السلام عليكم
الكاتب
احمد الخفاجي
........................................................................
ابو حسن:-السلام عليكم
ام حسن:-هلا بيك وكل الهلا
شمس:-هلا بابا ،كمت حضنته وبسته
ابو حسن:-هااا اليوم ملكتي عدها شي
شمس:-ههه لا بابا شنو جديدة عليك من احضنك، شو كل يوم احضنك وابوس بيك
ابو حسن:-حياتي انتي شعندي غيرج
شمس:-بابا شو اتأخرت اليوم
ابو حسن:-بابا بعد هذ شغلي
شغله عصت عندي بس كدرتلها
شمس:-بابا متاخذ وياك حسن يساعدك
ابو حسن:-لابابا ماريد اتعبه من هسه ،خلي يدرس ويلزم شهادته، والله كريم
شمس:-بابا انت شتشوف حسن عنده مستقبل؟
ابو حسن:-هاااا هذا مو كلامج شموسه، اكو واحد قاري ببالج
شمس:-لابابا بس حسن معنده مستقبل عاد يتعلمله صنعه من عندك احسن مايضل هيج
ابو حسن:-كولي ل حسن ما ابطله لو كل صف يضل بي ٣ سنوات ،عود صايرة واسطة اله
شمس:-لا بابا
ابو حسن:- انه اعرفكم واحد واحد واعرف شنو تفكيركم هو يريد يبطل مو؟
شمس:-اي بابا
ابو حسن:-لووووو يموووت ما ابطله
وبلغيه اذا اجاني إكمال او راسب لا يجي للبيت مفهوم لو لا
شمس:-تمام بابا مفهوم
ام حسن:-ماتردون لا انتي ولا اخوج
شمس:-هو انه لو حسن يجيب سوالفه ويذبهن براسي
ام حسن :- يمه روحي حضري غده ابوج على ما اشوفه
شمس:-تمام رايحه
حسن:-ابوي عود شيستفاد
شمس:-حسن ابوي عصب وضل يصيح من وراك كافي ما يريد يبطلك
حسن :-اي مو راح اصير دكتور
شمس:-حسن عندك شي بعد روح لابوي انه لا ادخلني
حسن :-اي انتي لو تردين جا قنعتيه
شمس:-استغفر الله ،حسن انت سمعت ابوي وكتلك ابوي ماياخذ بكلامي لاتشوفه مدللني ابوي يسوي اللي براسه
حسن:- هسه انه تلعب روحي من الدراسه
شمس:- ادري شبيك تلعب روحك غير مستقبلك
