السلام عليكم
بقلم
الكاتب
احمد الخفاجي
...................... ....................... .................................
.......
...
.
سلام:- لا انزلي
شمس:-تمام
نزلت
سلام:-انطيني ايدج
شمس:-سلام
سلام:-حبيبتي
شمس:-شوكت نرجع
سلام:-يعني متردين تكعدين بمطعم
شمس:- لا خل ناخذ جاهز، ماريد مطعم
سلام:-يعني ناكل بالسيارة؟
شمس:-اي احسن الوقت تأخر لو ناكل بالسيارة لو بالبيت
سلام:-اوك حبيبي ناخذ لفات بركر ها شكلتي
شمس:-اي ،بس شاني وياهن
سلام:-تحبين الشاني؟
شمس:-اي
عبرنه من يم شباب ،اكو واحد سمعني حجاية باوعت لسلام، كلت ماسمع الولد لو يتكفى الشر
امشي احس الولد يمشي ورانه
شمس:-سلام خل نرجع لاهلنه مو احسن
سلام:-ناخذ لفاتنه ونروح
شمس:-وكف سلام بعيد عني ،الولد اجه تقرب يمي
ويسمعني كلام
سلام سوه نفسه مايشوفني بس اتفاجأت اشوف بعيني سلام يدير وجهه عني بس عقلي مجاي يتقبل .شفت عائلة من بعيد رحت امشي سريع وكفت يم هاي العائلة الولد اجه ورأي
شلون بيه يا إلهي رحت كعدت يم مره كالتلي ها خالة شبيج
شمس:-خالة هذا الولد زعجني كلش وزوجي راح يجيب عشا ،ابنها سمع كال
خوية لا تخافين اذا هو زلمة خل يتقربلج والله اخليه راسه طشار ضلي هنا على ما زوجج يجي
شوية راح الخوف عني دك تلفوني شفت علي المتصل
حسن:-هاا شمس اتأخرتوا خوية
شمس،:-جايين
حسن:-شموسه شبيج صوتج ماعاجبني
شمس:-ما بيه شي حسوني ،احنه راح نجي ،رفعت راسي شفت سلام كدامي
سلام:-ها نمشي؟
شمس:- يلا مناكل بالسيارة نرجع للبيت كبل
سلام:-اي انه هم اشوف هيج
شمس:-سلام اسألك سؤال
سلام:-جواب حبيبتي
شمس:-انت تغار عليه لو لا
سلام:- لا ما اغار
شمس:-شنووو
سلام:-لان اثق بيج واعرفج انتي شنو ف ليش اغار
شمس:-سلام مساع واحد ضل يذب كلام عليه
سلام:-اي ادري سمعته بس انه ما احب المشاكل
شمس:-شنووو سمعته ؟وماتحركت
سلام:- شفتج خايفة بس عفية عليج رحتي يم هاي العائلة ردت اتشكر من الولد بس ما لكيته
شمس:-سلام يحجي وانه ممصدكة
هذا شلون امن حياتي عنده
سلام ماريد حتى عشى، فدوة رجعني للبيت حسن كل ساعة يخابرني وابوي يريد يلتحق
سلام:-اي عاد اخذي عشاج
شمس:-ماريد ما اشتهي انطيه ل عمتي
سلام:-بعد انتي براحتج
شمس:-ردت بس ارجع للبيت متت
رجعت للبيت مالي خلك
ابوحسن:-باباتي شموسه
شمس:-رحت شبكت ابوي
ابو حسن:-مبروك حبيبتي
شمس:-الله يبارك بيك .
ابوحسن:- راح التحق ديري بالج على نفسج زين بابا ،وبالليل لا تسبحين خليتلج مصرف عد امج
شمس:-تمام ،بابا عندي موضوع وياك
ابةحسن:-شنو هو
شمس:-من ترجع بالسلامة اسولف عليك
ابو حسن:- يلا ماكو أشكال تعاي ابوسج
شمس:-الله لا يحرمني منك بابا
ام حسن:-ها بس بتك واحنه صرنه مانعجب
ابوحسن:-ههههه انتي الكل بالكل.
