رواية عشم💔 للكاتبة فطموش

الحــلــقــ( 5 )ـة

#روايات ليبية

روايـــة * عـــشـــم💔 *
"للـكـااتـبة فـطـمـوش"

الحــلــقــ( 5 )ـة

منى : ومن تبي هي ؟
مريم : آيات اختك
اسماء : زغرتت ... ينعلااي بنحصلوا عرس شفتي كيف وجهي خير ياخويلة😍😍😍
مريم :اي يابنتي يلا هي ضمو الحوسة راه الليلة جايين
اسماء ومني : الليلةة؟؟هي هي ..

فاتت العشية وكل حد ماسك حاجة يدير فيها
اية دارت لفة ع الحوشة وبخرت ومنى خشت مع امها الكوجينة اما اسماء قعمزت ع ايات دارتلها مكياج خفيف لان ملامحها حلوة وعيونها خضر ف متحتاجش 😅 ولبست فستان بسيط وناعم لونه بيج وطويل بدون اكتاف طلعت تهببلل
اسماء : نعلي تهبلي يابنت 😍.
ايات : تحشمت .. حسني خايفة
اسماء : كنك من شنو 🙄 خايفة ي بعدي هذي جاية بتشوفك وبتكمل فيك مش ليلة الخميس راه😂
ايات : خزي باردة سكري فمك😂
اسماء : ننزل نشوف خويلة ومنى شن دارو
ايات : بيتعشو هنا ؟
اسماء : لالا خالتك احلام قالت بيجو بعد المغرب درنا تشكيلة موالح وخلاص ..
ايات : ان شاء الله خير
اسماء : نقطع ايدي لو ماطلعتي تكلمي فيه😂😂
ايات : سكري فمك ي امسخة م تفوت عليك حاجة😂
اسماء : بتحكيلي راه🙂
ايات : وووه باااااه غير اطلعي وسكري الباب وراك
اسماء : سلميلي عليه 🙂
ايات : زابطة وووه من يقدرك😂😂😁

طلعت وهي تتمايل وايات ميتة ضحك😂

نزلت شيكت ع الاكل وتأكدو ان كل شي تمام

بعد المغرب جت آمنة ام العريس ومعاها بنتها واختها
قعمزوا شوية ونزلت ايات جايبة القهوة 💕💕
عجبتهم وااجد وقريب هبلو عليهاا ( البنت وخالتها ..لان امنة شايفتها قبل ) قعمزت ايات وخواتها قدموا الضيافة وخشوا لدارهم اما اسماء مبتش تنزل

ف نفس الوقت ف المربوعة في اب العريس وخاله واعمامه وخوه كملوا فيها ( كان سالم يعرف الشاب زين ويعرف اهله لذلك مكانش ف داعي يسأل عليه ولا يعطل ع الجماعة ف عطاهم كلمة طول وكملوا فيها ) وطبعا سالم مرضاش ان يكون ف بيان يعني عرس طول وخلاص 😁

روحوا الضيوف وكانت اياات فرررحانة موووت يعني شعور انك تاخدي حد تحبيه وتبيه 💕💕 فنفس الوقت خايفة من موضوع البنت مع ان منى قالتلها ان الموضوع انحل ومعش تفكر فيه بس مزالت خايفة ..

اما اسماء كالعادة استلمت ايات وحكتلها بالتفصيل 😂😂😂كيف شافاته عند خالتها لما جا بيروح بأمه وكيف قعدت تستغل ف اي فرصة عشان تمشي لاحلام وتشوفه وهك خدت رقمه وحكوا مع بعض وحبو بعض😁💝

