكنها صحراء فين بطته اللي ضحكتها بتعلي في المكان ولا لما بيجي من الشغل بتستقبلة باحلي ابتسامه وحضن ياااااة يا نورهان اد اي انا كنت غبي اوووي في حقك كنت مفكر غيرتك دي غلط بس صدقيني عمرنا ما هنتفرق تاني يا بطتي 
فاق من شروده علي صوت زين 
زين: بابي بابي 
زين وهو بيشيله: عيون بابي 
زين الصغير: هي مامي فين 
زين تنهد: مسافرة يا حبيبي 
زين الصغير: تغيب 
زين: مش عارف يا زين بس ادعي انها تيجي بسرعه عشان وحشتني اوووي 
زين: وانا كمان وحشتني اوووي يارب تيجي بسرعة 
محمد: قوليلي بقا مش عايزا تشتغلي 
سارة: نفسي والله بس مامي بقا حسيبها تقعد لوحدها 
محمد: يعني انتي هتفضلي قاعدة معاها علي طول بكره تتجوزي 
ساره: لا يا عم جواز اي انا ماليش في الكلام دا 
محمد: ليه 
ساره: يعني بشوف نفسي مش ذي البنات حلوين وبيلبسه فساتين ومهتمين بنفسهم وكدا 
محمد: انتي احلي منهم كلهم كفاية عيونك ولا ضحكتك انتي حاجة كدا من السما 
ساره ارتبكت من كلامه: ط.ب انا هقفل دلوقتي 
وقفلت السكه و وشها احمر ودرجات قلبها علت 
سارة لنفسها: هو ماله بيدق اوي كدا ليه
في المساء اصحاب نورهان واجوازهم معاداامممم

نور: زين هي فين نورهان 
زين تنهد: وحكلهم اللي حصل 
احمد: غلطان يا زين 
زين بندم:عارف يا احمد 
مريم: طب روحت عند اهلها 
زين: ايوة وسئلت مرام عليها 
هايدي: دا حتي تلفونها مقفول 
احمد: انا هدور عليها في المستشفيات لو قدر الله جرالها حاجة 
زين: وانا هدور معاك 
كريم: طب ننزل منشور علي الفيس او جرنال 
زين: لا يا كريم مش عايز حد يعرف وبعدين لو نزلنا هنكتب اي واحدة غيرانة علي جوزها فاسبتلة البيت ومش عارف هي فين 
مريم: دا انت المفروض تعرف انت اذاي ظابط 
زين: دماغي واقفة والله يا مريم اول مرة اكون مش عارف اخد قرار او اتصرف 
كريم: ان شاء الله خير 
الجميع: يارب 
زين: هو حازم مجاش ليه معاكي يا مريم 
مريم بكدب: مشغول وقالي روحي انتي 
زين بشك:امممم
ذهب الجميع من عند زين وكل واحد بيفكر في الامكان اللي نورهان بتروحها عشان يمكن يلاقوها هناك 
مريم دخلت البيت هي وساندي 
ساندي: مامي انا هدخل انام 
مريم: تمام يا حبيبتي تصبحي علي خير 
ودخلت اوضتها لقت حازم صاحي بيتفرج علي TV
مريم غير هدومها وقعدت جمبة بهدوء 
مريم: انا اسفة 
حازم بصلها: علي اي 
مريم: علي إني باخد اي قرار من نفسي او اي تصرف 
حازم اخدها في حضنة: وانا مش زعلان منك يا اوزعتي 
مريم حضنته: انا بحبك اوووووي 
حازم: وانا بمووووت فيكي يا اوزعتي ..قوليلي بقا نورهان فين 
مريم: حكتله اللي حصل 
حازم: انا هكلم ناس زمايلي في الداخلية ويشوفه كدا وكمان زين مش هيسكت وان شاء الله خير 
مريم: يارب 
خلصت الحلقة واتمني انها تعجبكم 
كومنتات كتير عرفوني رايكم 
#نوووووووور

---
Shared using https://www.writediary.com/getapp