Ito ang mga reading list kung saan pwedeng ma-feature ang inyong mga kuwento:
High Fantasy - Mga kuwento ng hiwaga tungkol sa mga kaharian, dugong-bughaw, at mga pakikipagsapalaran. Kabilang din dito ang panibagong mundo, mapanganib na mga paglalakbay, at tanawing may likas na hiwaga at pagkamangha.
Urban Fantasy - Pantasya na naghahasik ng kahiwagaan sa modernong panahon. Mga kuwento ng pangkaraniwan na hinaluan ng hindi pangkaraniwan.
Sci-fantasy - Halina't pumasok sa mundo ng mahika na may kaakibat na konsepto sa siyensiya. Mga kuwentong nagpapakita ng salamangka na may halong teknolohiya ang nananahanan sa reading list na ito.
Asian Fantasy - Mga akdang may elemento ng wuxia, xianxia, at mga impluwensiya mula sa Chinese, Japanese, at Korean folklore ang nakapaloob sa reading list na ito. Tinatanggap din dito ang mga akdang may hiwaga na mula sa kultura ng Timong-Silangang Asya, Indochinese, at India.
Dark Academia - Paaralan ng kahiwagaan? Pagbangon ng sinaunang puwersa ng kadiliman mula sa abo? Mga kuwentong katulad ba ng kay Harry Potter? Nakahanda na ang inyong mga admission letter at halina't pumasok sa mundo ng magical schools at academies.
Mythological Fantasy - Samu't saring kwento ng mga diyos, diyosa, at mga halimaw na unti-unti nang nababaon sa limot ang muling mabibigyan ng buhay. Ang mga kwentong nakapaloob sa reading list na ito ay naglalaman ng mga alamat na nakabase sa mga mitolohiya ng nakalipas at ng makabagong panahon.
Supernatural Fantasy - Vampires, witches, werewolves, ghosts, at demons—mayroon lahat ang reading list na ito! Ang mga kwentong nakapaloob ay tumatalakay sa paranormal na talagang magpapahindik at magpapatindig ng inyong mga balahibo.
Isekai Fantasy - Ang isekai ay salitang Japanese na nangangahulugang "different world". Samahan ang mga karakter sa ganitong kuwento patungo sa mahiwaga at kakaibang mga mundo. Kabilang sa mga kwentong ito ang paglalakbay sa ibang dimensyon, time traveling, at pagiging reincarnated sa ibang mundo.
Fantasy Romance - Kung "pag-ibig" ang pinakamahiwagang bagay para sa 'yo, mahahanap mo mga ito sa bawat pahina ng reading list na ito. Halina't kiligin sa mga kuwento ng kagila-gilalas na paghahanap at pakikipaglaban sa ngalan ng hiwaga ng pag-ibig.
YOU ARE READING
WattpadFantasyPH Profile Guidebook
AcakIto ang opisyal na Guidebook ng WattpadFantayPH. Naglalaman ito ng mga impormasyon tungkol sa Wattpad, mga tips at how to's, at sa mga dapat pa ninyong malaman tungkol sa profile. Halina't sabay-sabay tayong matuto!
