Chunya chalo pap mar ndege,
Jaber bii ipi e iye,
Gik moko nduto tee asetimo ne,
Nyaka taya bende aseketo kare,
Ka ibiro to ok in ilal,
Nikech yoo bende ler.
Agombi,
Osiepa Hera mane imiya oketho dhoga,
Duog imeda kendo,
Onge Hera mamit maloyo mari,
Jaber osiep chunya,
Dhogi mit kanyodho,
To ka inyodho mara to wiya juol,
Ikaw pacha bebi,
Duog iketa mari kendo.
Osiep chunya,
Donge ing'eyo kaka chunya romo,
Bende de orom ng'ato kendo?
Ooyo,
In ema ing'eyo kit Hera ma roma,
Tao ma itoko nae Hera duong',
Kendo ober,
Hera bende itedo mochiek,
Odum tik mamit,
Jaber,
Chunya gombi kendo.
Bebi,
Tinde ok anind e otanda,
Aduogo e kom,
Litna kaparo nindo kenda,
Kang'iyo batha to ok aneni,
Pi wang'a tinde osechuer ndi,
Raten wich mari ema en otamba na,
Agole oko pile nikech ong'ich,
Yuakna bende tundoni?
Litna,
Litna ni itedo ne ng'ato,
Litna ni imuro ne ng'ato pii luok,
Awinjo malit ka ng'ato muli,
Osiep chunya,
Litna ni ng'ato nyodhi,
Ng'ano ma iumo e onget?
Koso ng'ano ma isudo ne e kor ot?
Chunya lit,
Jaber,
Dougi chunya gombi kendo.
YOU ARE READING
LOVE POEM (DHOLUO)
PoetryThis is a love poem that has been published in Luo language. The persona narrates how his mother and grandmother played a role in shaping up his future love's life. The grandmother compares love with a cloth used almost daily. It smells nicely when...