ام حسن:-اي تضحك علي تحب بتك أكثر
ابوحسن:- انه حبي ل شمس مو طبيعي اعتبرها بحياتي نقطة ضعفي
شمس:-فدوة اروحلك بابا ،والله بابا ولا رجال بالدنيا مثل حنيتك، ولا اشوف بعيني اي واحد
ابوخسن:- لا انشالله ابن عمج يحبج أكثر مني
شمس:-سكتت، لان تذكرت الموقف و
ضجت
ابوحسن:-صيحيلي حسن
شمس:-اوك ،رحت ل حسن لكيته يلعب حيه ودرج هو وريهام، هاا ولكم شسوون
حسن:-نلعب، بسرعة بدلي وتعاي
شمس:-ابوي يريدك
خسن:- يلا كمت
شمس:-رحت بدلت ،اجت ورأي ريهام
ريهام :-شبيج شموسه شو ضايجة
شمس:-ريهام شسولفلج
ريهام:-سولفي
شمس:-اجه حسن لا يسمعنه طلعي خل ابدل
ريهام:-ما اطلع اريد اشوف هههه
شمس:-عابت شكلج ههههه طلعي يلا
ريهام-ها شلونه سلام
شمس:- زين ،بعدين اسولف عليج
ريهام:-ل اروح العب، صدك شنو تعشيتي
شمس:- لا ماتعشيت
ريهام:-يححح هذا الوكت شتسوون
شمس:- بس سوالف
ريهام:-ادري شكو
شمس:-هو جاب عشى بس انه ماردت
ريهام:-امداااج خل يكتلج المستحى
شمس:-مو مستحى بس انه ما اشتهي
ريهام:- يلا بدلي وانه راح اكمل لعب
شمس:- روحي، بدلت وكملت وانه صافنه ب نرتضى شلون سمع الولد وغلس يعني سالفة ماتدخل ب عقلي
ابو حسن:- شمس بابا تعاي احاجيج
شمس:-ها بابا
ابوحسن:- افتحي هاي العلبة .
شمس:-هاي هدية الي؟
ابوحسن :-هسه انتي افتحيها
شمس:-فتحتها لكيت كلادة صغيرة مكتوب عليها Ahmed
ابوحسن :-ها اسم ابوج راح يضل وياج طول العمر
شمس:-بابا هاي ذهب
ابو حسن:- طبعا ذهب، هاي اريدها عندج مدى العمر كلشي يصير بهالدنيا ما تبيعينها
شمس:- لا ما ابيعها اصلا راح البسها وما انزعها بعد
ابوحسن:-ردت اصيغها الج بأسم خطيبج بس كلت انتي تحبيني أكثر
شمس:-يا خطيبي يا دنيا انت روحي بابا
سلم علينه ابوي وراح سلم على عماتي والتحق
ريهام:-منيلج هااي
شمس:-هدية ابوي
ريهام:-هذا اسم ابوج عليها ؟
شمس:- لا اسم حبيبي هههههه طبعا اسم ابوي ،محد يستاهل اخلي اسمه
ريهام:- يلا تعاي العبي .
شمس:-ولا بيه حيل كلش تعبانه
ريهام:- راح اسويلج عشى
شمس:- لا تسوين شبيج ماريد راح انام
ريهام:- يلا حبيبتي ،تصبحين على خير
شمس:-وانتي من اهل الخير ،تمددت على جربايتي وابوس بأسم ابوي ،
...........
ام حسن:- يمه شموسه اكعدي خابري ابوج شوفي وصل لو لا ،،
شمس،:- يمه هاج التلفون وخابري ابوي انه انعس والله تعب امس بيه
ام حسن:-اكعدي خابري ابوج يلا
شمس:-اباوع الساعة ب ٦ ،ادري حظي مكعدج عليه والله تعبانه من ضيم الامتحانات وضيم امس
ام حسن:- هسه شكتلج انه خابري ابوج وانطمري
شمس:-خابرت عل ابوي،
ابوحسن:-ها شموسه هلا بابا هاي امي وياك ،طبعا بوقتها حيل نعسانه بحيث نا اكدر احجي
ام حسن:-الو،صباح الخير
ابوحسن:-صباح الخير حبيبتي
ام حسن:-شنو احمد وصلت
ابو حسن:-اي وصلت
ام حسن:-يلا اخذ راحتك
ابو حسن:-الله وياج
امي سدت التلفون وشمرته عليه وكالتلي
ام حسن:-اكعدي سولفيلي يلا
شمس:- يمه فدوة اروح لطولج مابيه احجي من النعاس وتعبانه من اكعد اسولف عليج
ام حسن:- لا الا هسه تكعدين
شمس:-ولا جاوبت امي
ام حسن:- شمس يمه اكعدي ماتشبعين نوم
شمس:- والله ما شبعانه نوم وتعبانه كلش تدرين من أثر الامتحانات إلى حفلة الخطوبة ما لحكت ارتاح
ام حسن:-امدااج عود انه امج واحاجيج
شمس:-ضحكت وغلست ماكمت لان مابيه حيل .
