رواية عشم💔 للكاتبة فطموش

الحــلــقــ( 4 )ـة

#روايات ليبية

روايـــة *  عـــشـــم💔 *
"للـكـااتـبة فـطـمـوش"

    الحــلــقــ( 4 )ـة
آيات :قالتلي انها ح تحل الموضوع .
اية : وكيف !؟؟
آيات : منعرفش بس قالت ان معش نفكر ف الموضوع ..
اية : وبه .. ياريتها جت اسيل راه كسدنا معاها ☹💔
ايات : اي والله لكن يلا الجايات اكتر ..
اية : وانتي الصادقة ..

اما منى مشت توعي في اسماء : تنووووضي ي فررخة جاية بتغيري جو ولا بترقدي !؟

اسماء : وووووووووه خليني ي اسيل بالله
منى : خيرها هذي 🙄
منى : سوومة
اسماء : اهو وعيت يدرااه لنقنك باردة بالجو هك مفش رومانسية بكل 😁
منى : قالتها الرومانسية 😒
اسماء :خطرررها
منى : غمي فمك ونوضي قلتلك مش وقته
اسماء : وباه يا سي منى 🙂

قعمزوا ف الصالة شربوا قهوة ونادوا ع امهم وبوهم كسدوا وهدرزوا ويضحكوا ع هبال اسماء ..

سالم : منى رفعتو لمؤيد قهوة ؟
منى : لا ي بوي توا اتدير اية

مريم : سلم بنتي نوضي انتي ديريها هو يحب فيها معدلة وخواتك قهوتهن حلوة🙄
منى : حاضر 🙂💔

دارت القهوة وحطت تشكيلة حلويات ورفعتها لايمن ..
بس ملقاتاش ..دقت ع المربوغة مفش رد .. سرقت نضرة لقت مؤيد عاطي وجهه للحيط .وباين انه راقد .

خشت ع روس صباعها بتحط القهوة وبتطلع بسرعة عشان ميحس عليها ..

وهيا جاية طالعة
مؤيد : لأمتى بتهربي مني 💔
منى : .....
مؤيد : مزلت حافظ حتى صوت خطواتك ..
منى : ساكتة ..
مؤيد : نحبك
طلعت من المربوعة قبل لا تسمعها  وحاسة قلبها ح يطلع منها ودموعها تحجروا في عيونها بس كعادتها مسكت نفسها ورجعت ملامحها باردة وخشت للحوش ولا كأنه صار شي !!

عند حكيم ..
فتح النت ولقي طلب صداقة باسم سولي محمد
دار قبول وقعد يحكي معاها :
حكيم : رجعتي فتحتي الايميل ؟
البنت : اي والله بعد ستين واسطة عشان نزبط الوضع .
حكيم : به مليح
البنت : كنك قعدت بارد ولا زعلان مني عشان امس ؟
حكيم : لالا مدوريش عادي
البنت : حكيم !
حكيم : قلتلك انا موضوعنا اعتبريه تم وانا نساير فيك عشان  نحافظ ع القدر اللي بينا .
البنت : عارف ان انا ندمت وعارف ان انا نحبك 💔💔
حكيم : سلام توا عندي عمل
البنت : اوك براحتك

سكر ورجع بيه الوقت قبل سنتين لما تعرف عليها ع الفيس وقعدو صحاب وبعد قرر انه يخطبها وحكالها انه ح يبعث امه قعدت تتهرب منه وكل يوم بعذر لين عرف انها ع علاقة بشاب تاني ..محبش يواجهها كل اللي داره انه نهى علاقته معاها .. بس البنت هذي بعد فترة فاتها الشاب هذاك وتوا قعدت اتدور فيه وساكنتله تبي يرجعلها وهو  يتجاهل فيها ..

"روايــااتــت فـطـمـوش🐼"

ف الليل مؤيد طلع عند صحابه يعرفهم من الغرب وكلم خاله انه ح يبات عندهم ..عشان يغير جو ويقل التوتر اللي صاير بينه وبين منى .. طلع طرف دخان وركب ف سيارة صاحبه وغمض عيونه وطلع تنهيدة مليانه وجع وجت ف خاطره صورة منى لما طلعت من المربوعة : لو مطلعتيش كنت خديتك ف حضني 💔

أما منى مستلمتها اسماء😂 ماطلقتها لين عرفت كل تفاصيل الموضوع 😐
اسماء : يعني منوش تحب حكيم 😁؟
منى :مشعارفة مش حب بس الشاب مطلعش من بالي 😅 بس ف نفس الوقت ملخبطة مشاعري معش عرفت شن الشعور الغريب هذا خصوصا بعد ..وسكتت (تقصد مؤيد)

اسماء : بعد شن ؟
منى : ولا شي ملخبطة قلتلك
اسماء : تم بكرا ماشية معك للجامعة 😁
منى : وبه شوفي بوي قبل
اسماء : توا نحايل عليه😂 فش اسهل منها
منى : ديري رايك نا بنرقد
اسماء : خليك نفتحو فيلم من اللي جابهم مؤيد ونسهروا  عليه😁☹
منى : بكرا جامعة😒
اسماء : تمرقدي نمشي نشوف كيف نقنع خالي اكيد ح يجعر مني ومايكسرش خاطري😂😁
منى : طيري

ومشت اسماء لعند خالها وتفكر كيف يخليها تمشي وبعد محاولات هلباا قنعاته وخشت رقدت ..

اليوم التاني مشت منى واسماء للجامعة رفعهن ايمن ..
وعرفتها ع منال وباقي صحباتها  ..

بعد ساعتين من الضحك والهدرزة خشت منى لمحاضرتها
اما اسماء قعدت مع منال ..

منال : شن تخصصك سومة
اسماء : حاسوب زي منوش
منال : كويس موفقة
اسماء : سلمك تعالي ناخدو فطور مابين طلعت منى
منال : بس ع حسابي ره 😂
اسماء : تمام غير هي جعااانةة
منال : هبلة😂🤦🏻‍♀️
طلعت منى من المحاضرة وجت عند اسماء قعمزوا ف الجنينة متع الجامعة ..
اسماء : نبي نشوووفه
منى :به بلا فضايح🙂💔

شوية وكان حكيم خاش للجامعة ويضحك ويهدرز مع صحابه ..
منى : اشبحي غادي اللي لابس قميص ابيض وسروال اكحل
اسماء : شبحت لحكيم وحست روحها كانها شايفاته بس وين  ؟ مش متذكرةة : طررررف يامنووشتي😂 بنجي كل يوم شكلي 😂
منى : مبردك هي ايمن يستنى فينا .... واطت راسها ومشت فاتت بجمب حكيم اما اسماء كانت تشبحله ولاحظت انه مرفعش عيونه ع منى 😁

روحوا للحوش وخشوا تغدوا شوية وسمعوا زغاريت من مريم ( ام منى )
نزلت منى واسماء يجروا : شن في ؟
مريم : تعرفي جارة خالتك احلام .. شافتكن ف حادث راجلها وقالت تبي تخطب وحدة منكن ..
منى  ويدها ع قلبها تحاول تحافظ ع هدوئها : ومن تبي هي 😅
مريم : .... #يتبع