# روايات ليبية
رواية عشم💔
للكاتبة فطموش
روايـــة * عـــشـــم💔 *
"للـكـااتـبة فـطـمـوش"
الحــلــقــ( 2 )ـة
تحشمت خشيت ف بعضي وهوا لاحظ الشي هذا وباعد شوي عني تم الامتحان وطلعت وانا . متحشمة وندعي ان منتلاقاش معاه لين سمعت صوت وراي ...
سرعت من خطواتي وطلعت من باب الكلية ركبت مع ايمن ونا متلبكككة🤦🏻♀️
روحت للحوش ومشعارفة علاش قلبي بيطلع من مكانه كل شوي نتذكر هذاك الشاب صوته المبحوح وحنية في النبرة ونظراته لي تجنن وحركة حواجبه لما يحكي وريحة برفانه 🤦🏻♀️
صورته ماراحتش من بالي ..
..طيرت منى الموضوع من راسها ناضت دارت قهوة بس وسرحت ورجع التفكير والصداع مشت لدارها ورقدت ناضت بعد المغرب ..
مريم امها : وين نوم لتوا مشفناكش بكل خيرك🙄 الامتحان كويس ولا ؟
منى : اي كويس جاوبت الحمدلله غير صداع مبارح مش راقدة🤦🏻♀️ .
مريم : باهي صبي تعشي وخودي باندول عندك امتحان غدوة ..
منى : مخاطريش تو ناكل بعدين والامتحان ساهل .
فتحت منى النت لقت رسايل واتس من اسماء .
اسماء: منوشتي 😍
وين وين وين كنك معش ادوري يابنت رايفتلك واجد حتى ع الفيس معش لقيتك🙂
منى ؛ بالله سومتي فوتيه موضوع الفيس سكرته ومعش نبي نفتحه 🤦🏻♀️ وجيجة واجد ونخاف يطبوا عليا اهلي حتى قراية يحرموني منها😒
اسماء: تمام عيوني هك اريحلك مهم احكيلي شن صار ف الامتحان
..وقعدت تحكيلهاا ..
اسمااء :ووووهه يقلبيييي لنقنك غبية يامنى كنك قعدتي قدامه زي العبيطة لو كنت مكانك كنت مخليتش الفرصة تمشي من يدي😍
انا : بالله سكريلي فمك توا الطرف هذا بيشبحلي انا وبيفوت بنات الجامعة الحلوات😒🤦🏻♀️🤦🏻♀️
اسماء : اه نسيت ان خالي جعفر بدل نانسي😂😂
منى : مش بوي غير نا نحب نلبس هكك مش وقتك تواا طيري من وجهي
اسماء :كنك يراا نبصر لنقنك حساسة بري بالله قبل بنجيكم نقعد عندكم لكن غيرت رايي😒
منى :تبصري😑😑
اسماء : والله كلمت حتى خالي وبيجي ياخدني من المطار بعد بكرا نا ومؤيد😒😒
منى : ووووه هالدرررااه تعالي بروحك🤦🏻♀️
اسماء :خاطري نعرف علاش تكرهوا بعض 😂
منى : مش مهم هي وجك ونراجي فيك😑
اسماء : وجكك انتي سلام 😂
اسمعي
منى : هاااع
اسماء :مؤيد يسلم عليك😂😂
منى: 🙂💔
سكرت التلفون ورماته ع السرير وفتحت شيتاتها تقلب فيهم .. سرحت لين رجع بيها الوقت لذكريااات كانت تبي تنساهم💔 في خاطرها (ايااااه شكله الصداع مش حيمشي 🤦🏻♀️)
تسطحت واستسلمت للنوم الحل الوحيد لكل المشاكل ..
