رواية عشم💔 للكاتبة فطموش

الحــلــقــ( 1)

#روايات ليبية

روايـــة *  عـــشـــم💔 *
"للـكـااتـبة فـطـمـوش"

    الحــلــقــ( 1 )ـة

وعيت ع صوت عيااط مالي الدنياا كلهاا وصوت عزوزتي وسلفاتي وضرتي يبكوو ونسمع ف هرجة تحت وأصوات ناس زادت 💔
جسمي فشل واطرافي تجمدت مديت يدي ل يلي راقد جمبي ملقيتاش .. خفت لدرجة اني لساني ثقل مقدرتش نتحرك ونسمع ف العياط تحت ... وين حكيم💔
تجمدت ف مكاني لما سمعت صوت عزوزة تقول مشيت وخليتني ي وليدي مش مستوعبة الكلام ... شن قصدهاا يعني حكيم حبي وقلبي وحياتي كلها ماات .. لااا مستحيييلل علااش خشيت ف هستيرياا لين سمعت الباب يخبط ويقوول افتحي يامنى افتحي يامنى حكيم مات 💔
داارت بياا الدنيا وجيت طايحة مغمى علياا..

________________

الشخصيات :
منى  22 سنة عيونها كبار وعسليات وخشمها واقف ..فمها مليان ومرسوم وشعرها قصير  متوسطة الطول ..

الأم : مريم والأب :سالم خواتها توأم اية وآيات عمرهم 16 سنة ونقشهم زي اختهم منى بس آيات عيونها خضر  ويقروا اولى ثانوي
عندها أخ واحد أيمن 19 سنة يقرا طب وديما في حاله 🤷🏻‍♀️بوها وحيد عندها عمة وحدة اسمها فاطمة متجوزة ف الشرق ويمشولهم ف العطلات
  راجلها شرقاوي اسمه محمد  عندها بنتين وتلات ولاد !
اسماء 23 سنة وتقرا قانون
اسيل 17  سنة وتقرا تانوي
مؤيد 22 سنة مبطل القراية وخاش ف الجيش
ايهم 19 سنة يقرا طب زي  ايمن ..
محمود 7  سنوات ويقرا ابتدائي ..

عندها خالتها نجاة ومش مجوزة وخالتها أحلام مجوزة ف طرابلس وعندها ولدين
وليد 10 سنوات
اياد 6 سنوات
و اتنين خوال واحد عزابي اسمه فراس هذا جوه ملاخير مشقي خوته وخواته عمره 27 سنة ودكتور اسنان وميبيش يجوز وحتعرفو بعدين علاش  🤦🏻‍♀️
وخالها رجب مجوز مرته اسمها عفاف وعنده بنتين وحدة اسمها نجاح والتانية حنين
وهديم العيلة المسمومة وكل مناسبة لازم يديرو دوة وعراكات🤦🏻‍♀️💔

-----------------
منى :  كنت نقرا طب بس بطلت عشان وقتها الجامعة اللي ف مدينتنا سكرت والطلاب نقلوهم لمدينة اخرى

اما نظام عيلتنا زي اغلب العيل الليبية مفيش بنت تمشي وتبات برا حوشها يعني مفش سكن دراسي حتى لو رفعتي بوك معك
المهم قعد يرفع فيا بوي كل يوم ويروح ف نفس اليوم وكان تعب وعراك ومشاكل وفي يوم من الايام صارت عركة وهرجة وبطلت  واضطريت اني نغير تخصصي للحاسوب مع اني مش راغباته بس خشيت عشان ناخد شهادة وخلاص .

(..منى بطبيعتها تحب تلبس فضفاض ومتحبش تتحك مع الشباب ..وطبعها حشومية ..)

ف يوم من الايام كنت ماشية للجامعة وكنت مستعجلة خبطت ف شاب بالغلط ومن خوفي ان الامتحان يفوتني مشيت بدون م نعتذر وبدون م نشوف لوجهه ..
دخلت الامتحان وكان في شاب مقعمز وراي  قعد ينخص فيا يبيني نسميلة وانا ميتة خوف ومتحشمة من الموقف انا اللي ما عمري رفعت عيني ف شاب ..
المهم مدلي ورقة ع اساس كاتب فيها السؤال فتحتها ووجهي قعد احمر بعد مقريتها🤦🏻‍♀️
كان مكتوب فيها مرة تانية لما تمشي وتخبطي في الناس  اعتذري😑🤦🏻‍♀️ ..

تحشمت خشيت ف بعضي وهوا لاحظ الشي هذا وباعد شوي عني تم الامتحان وطلعت وانا  . متحشمة وندعي ان منتلاقاش معاه لين سمعت صوت وراي ...#يتبع