اما مؤيد روح ليلتها وكان جوه مقلوب شاف سيارات الضيوف مروحين خش للمربوعة عرف ان في ضيوف عند خاله سال ايمن : شن في وشن قصة السيارات هادوم ؟
ايمن : اليوم كملوا في اختي الفال لك 💕
مؤيد :حس بغصة ف قلبه ويادوب طلعت الكلمة : منى 💔؟؟
أيمن : لالا مش منى ، آيات .
مؤيد : الحمدلله .. قصدي الف مبروووك
ايمن : الله يبارك فيك 😁
شوي وخش سالم
مؤيد : مبارك عليها ياخال دايمة الافراح اي شي تستحقه نا موجود
سالم : الله يبارك فيك ويحفظك ويرعاك
وقعمزوا هدرزوا شوية وخش سالم رقد
وكذلك مؤيد وايمن والكل ماعدا آيات كانت ساهرة للصبح تحكي مع أسامة خطيبها (فرحانين عاد😁💕)

اما عند حكيم كانت عنده كل المعلومات ع منى
عمرها واهلها وسكنها وكل شي صح موصلش للحب تجاهها بس كانت هي شاغلة باله واختياره الاول في الزواج ..

فاتو اسبوعين واسماء تمشي مع منى للجامعة وتكحل ف الطروف😂😂 اما حكيم حاول كم مرة انه يحكي مع منى بس منى كانت تتجنب فيه خايفة حد يشوفها وهي واقفة معاه واتصيرلها مشكلة ..
بس بعد محاولات واجد اقتنعت ان تعطيه رقمها وتشوف روحها هي بجديات بدت تحب حكيم ؟ ولا مازالت تحب مؤيد حبها الاول 💔؟
اما مؤيد كان ع نفس الحال ميروحش لحوش خاله الا ف ليل ويطلع الصبح بدري عشان مايتلاقى مع منى .

وفي الاسبوعين هاذوم تحدد عرس ايات بعد شهر
مددت اسماء اقامتها وكلمت اهلها ان يجيبولها باقي حوايجها لما يجوا ..
اما مؤيد قرر انه يرجع للشرق ويجي مع اهله للعرس .

فاتو الايام ومنى تحكي مع حكيم تريحتله بس مش متأكدة انها تحبه ولا ؟ مع انه فتحلها موضوع الزواج بس قالت مزال بدري 🤦🏻‍♀️🤦🏻‍♀️

اما باقي عيلة منى كانو مشغولين ف التحظير للعرس يعني مزال اسبوع بس ع العرس

طبعا اول عرس ف العيلة واكيدة ح يكون كبير والتحظيرات ليه كبيرة .
جو اهل اسماء من الشرق وجا معاهم مؤيد وايهم .. وفي الوقت هذا كانت ايات تجري ع المحلات وتشري ف كسوتها
يرفع فيهم ايمن ..
مريم : ايمن نوض سلم ولدي ارفع خواتك في كم حاجة بياخدوها من السوق
ايمن : وووه يما عيييت والله كلمي حد تاني نبي نطلع انا وايهم انكسدوا مع الشباب والاه ماحصلنا تهدريزة سمحة وانا من الصبح للمغرب ف السوق😒
مريم : خلاص تريح توا نكلمك خالك يرفعهن 😍
ايمن : ريحتيني يايام يحفظك ليا 😍وعطاها بوسة ف الهواء
مريم : خزي قليل الادب😂
فاطمة : ووه كلا الجيل هذا بيهبلنا 😂😂
مريم :😂😂😂

كانت اسيل مقعمزة هي واية ع تلفون ويوشوشو 😁

منى : امي وين ايمن ؟
مريم : فوتيه كلمت خالك يرفعكم
منى : يحليلي نا😍😍💕
ايات : بنحصلوا جوؤ😂😂
اسماء : عمري ماشفته خالك هضا😅
منى : بيرفعنا هو للسوق
اسماء : كويس

فراس : هيا صبايا بنهيج بيكن اليوم😂
منى : يحليلي نا احلى خال ف الدنيا
ركبت منى ف السيارة من قدام ومن ورا ركبت ايات واسماء
اول مركب شبح المراية جت عينه ع اسماء سرح فيها لين ولعت منى المسجل انخلع ووولع السيارة وفاات 😂
# يتبع