_____________
"روايــااتــت فـطـمـوش🐼"
مشت منى اليوم التاني للجامعة وكانت كالعادة لبسها فضفاض و تمشي وراسها ف الارض خشت بخطوات سريعة ليت انتبهت لحد ينادي فيها .. منى منى ارجي وووه خيرك طرشتي ؟
تلفتت : اهلين منولتي
منال : عنشكلك دهشتيني منى :مركزش😒 رايفتلك ي كلبة امس مشفتكش بكل ف الامتحان ☹️ شن جاوبتي ؟
منال : اي عرفت سؤالين والثالث غشيته😂
منى :ووه ماقوى قلبك😑
منال : مالا كيفك ي خوافة حتى متقدري ترفعي راسك من الورقة عييت ونا نشطح😒
منى : خطرها بنسألك ع شاب امس خبطت فيه وصدفت وجا وراي ف الامتحان ..و..🤦🏻♀️
منال: اها هذا ..
رن الجرس
منى : فوتي 😅 وقت ع الامتحان
منال : يلا هي نشاء الله اللجنة تكون ساهلة عشان ناخد راحتي كان استحقيتي قوليلي 😌😂
منى :
.........
منى مردتش عشان عيونها جن على حكيم (الشاب اللي خبطت فيه) : منال اشبحي تعرفيه هذا ؟
منال تلفتت : من تقصدي؟
منى : هذا اااي لابس جاكيت اكحل ويتكلم ..
منال ؛ اها هذا حكيم اذكى طالب ف الدفعة واحلاهم 🤤 معانا كيف ماتعرفيشي🤔 .
منى : غمي فمك وخشي 😒😒
منال : وووه دراااه خشيت
داروا الامتحان وجت لجنة وااعرة ومنال ماحصلتش فرصة تغش 😂😂
وطلعوا وروحوا
منى كان اسم حكيم يتردد ف عقلها وحست برعشة ف قلبها خيرني انا بسم الله ف شن نفكر لالا مستحيل 🤦🏻♀️
اكيد مش ح يشبحلي .. خيرني انا ..
تعودت من الشيطان وناضت تنمشى ف الجنينة وكان يوم الخميس يعني بكرا عطلة ..
خدت التلفون وفتحت ع شات اسماء وحكتلها كل شي ..
اسمااء : شكلك طحتي ومحد سمى عليكي كذا قوليلي لا ؟ 😂
منى : توا مش وقت برادتك😒 مفهمتش خاطري نشوفه وخاطري نحكي معه نعرفه من قريب ☹️🤦🏻♀️
اسماء : حييي مش طايحة وبس ت انتي ميتة فيه بالتريس هي 😂
منى : هوا فات من جمبي ومشبحليش واضح مش مهتم لي🤦🏻♀️
اسماء : بكرا توا نديرو راي وبترفعيني معك للجامعة ره نبي نشوفه😍
منى : شوفي خالك نا مش شوري
اسماء: تم توا نحايل عليه 😂
المهم اسمعي😑 مؤيد قالك بيجيب افلام نكسدو عليهن بكرا شن النوع اللي تحبيه 🤦🏻♀️
منى : زومبي فتاة تحولت لزومبي وقتلت ابن عمتها واكلت قلبه 🙂💔
اسماء :😂😂😂 متت وووه مبردك
منى :يلا وجهك 😒
اسماء :ي حيوانة اسمع...
سكرت منى الفون وقعمزت تفكر في حكيم وكل مرة تبعد الشيطان 💔🤦🏻♀️ خايفة تكون حباته بجد من النظرة الاولى ..خافت يكون قلبها فتح بابه للحب من جديد خافت ينكسر قلبها ثاني 💔.. # يتبعع
أنت تقرأ
رواية عشم💔 للكاتبة فطموش
Ficción Generalتحكي عن بنت حياتها كلها عبارة عن عشم.💔. عشمتها الدنيا .. وكان عزاها وسندها اهلها وفي نص القصة تكتشف انها كانت عايشة في كذبة كبيرة .. قصة حب ومشاعر وحزن وخيبة .. اول رواية ليا يارب تعجبكم ❤️ #الكاتبة_فطموش🐼💕
